O'zbek
O‘qituvchilarni xorijga malaka oshirishga yuborish bo‘yicha prezident topshirig‘i to‘liq bajarilmadi
O‘zbekiston Respublikasi Prezidenti Sh.Mirziyoyev rahbarligida 2025-yil 15-may kuni maktab ta’limida amalga oshirilgan islohotlar va kelgusidagi asosiy vazifalar to‘g‘risida o‘tkazilgan videoselektor yig‘ilishida Qoraqalpog‘iston Respublikasi Vazirlar Kengashi, Toshkent shahar va viloyatlar hokimliklariga har bir tuman (shahar)dan 5 nafardan maktab o‘qituvchilarini xorijga malaka oshirishga yuborish vazifasi belgilangandi.
Topshiriq ijrosini ta’minlash maqsadida Maktabgacha va maktab ta’limi vazirligi tomonidan tuman (shahar)lardan 5 nafardan maktab o‘qituvchilarini xorijga malaka oshirishga yuborishni tashkil etish bo‘yicha “Yo‘l xaritasi” ishlab chiqilib, mas’ullarga ko‘rsatma berilgan.
Maktabgacha va maktab ta’limi vazirligi bergan ma’lumotlarga ko‘ra 2025-yilda 360 nafar pedagog xodimlar Turkiya, Germaniya, Malayziya, Fransiya, Ozarbayjon davlatlariga malaka oshirishga yuborildi. Xalqtaliminfo.uz'dagi ma’lumotlarga ko‘ra pedagoglar Yaponiyaga ham malaka oshirishga yuborilgan.
Ammo, vazirlik bergan statistik ma’lumotlardan shuni bilish mumkinki, ayrim hududlarda prezident topshirig‘i lozim darajada bajarilmagan.
Chunki, prezident topshirig‘iga asosan har bir tuman (shahar)dan 5 nafardan, jami 1000 nafardan ortiq maktab o‘qituvchilari xorijga malaka oshirishga yuborilishi lozim edi.
Unga ko‘ra, Qoraqalpog‘iston Respublikasi maktabgacha va maktab ta’limi vazirligi, hududiy maktabgacha va maktab ta’limi boshqarmalari 2025-yil 1-avgustga qadar xorijiy davlatlarga malaka oshirishga yuborish uchun o‘qituvchilarni tanlab olish mezonlarini ishlab chiqib, maktab o‘qituvchilarini tanlab olishi belgilangan.
Shundan so‘ng, Qoraqalpog‘iston Respublikasi Vazirlar Kengashi, Toshkent shahar va viloyatlar hokimliklari, hududiy maktabgacha va maktab ta’limi boshqarmalari 2025-yil sentabr–dekabr oylarida maktab o‘qituvchilarini xorijiy davlatlarga malaka oshirishga yuborib, tuman (shahar)lardagi umumta’lim maktablari o‘qituvchilari uchun xorijda malaka oshirish yakunlari bo‘yicha seminar-trening tashkil etishi lozim edi.
Hozircha, Maktabgacha va maktab ta’limi vazirligi mazkur topshiriq ijrosi nima uchun to‘liq bajarilmaganligi yuzasidan aniq ma’lumot bermadi.
Izohlar 0
Izoh qoldirish uchun ro'yxatdan o'ting!
Yangiliklar
“B2 sertifikati yo‘q o‘qituvchilarni ishdan bo‘shatib bo‘lmaydi” — Davlat mehnat inspeksiyasi
Endi maktabdagi rahbar xodimlar oylik maoshini yana oshirishi mumkin
Ayrim maktablar elektromobil bilan, o‘qituvchilar esa xorijga sayohat hamda 1000 AQSh dollar bilan taqdirlanadi
Hilola Umarovaga pedagogika fanlari doktori (DSc) ilmiy darajasi berildi
Mavzuga doir yangiliklar
So'ragan edingiz
Sirtqi ta’limda o‘qiyotgan o‘qituvchi malaka oshirishi majburiymi?
Pedagog xodim belgilangan muddatda malaka oshirish kurslaridan o‘tmagan taqdirda, u bilan tuzilgan mehnat shartnomasi amal qilish muddatidan qat’i nazar, ish beruvchining tashabbusiga ko‘ra bekor qilinadi.
Yangiliklar
O‘qituvchilarni xorijga malaka oshirishga yuborish jarayoni boshlandi
Ayni vaqtda Farg‘ona viloyati hokimligi viloyatdagi pedagoglarni Yaponiyaga malaka oshirishga yuborish bo‘yicha tashkiliy ishlarni boshlab yuborgan.
Malaka oshirish
Vatanparvarlik ruhida yoshlarni tayyorlash bo‘yicha direktor o‘rinbosarlari har uch yilda oliygohlarda malaka oshiradi
Vatanparvarlik ruhida yoshlarni tayyorlash bo‘yicha direktor o‘rinbosarlarini malakasini oshirish va ularni qayta tayyorlash oliy ta’lim muassasalarining “Chaqiriqqacha harbiy ta’lim” ta’lim yo‘nalishida mutaxassislar tayyorlovchi harbiy ta’lim fakultetlarida tashkil etiladi.
Yangiliklar
Menejerlik kursida o‘qigan 379 nafar direktor sertifikat ololmadi
Matbuot anjumanida malaka oshirish tizimi, menejerlik o‘quv kurslari, shuningdek, PISA xalqaro tadqiqotiga tayyorgarlik jarayonlari haqida ma’lumotlar berildi.
Izohingizni tahrirlang