Hilola Umarovaning sobiq birinchi o‘rinbosari Agrippina Shin oliygohga rektor bo‘ldi

21:00 / 09.07.2024 4.76k

O‘zbekiston Respublikasi Prezidentining 2024-yil 2-iyuldagi “Maktabgacha va maktab ta’limi sohasida davlat boshqaruvi tizimini takomillashtirish chora-tadbirlari to‘g‘risida”gi PF-98-son farmoni bilan Maktabgacha ta’lim agentligi faoliyati tugatilib, Agentlikning tashkiliy tuzilmasidagi tashkilotlar Maktabgacha va maktab ta’limi vazirligi tasarrufiga o‘tkazilgandi.

Agentlik direktori Agrippina Vasilevna Shin esa O‘zbekiston Respublikasi Vazirlar Mahkamasining tegishli qarori bilan, Toshkent shahridagi Puchon universiteti rektori lavozimiga tayinlandi. Bu haqda Bosh vazir matbuot kotibi Bekzod Hidoyatov ma’lum qildi.

Prezidentining 2024-yil 2-iyuldagi PF-98-son farmoniga ko‘ra Toshkent shahridagi Puchon universiteti Maktabgacha va maktab ta’limi vazirligi tasarrufiga o‘tkazilgandi. Ya’ni, Agrippina Shin maktabgacha va maktab ta’limi tizimida qoldi.

Puchon universitetining sobiq rektori Viktor Veniaminovich Nam esa Maktabgacha va maktab ta’limi vazirligi tasarrufiga o‘tkazilgan Toshkent shahridagi “A.I.Gersen nomidagi Rossiya davlat pedagogika universiteti” federal davlat byudjeti oliy ta’lim muassasasi filialining ijrochi direktori lavozimiga tayinlandi. Shu lavozimda ishlab kelayotgan Qahramon Tanzilovich Olimov esa lavozimidan ozod qilindi.

Eslatib o‘tamiz, O‘zbekiston Respublikasi Prezidentining 2024-yil 2-iyuldagi PF-98-son farmoni bilan quyidagi tashkilotlar Maktabgacha ta’lim agentligi tashkiliy tuzilmasidan Maktabgacha va maktab ta’limi vazirligi tasarrufiga o‘tkazilgandi:

Toshkent shahridagi “A.I. Gersen nomidagi Rossiya davlat pedagogika universiteti” Federal davlat budjeti oliy ta’lim muassasasi filiali;

Toshkent shahridagi Puchon universiteti;

“Imkon” reabilitatsiya markaziga ega davlat ko‘p tarmoqli ixtisoslashtirilgan maktabgacha ta’lim tashkilotlari;

Eksperimental davlat maktabgacha ta’lim tashkilotlari;

“Ilk Qadam” (IQ) jurnali tahririyati” DUK;

Pedagogika kollejlari;

“Axborot va pedagogika texnologiyalari innovatsion markazi” MChJ;

Jahon banki bilan hamkorlikda “Bolalarni erta yoshdan rivojlantirishni takomillashtirish” loyihasini amalga oshirish guruhi;

Ixtisoslashtirilgan loyiha-izlanish instituti.

Izohlar 0

Ko'proq ko'rish

Izoh qoldirish uchun ro'yxatdan o'ting!

Maqola muallifi

Xalq ta'limi Info

Tahririyat

Teglar

Tayinlov
Lavozimdan ozod etish

Ulashish

Ijtimoiy tarmoqlar

Telegram You Tube Facebook Twitter

Yangiliklar

Barchasi

00:18 / 26.12.2025

Endi zo‘ravonlik haqida xabar bermagan pedagoglar ham jazolanadi

23:11 / 24.12.2025

Pedagog xodimlar yangi yil bayrami arafasida ketma-ket 5 kun, o‘quvchilar esa 14 kun dam oladi

23:36 / 23.12.2025

Qishki ta’til oldidan ota-onalar ogohlantirildi

13:07 / 23.12.2025

O‘quvchilarga zo‘ravonlik qilgan o‘qituvchilar endi jarimaga tortilishi mumkin

Mavzuga doir yangiliklar

Tayinlov

Hududiy “Kelajak” markazlariga direktorlar tayinlandi

Maktabgacha va maktab ta’limi vaziri E’zoza Karimovaning tegishli buyrug‘i bilan Respublika “Kelajak markazi” hududiy markaz rahbarlari tayinlandi.

10:00 / 23.12.2025

Tayinlov

Yangi tashkil etilgan Respublika “Kelajak markazi”ga direktor tayinlandi

Maktabgacha va maktab ta’limi vazirining tegishli buyrug‘i bilan Xoldarova Indira Abdukarimovna — Maktabgacha va maktab ta’limi vazirligi huzuridagi Respublika “Kelajak markazi” direktori lavozimiga tayinlandi.

14:57 / 18.09.2025

Tayinlov

A.Avloniy nomidagi malaka oshirish institutiga yangi prorektor tayinlandi

Shotursunova Nodira Nasirovna — Maktabgacha va maktab ta’limi vazirining tegishli buyrug‘iga muvofiq, A.Avloniy nomidagi pedagogik mahorat milliy institutining Xalqaro hamkorlik bo‘yicha prorektori lavozimiga tayinlandi.

15:40 / 07.11.2025