O'zbek
Ikkita fandan dars beradigan o‘qituvchiga ustama qanday to‘lanadi?
Savol
Men maktabda geografiya va tabiiy fanlardan dars berib kelyapman. 24 soat darsim bor. Shundan 6 soati geografiya, 18 soati tabiiy fan.
Direktor jamg‘armasidan 20 foizlik ustama belgilangan. Ustama faqat geografiya fani uchun to‘langan. Shu to‘g‘rimi? Tabiiy fan uchun to‘lanmaydimi?
Javob
Pedagog, psixolog va kutubxona xodimlari bazaviy tarif stavkalariga nisbatan 10 foizdan – 40 foizgacha bo‘lgan miqdorda ustama belgilash Vazirlar Mahkamasining 2019-yil 30-sentabrdagi 823-son qarori bilan tasdiqlangan “Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida” nizom bilan tartibga solinadi.
Nizomning 1-ilovasi bilan tasdiqlangan “Pedagog, psixolog va kutubxona xodimlarining faoliyatini baholash mezonlari”ga muvofiq, pedagog xodimlarning faoliyati 9 ta ko‘rsatkich asosida baholanadi.
Baholash natijalariga ko‘ra, pedagog 100 ballgacha to‘plashi va to‘plagan ballidan kelib chiqib, unga bazaviy tarif stavkasiga nisbatan 40 foizgacha ustama belgilanishi mumkin.
Bunda oʻqituvchi bir necha fandan dars bergan taqdirda, uning faoliyati har bir fan boʻyicha alohida baholanadi.
Agar direktor jamg‘armasi hisobidan o‘qituvchining geografiya fani bo‘yicha faoliyati baholanib, unga 20 foiz ustama belgilangan bo‘lsa, ushbu ustama faqat geografiya fani dars soatlari uchun to‘lanadi.
Tabiiy fan bo‘yicha esa o‘qituvchining faoliyati alohida baholanishi kerak. Shu sababli, geografiya uchun belgilangan ustamani tabiiy fan soatlariga tatbiq etib bo‘lmaydi.
Ma’lumot uchun: Tabiiy fan 5–6-sinflardagina o‘qitilishi, ushbu fan bo‘yicha olimpiada va turli ko‘rik-tanlovlar tizimi shakllanmaganligi sababli, uni geografiya, biologiya va fizika fanlari bilan bog‘liq holda rag‘batlantirish masalasini hal qilish uchun amaldagi tartibga tegishli o‘zgartirish kiritilishi talab etiladi.
Ushbu masalani Ta’lim va ilm-fan vazirligiga taklif sifatida kiritish va tegishli tartibda hal etish imkoniyatini ko‘rib chiqish rejamizda bor.
Izohlar 1
Izoh qoldirish uchun ro'yxatdan o'ting!
Yangiliklar
Maktab va texnikumlarda nemis tilidan dars berish uchun xorijdan 500 nafar “til egasi” olib kelinadi
Prezident qarori bilan tashkil etilgan Psixologiya ilmiy-tadqiqot institutiga rahbar tayinlandi
Farg‘onada attestatsiya test savollarini rasmga olib tarqatgan o‘qituvchi aniqlandi
Kuzgi attestatsiyada 240 mingdan ortiq oʻqituvchi ishtirok etadi
Mavzuga doir yangiliklar
So'ragan edingiz
Milliy sertifikatga ega o‘qituvchilarga 70 foizlik ustama uchun ball beradimi?
Qo‘shimcha ustama faqat malaka sinovida (ikkala bosqichda) ishtirok etib, oliy va birinchi malaka toifasiga erishgan (yoki saqlagan) pedagoglarga beriladi.
So'ragan edingiz
Metodbirlashma rahbarlari KRK sertifikati olmasa, ustamasi bekor bo‘ladimi?
Vazirlar Mahkamasining 2019-yil 30-sentabrdagi 823-son qarori bilan tasdiqlangan nizomning 26-bandiga ko‘ra, fan yo‘nalishlari bo‘yicha metodik birlashma rahbarlariga bazaviy tarif stavkasiga nisbatan 10 foiz miqdorida har oylik ustama belgilanishi mumkin.
So'ragan edingiz
Olis hudud ustamasini hisoblashda o‘qituvchining qaysi ish staj hisobga olinadi?
Mazkur tartib olis hududlarda joylashgan umumiy oʻrta taʼlim muassasalarida boshqa hududlardan kelib faoliyat yuritayotgan pedagog xodimlarni rag‘batlantirish, olis hududdagi ta’lim tashkilotlarini malakali pedagog kadrlar bilan ta’minlash maqsadida joriy qilingan.
Bilasizmi?
Pedagog xodimlarga beriladigan qanday ustama turlari bor?
Ma’lumki, umumiy o‘rta ta’lim maktabi pedagog xodimlarining erishgan natijasiga qarab, ularga turli xil ustamalar belgilanadi. Bugungi maqolamizda mazkur ustamalarning ayrim turlari haqida ma’lumot berib o‘tamiz.
Izohingizni tahrirlang