Boshlang‘ich sinf o‘qituvchisi milliy sertifikatning qaysi darajasi uchun 50% ustama oladi?
Savol
Menda o‘zbek tili bo‘yicha C+ milliy sertifikati bor. O‘zbek sinflarda boshlang‘ich sinf o‘qituvchisiman. Shu vaqtga qadar 20% ustama olayotgan edim.
Endi yanvardan menga ham 50 foiz ustama hisoblanadimi? Ayrimlarning aytishicha, faqat B+ dan yuqorilargagina 50 foiz to‘lanar ekan. Shu rostmi?
Javob
O‘zbekiston Respublikasi Prezidentining 2022-yil 11-maydagi “2022-2026-yillarda xalq ta’limini rivojlantirish bo‘yicha milliy dasturni tasdiqlash to‘g‘risida”gi PF–134-sonli farmoni 9-bandiga ko‘ra Bilim va malakalarni baholash agentligining milliy baholash tizimida olingan sertifikatga ega bo‘lgan pedagog kadrlarga — ularning tarif stavkasiga nisbatan 20 foiz miqdorida ustamalar to‘lab berish nazarda tutilgan.
O‘zbekiston Respublikasi Prezidentining “O‘zbekiston - 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida”gi 37–son Farmoni 12-bandiga ko‘ra 2025-yil 1-yanvardan boshlab Bilim va malakani baholash agentligi tomonidan berilgan milliy sertifikatga ega “Ona tili va adabiyot” fani o‘qituvchilariga 50 foiz miqdorida ustama to‘lanishi belgilandi.
Shuningdek, Oliy ta’lim, fan va innovatsiyalar vazirligining 2024-yil 4-apreldagi 4-q/q-son va Maktabgacha va maktab ta’limi vazirligining 2024-yil 2-apreldagi 3-mh-son qarori bilan xorijiy tillar va umumta’lim fanlarini bilish darajasini belgilovchi milliy va xalqaro tan olingan sertifikatlar ro‘yxati tasdiqlangan.
Mazkur qo‘shma qarorning 4-bobida umumta’lim fanlarini bilish darajasini belgilovchi C darajadagi milliy sertifikat ustama to‘lash uchun asos bo‘lishi keltirib o‘tilgan. C+ darajadagi milliy sertifikat esa C darajasidagi sertifikatdan yuqoriroq.
Ushbu qo‘shma qaror kuchga kirgunga qadar olingan sertifikatlarga ustama olish uchun sertifikatlarning eng kam darajasi 60 ball etib belgilangan.
Demak, C darajadagi (mazkur qaror kuchga kirgunga qadar olingan sertifikatlar uchun 60 ball) milliy sertifikatga ega bo‘lgan boshlang‘ich sinf o‘qituvchisiga ustama to‘lab beriladi.
Bunda boshlang‘ich ta’limda dars beruvchi ustozlarga sinflar kesimida quyidagi fan soatlari uchun 50 foiz miqdorida ustama to‘lanadi:
- 1-sinfda o‘quv yilining 1-2-choraklarida 4 soat “Alifbe”, 4 soat “Yozuv”, 3-4-choraklarida 4 soat “Ona tili”, 4 soat “O‘qish savodxonligi” fani;
- 2-4-sinflarda 4 soatdan “Ona tili”, 3 soatdan “O‘qish savodxonligi” fani.
Izohlar 5
Izoh qoldirish uchun ro'yxatdan o'ting!
Yangiliklar
Maktab darsliklari yangi alifboga o‘tkaziladi: o‘quvchilar imlosini baholashda yengillik berilishi mumkin
Milliy sertifikat: natijalar bugun chiqadi, yangi imtihonga ro‘yxatga olish ertadan boshlanadi
Dars soatlari elektron platforma orqali taqsimlanadi. Pedagoglar bundan nima kutmoqda?
Maktab bitiruvchilari uchun yagona davlat imtihoni joriy qilinishi mumkin
Mavzuga doir yangiliklar
Yangiliklar
Milliy sertifikat: natijalar bugun chiqadi, yangi imtihonga ro‘yxatga olish ertadan boshlanadi
2026-yil oktabr oyida ona tili va adabiyot, tarix hamda geografiya fanlaridan o‘tkazilgan milliy sertifikat imtihonlari natijalari bugun, 20-noyabr kuni kun yakuniga qadar e’lon qilinadi. Bu haqda Bilim va malakalarni baholash agentligi xabar berdi.
Yangiliklar
Boshlang‘ich sinf o‘qituvchilari milliy sertifikat imtihonida nega 90 ta test topshiradi?
Bilim va malakalarni baholash agentligi boshlang‘ich sinf o‘qituvchilarini milliy sertifikatlash tizimi, imtihon topshiriqlari soni va baholash mezonlariga oid ma’lumotlarni e’lon qildi.
So'ragan edingiz
O‘qituvchi ta’tilda bo‘lgan davri uchun ham sertifikat uchun ustama to‘lab beriladimi?
Mehnat kodeksining 233-moddasiga muvofiq har yilgi mehnat ta’tilida bo‘lgan vaqti uchun xodimga ushbu Kodeksning 257-moddasiga muvofiq hisoblab chiqariladigan o‘rtacha ish haqining saqlanishi kafolatlanadi.
So'ragan edingiz
Milliy sertifikat bor, ammo EduERP’da “ustama to‘lanmaydi” chiqyapti: sabab nima?
Meni maktabimda ona tili va adabiyot fanidan o‘qituvchi bo‘lib ishlaydigan ustozimiz A sertifikatini oldi, umumiy balli 66.82. Lekin erp.maktab.uz saytida ustama to‘lanadi degan joyiga “yo‘q” (to‘lanmaydi) chiqib turibdi. Shu savolga javob kerak, ustama to‘lanadimi yoki yo‘q?
O'zbek
Izohingizni tahrirlang