O‘qituvchilarga ustama tayinlashga qanday tadbir va olimpiadalar uchun ball berilishi aniq bo‘ldi

Ma’lumki, har yili Maktabgacha va maktab ta’limi vazirligi tomonidan pedagog xodimlarga ustama belgilashda inobatga olinadigan fan olimpiadalari, ko‘rik tanlovlar, musobaqalar va tadbirlar ro‘yxati e’lon qilinadi.

Maktabgacha va maktab ta’limi vazirligining 2026-yil 30-yanvardagi 35-sonli buyrug‘i bilan 2026-2027-o‘quv yili uchun umumta’lim muassasalaridagi o‘qituvchilarning bazaviy tarif stavkalariga har oylik ustamalar belgilashda inobatga olishga tavsiya etilgan fan olimpiadalari, ko‘rik tanlovlar, musobaqalar va tadbirlar ro‘yxati tasdiqlandi. Demak, ro‘yxat bilan tanishamiz.

Fan olimpiadalari

1. Asosiy fan olimpiadasi

2. Al-Xorazmiy nomidagi aniq va tabiiy fanlar (Science)

3. Abu Rayhon Beruniy nomidagi xalqaro Kimyo olimpiadasi (ARBICHO)

4. Xalqaro Yoshlar Bolqon Matematika olimpiadasi

5. Xalqaro Kimyo olimpiadasi (IChO)

6. Xalqaro Matematika Olimpiadasi (IMO)

7. Xalqaro Fizika Olimpiadasi (IPhO)

8. Xalqaro Informatika Olimpiadasi (IOI)

9. Jahon Ochiq Astronomiya Olimpiadasiga saralash

10. Xalqaro Matematika Musobaqasi (IMC)

11. Jahon Ochiq Astronomiya Olimpiadasi

12. 22-Xalqaro yoshlar tabiiy fanlar olimpiadasiga saralash

13. 22-Xalqaro yoshlar tabiiy fanlar olimpiadasiga saralash

14. Nufuzli xalqaro olimpiadalarga saralash

15. Nufuzli xalqaro olimpiadalar (IMO, IPhO, IBO, IChO, IOI)

16. 22-Xalqaro yoshlar tabiiy fanlar olimpiadasi

17. Xalqaro Jautikov Olimpiadasi

18. Xalqaro Nemis tili olimpiadasiga saralash

19. Xalqaro Ingliz tili olimpiadasi (ELO)

20. Xalqaro Geografiya olimpiadasi (IGeO)

21. Xalqaro Iqtisod Olimpiadasi (IEO)

22. Xalqaro Kavkaz Matematika Olimpiadasi(CMO)

23. Osiyo Tinch okeani mintaqasi Matematika Olimpiadasi (APMO)

24. Xalqaro Bolqon Matematika Olimpiadasi (BMO)

25. O‘smirlar o‘rtasida Bolqon Matematika Olimpiadasi (JBMO)

26. Osiyo Fizika olimpiadasi(APhO)

27. Yevropa Fizika Olimpiadasi

28. Osiyo Tinch okeani mintaqasi Informatika Olimpiadasi (APIO)

29. Yevropa Qizlar Matematika Olimpiadasi (EGMO)

30. Yevropa Qizlar Informatika Olimpiadasi (EGOI)

31. Xalqaro Turkmaniston Olimpiadasi

32. Xalqaro Ochiq Biologiya Olimpiadasi

33. Alisher Navoiy nomidagi Xalqaro O‘zbek tili Olimpiadasi

34. Al-Xorazmiy nomidagi Xalqaro Matematika va Informatika (ARBICHO) olimpiadasi

35. Abu Rayhon Beruniy nomidagi xalqaro Kimyo olimpiadasi

36. Al-Farg‘oniy nomidagi Xalqaro Fizika Olimpiadasi

37. Abu Ali Ibn Sino nomidagi xalqaro biologiya olimpiadasi

38. Buyuk Sharq Renessansi xalqaro olimpiadasi

39. Xalqaro ingliz tili olimpiadasiga saralash bosqichlari

40. Xalqaro geografiya olimpiadasiga saralash bosqichlari

Ko‘rik-tanlov va musobaqalar

1. “Huquqiy ma’rifiy bilimdon” ko‘rik-tanlovi

2. “Men giyohvandlikka qarshiman” ko‘rik-tanlovi

3. “Yosh qutqaruvchi” musobaqasi

4. “Yosh gvardiyachi” musobaqasi

5. “Yosh chegarachi” musobaqasi

6. “Vatanparvar” musobaqasi

7. “Yashil chiroq” musobaqasi

8. “Jasorat uchqunlari” musobaqasi

9. O‘quvchilar o‘rtasidagi “Zakovat” intellektual o‘yini musobaqasi

10. “Turon” maktab teatri

11. “Iqtidor” maktab ansambli

12. “Jadidlar izidan” ko‘rik-tanlovi

13. Badiiy gimnastika bo‘yicha “Maktabgacha va maktab ta’limi vaziri kubogi” musobaqasi

14. Umumta’lim maktab o‘quvchilari o‘rtasida “Besh tashabbus” olimpiadasi

15. “O‘quvchilar kengashi” liderlar tanlovi

16. “Yil sardori” ko‘rik-tanlovi

17. “Eng namunali maktab sardorlari kengashi” ko‘rik-tanlovi

18. “Eng namunali mahalliy sardorlari kengashi” ko‘rik-tanlovi

19. Eng na’munali hududiy sardorlari kengashi” ko‘rik-tanlovi

20. O‘quvchilar o‘rtasida “Yoshlar va qonun” ko‘rik-tanlovi

21. “Kitobxonlik festivali” ko‘rik-tanlovi

22. O‘quvchilar o‘rtasida “Futbolimiz kelajagi sening qo‘lingda” shiori ostida respublika birinchiligi

23. “Yosh bojxonachi” ko‘rik-tanlovi

24. Huquqiy-ma’rifiy bilimdon ijodiy ko‘rik-tanlovi

25. “Jaholatga qarshi ma’rifat” mavzusida ijodiy ishlar tanlovi

26. “Mening huquq va majburiyatlarim” ko‘rik-tanlovi

27. “Zulfiya” davlat mukofoti

28. “Yosh kitobxon” ko‘rik-tanlovi

29. “Inson huquqlari” ko‘rik-tanlovi

30. “Sen iste’dodlisan” ko‘rik-tanlovi

31. “Xorijiy tillarni o‘qitish bo‘yicha eng yaxshi maktab tanlovi”

32. “Siz ekologiyaga oid qonunlarni bilasizmi?” ko‘rik-tanlovi

33. “Eco-Schools Uzbekistan” loyihasi doirasida o‘tkaziladigan tanlovlar

34. “Raqamli avlod qizlari” tanlovi

35. “Ixtirochilikka qadam” tanlovi

36. O‘quvchi qizlar o‘rtasida “Maktabgacha va maktab ta’limi vaziri kubogi” musobaqasi

37. Maktabgacha va maktab ta’limi vazirligi tasarrufidagi respublika tashkilotlarining Vazirlik bilan kelishilgan holda o‘tkazilgan ko‘rik tanlovlar, musobaqa va tadbirlar.

Yuqorida keltirilgan fan olimpiadalari, ko‘rik-tanlovlar, musobaqalar va tadbirlar Vazirlar Mahkamasining 2019-yil 30-sentabrdagi 823-son  qarori bilan tasdiqlangan Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risidagi nizomga 1-ilovaning 1-bandi 2-pozitsiyasi bo‘yicha baholash mezonlarida ko‘rsatilgan tartib bo‘yicha baholanadi. 

Bunda pedagog xodimlarga quyidagicha ball beriladi

• tuman (shahar) miqyosidagi olimpiada, tanlov va boshqa tadbirlarda qatnashib, o‘quvchilari eng quyi g‘olib ko‘rsatkichining 55 foizidan yuqori natijalarni ko‘rsatganda — 5 ball;

• tuman (shahar) miqyosidagi olimpiada, tanlov va boshqa tadbirlarda qatnashib, o‘quvchilari eng quyi g‘olib ko‘rsatkichining 70 foizidan yuqori natijalarni ko‘rsatganda — 10 ball;

• tuman (shahar) miqyosidagi olimpiada, tanlov va boshqa tadbirlarda qatnashgan o‘quvchilari 1-, 2-, 3-o‘rinlarni (shuningdek, to‘g‘ridan to‘g‘ri xalqaro fan olimpiadalaridan ishtirok etib, sovrinli o‘rinlarni) egallaganda — 25 ball.

Boshlang‘ich ta’lim yo‘nalishida

Ushbu yo‘nalishda boshlang‘ich sinf o‘quvchilarining maktab miqyosidagi tanlov va boshqa tadbirlardagi ishtiroki natijalari asosida baholanadi. Bunda umumiy o‘rta ta’lim muassasasi direktori buyrug‘i bilan maktab miqyosida o‘tkaziladigan tanlov va boshqa tadbirlar hisobga olinadi.

Bunda umumta’lim muassasasi miqyosida o‘tkaziladigan tanlov va boshqa tadbirlar umumta’lim muassasasi direktori buyrug‘i asosida o‘tkazilishi hamda o‘zining tasdiqlangan Nizomi va o‘tkazish tartibiga ega bo‘lishi talab etiladi.

Bunda boshlang‘ich sinf o‘qituvchilariga quyidagicha ball beriladi

• maktab miqyosidagi tanlov va boshqa tadbirlarda qatnashgan o‘quvchilari to‘plashi mumkin bo‘lgan maksimal ballning ulushi 55 — 70 foizni tashkil etganda — 5 ball;

• maktab miqyosidagi tanlov va boshqa tadbirlarda qatnashgan o‘quvchilari to‘plashi mumkin bo‘lgan maksimal ballning ulushi 71 — 85 foizni tashkil etganda — 10 ball;

• maktab miqyosidagi tanlov va boshqa tadbirlarda qatnashgan o‘quvchilari to‘plashi mumkin bo‘lgan maksimal ballning ulushi 86 — 100 foizni tashkil etganda — 25 ball.