O'zbek
Oʻquvchilar uchun yakuniy nazorat imtihonlari oʻtkaziladigan fanlar roʻyxati va imtihon oʻtkazish shakllari tasdiqlandi
05:00 / 30.03.2024
21.25k
Maktabgacha maktab ta’limi vazirining 2024-yil 20-martdagi 87-sonli buyrug‘i bilan 2023-2024-o‘quv yilida umumiy o‘rta ta’lim muassasalarida o‘quvchilarning yakuniy davlat attestatsiyasini tashkil etish va o‘tkazish to‘g‘risidagi tartib tasdiqlandi.
Unga ko‘ra yakuniy nazorat imtihonlari o‘tkaziladigan fanlarning ro‘yxati va imtihon o‘tkazish shakllari quyidagicha belgilandi:
9-sinf uchun
- Ona tili va adabiyot – yozma
- Davlat tili (ta’lim tili o‘zbek tili bo‘lmagan sinflar uchun) – yozma
- Matematika – yozma
- O‘zbekiston tarixi – yozma va og‘zaki
- Jismoniy tarbiya – amaliy
Yakuniy nazorat:
11-sinf uchun
- Ona tili va adabiyot – yozma (insho)
- Matematika – yozma
- O‘zbek tili (ta’lim o‘zbek tilida olib borilmaydigan umumiy o‘rta ta’lim muassasalari uchun) – yozma va og‘zaki. Ta’lim muassasasi tanlovi**
- Chet tili –yozma/og‘zaki
- O‘zbekiston tarixi – yozma/og‘zaki
*O‘quvchining tanlovi bo‘yicha:
Kimyo
Fizika
Davlat huquq asoslari
Geografiya – yozma
Izoh: * 11-sinfda har bir o‘quvchining ixtiyoriy tanloviga ko‘ra tanlov (variativ) fanlaridan biri yakuniy davlat attestatsiyasi o‘tkazilishidan bir oy oldin o‘quvchining arizasiga ko‘ra tanlanadi.
** 11-sinfda har bir o‘quvchining ixtiyoriy tanlovi va ota-onalarning fikrlariga asoslanib tanlov (variativ) fanlaridan biri yakuniy davlat attestatsiyasi o‘tkazilishidan bir oy oldin ta’lim muassasasi tomonidan tanlanadi. Tanlov fani majburiy fanlardan tashqari taklif etilgan fanlar orasidan tanlanadi.
9-sinflar uchun Jismoniy tarbiya fanidan 1-6-may, Ona tili va adabiyot fanidan – 27-may, Matematika fanidan – 30-may kunlari bitiruv imtihonlari o‘tkaziladi.
11-sinflar uchun Ona tili va adabiyot fanidan — 29-may, Matematika fanidan – 1-iyun kunlari bitiruv imtihonlari o‘tkaziladi.
Ko‘zi ojiz, zaif ko‘ruvchi va tayanch-harakat apparatida nuqsoni bo‘lgan bolalar uchun ixtisoslashtirilgan maktab va maktab-internatlarda imtihonlar umumta’lim muassasalariga qo‘yilgan talablar asosida o‘tkazilsin (Jismoniy tarbiya fani bundan mustasno).
Kar, zaif eshituvchi bolalar uchun ixtisoslashtirilgan maktab va maktab-internatlarida imtihonlar Ona tili va adabiyot fanidan bayon va Matematika fanidan yozma nazorat ishi shaklida amalga oshiriladi. Aqli zaif bolalar uchun ixtisoslashtirilgan maktab va maktab-internatlarda faqat Texnologiya fani bo‘yicha imtihonlar o‘tkaziladi.
Izohlar 0
Izoh qoldirish uchun ro'yxatdan o'ting!
Yangiliklar
14:16 / 30.01.2025
Kasb kasalligiga chalingan o‘qituvchiga 70 mln so‘m tovon puli undirib beriladigan bo'ldi
10:00 / 30.01.2025
Milliy sertifikat test javoblarini olib berishni va’da qilgan shaxs ushlandi
16:50 / 29.01.2025
Poytaxt maktablarida milliy libos kiyish majburiy etib belgilandi...mi?
11:15 / 29.01.2025
2025-yil 1-iyundan maktab direktor o‘rinbosari lavozimlaridan biri tugatiladi
Mavzuga doir yangiliklar
Yangiliklar
Chet tili fanlari boʻyicha sertifikatga ega boʻlgan oʻquvchilar imtihondan ozod qilinadi
Imtihondan kamida B1 darajadagi milliy yoki unga tenglashtirilgan mos darajadagi xalqaro tan olingan sertifikatga ega boʻlgan oʻquvchilar ozod qilinadi.
12:00 / 30.03.2024
So'ragan edingiz
Yakuniy imtihondan o‘tolmagan maktab bitiruvchisini sinfda qoldirib yuborish mumkinmi?
Qoniqarsiz baho olgan bitiruvchilar shu sinfda qayta o‘qishga qoldirilishi mumkin.
09:20 / 18.03.2024
Izohingizni tahrirlang