O'zbek
23-mart kuni informatika fan olimpiadasining tuman (shahar) bosqichi bo'lib o'tadi
10:00 / 15.03.2024
3.62k
Xabaringiz bor, 17-martdan 17-aprelga qadar 5-8-sinf o‘quvchilari o‘rtasida informatika fan olimpiadasi o‘tkazilishi reja qilingan.
Mart-aprel oylarida 5-, 6-, 7- va 8-sinf o‘quvchilari o‘rtasida o‘tkaziladigan olimpiada “maktab - tuman (shahar) - viloyat - respublika” bosqichlarida tashkil qilinadi. Bunda:
Olimpiadaning maktab bosqichi 17-martga qadar;
Olimpiadaning maktab bosqichi 17-martga qadar;
Olimpiadaning tuman (shahar) bosqichi 23-mart, soat 11:00 da;
Olimpiadaning viloyat bosqichi 17-aprel, soat 10:00 da;
Olimpiadaning respublika bosqichi 18-aprel, soat 10:00 da o‘tkazilishi belgilangan.
Olimpiadaning maktab bosqichini tashkil etish qay tartibda bo‘ladi?
Olimpiadaning maktab bosqichi davlat va nodavlat taʼlim muassasalarida mart oyida o‘tkaziladi. Davlat va nodavlat taʼlim muassasalarida olimpiadani tashkil etish va o‘tkazish bo‘yicha tashkiliy qo‘mita tuziladi.
Olimpiada uchun nazorat materiallarini tayyorlash, maxfiyligini taʼminlash, jarayonning adolatli va shaffof o‘tkazilishiga maktab direktori shaxsan masʼul hisoblanadi.
Maktablarda har bir sinf kesimida ishtirokchilar orasidan ballar ketma- ketligida 3 nafargacha g‘olib aniqlanadi va maktab pedagogik kengashining (yoki nodavlat taʼlim tashkiloti rahbarining) qarori bilan ikkinchi bosqichda ishtirok etish uchun tavsiya etiladi.
Tuman (shahar) maktabgacha va maktab taʼlimi bo‘limi olimpiadaning maktab bosqichini tashkil etilishini muvofiqlashtiradi hamda adolatli va shaffof o‘tkazilishi bo‘yicha nazoratni amalga oshiradi.
Olimpiadaning tuman (shahar) tashkil etish qay tartibda bo‘ladi?
Olimpiadaning tuman (shahar) bosqichi olimpiadaning maktab bosqichida g‘olib bo‘lgan davlat va nodavlat taʼlim muassasalari o‘quvchilari o‘rtasida mart oyida o‘tkaziladi. Tuman (shahar) maktabgacha va maktab taʼlimi bo‘limlarida olimpiadani tashkil etish va o‘tkazish bo‘yicha tashkiliy qo‘mita tuziladi.
Olimpiada ishtirokchilarining olimpiada bo‘lib o‘tadigan manzilga xavfsiz kelib-ketishlariga tegishli maktab direktorlari, olimpiada nazorat materiallarining maxfiyligini taʼminlash, jarayonning adolatli va shaffof o‘tkazilishiga hududiy maktabgacha va maktab taʼlimi boshqarmalari boshliqlari shaxsan masʼul hisoblanadi.
Olimpiada uchun nazorat materiallari Maktabgacha va maktab taʼlimi vazirligi tomonidan tuziladi hamda maxfiyligi taʼminlangan holda hududlarga yetkaziladi.
Olimpiadaning tuman (shahar) bosqichi bitta turda tashkil qilinadi. Bunda: ishtirokchilarga matematika fanidan turli qiyinlik darajasidagi 30 ta nostandart topshiriqlar taqdim qilinib, ularni bajarish uchun 90 daqiqa vaqt beriladi.
Topshiriqlarining dastlabki 10 tasi sodda darajadagi yopiq test (A, B, S, D javob variantlaridan tanlanadi) bo‘lib, har bir to‘g‘ri javob 0,9 ball bilan baholanadi.
Keyingi 10 tasi o‘rta qiyinlik darajadagi yopiq test (A, B, S, D javob variantlaridan tanlanadi) bo‘lib, har bir to‘g‘ri javob 1,5 ball bilan baholanadi.
Qolgan 10 tasi qiyin darajadagi ochiq test (javobi yoziladigan) bo‘lib, har bir to‘g‘ri javob 2,6 ball bilan baholanadi, jami 50 ball (100,9+101,5+10*2,6=50).
Tuman (shahar) bosqichida har bir sinf kesimida ishtirokchilar orasidan ballar ketma-ketligida 3 nafargacha (1, 2, 3-o‘rinlar) g‘olib aniqlanadi va hakamlar hayʼati qarori asosida tashkiliy qo‘mita tomonidan uchinchi bosqichda ishtirok etish uchun tavsiya etiladi.
Yakuniy natijalarga ko‘ra, g‘olib o‘rinlar uchun bir nechta ishtirokchilarning ballari teng bo‘lgan taqdirda, topshiriqlaridagi murakkab topshiriqlar bo‘yicha ko‘p ball to‘plagan o‘quvchi ustunlikka ega bo‘ladi.
Barcha holat bo‘yicha ham ballar teng bo‘lgan taqdirda o‘quvchilarga hakamlar hayʼati tomonidan qo‘shimcha 3 ta ochiq test (javobi yoziladigan) beriladi va g‘olib aniqlanadi.
Izohlar 0
Izoh qoldirish uchun ro'yxatdan o'ting!
Yangiliklar
15:35 / 08.07.2025
Sentyabrdan boshlab har bir tuman (shahar)dan 5 nafar o‘qituvchi xorijga malaka oshirishga yuboriladi
09:12 / 05.07.2025
8 yoshli o‘quvchi xorijiy til o‘qituvchilaridan talab qilinayotgan sertifikatni qo‘lga kiritdi
11:44 / 03.07.2025
Bir guruh o‘qituvchilar vazirlikni sudga berdi
13:51 / 02.07.2025
Informatika fani o‘qituvchilari sun’iy intellekt ta’lim dasturi asosida o‘qitiladi
Mavzuga doir yangiliklar
Yangiliklar
Fan olimpiadalaridan 2 oylik natija - 110 ta medal
Bu haqda Maktabgacha va maktab ta’limi vazirligi xabar berdi.
13:20 / 14.05.2025
Yangiliklar
O‘quvchilar uchun yangi olimpiada tashkil etilib, g‘oliblar grant asosida o‘qishga qabul qilinadi
“O‘zbekiston Respublikasi Prezidentining yoshlar bilan ochiq muloqotida belgilangan vazifalarni amalga oshirishga doir chora-tadbirlar to‘g‘risida”gi Prezident Farmoni imzolandi.
15:06 / 29.03.2025
Yangiliklar
Pedagoglarga ustama belgilashda inobatga olinadigan tadbirlar ro‘yxatiga qo‘shimcha kiritildi
Аl-Xorazmiy nomidagi aniq va tabiiy fanlar (science) olimpiadasining tabiiy fanlar (fizika, kimyo, biologiya) yo‘nalishida o‘quvchilar natijaga erishgan taqdirda ham pedagog xodimlarga ustama uchun ball bermaslikka to‘g‘ri kelib qolgandi.
13:32 / 25.03.2025
So'ragan edingiz
Al-Xorazmiy olimpiadasi natijalari ustamaga ta’sir qiladimi?
Yaqinda o‘tkazilgan Аl-Xorazmiy nomidagi tabiiy fanlar (science) olimpiadasidagi o‘quvchilarning natijalari o‘qituvchiga ustama uchun ball berishda hisobga olinadimi?
15:59 / 10.03.2025
Izohingizni tahrirlang