Maktabgacha ta’lim agentligi to'liq tugatildi
09:36 / 04.07.2024
3.50k
“Maktabgacha va maktab ta’limi sohasida davlat boshqaruvi tizimini takomillashtirish chora-tadbirlari to‘g‘risida”gi Prezident Farmoni (PF-98-son, 02.07.2024 y.) qabul qilindi.
Farmonga ko‘ra, Maktabgacha ta’lim agentligi (Agentlik) faoliyati tugatildi hamda Agentlikning tashkiliy tuzilmasidagi tashkilotlar Maktabgacha va maktab ta’limi vazirligi tasarrufiga o‘tkazildi.
Faoliyati tugatilayotgan Maktabgacha taʼlim agentligining 66 ta shtat birliklari quyidagicha taqsimlandi:
- 39 tasi — Maktabgacha va maktab taʼlimi vazirligining markaziy apparatiga;
- 14 tasi — Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmalariga;
- 13 tasi — hududiy pedagogik mahorat markazlarining metodik xizmat koʻrsatish boʻlimlariga berildi.
Agentlik joylashgan bino Ijtimoiy himoya milliy agentligiga berildi.
Farmon bilan Prezident va Hukumatning ayrim hujjatlariga oʻzgartirish va qoʻshimchalar kiritilgan. Shu jumladan, oilaviy va davlat-xususiy sherikchilik asosida tashkil etilgan maktabgacha taʼlim tashkilotlari faoliyatiga oid bandlarga ham oʻzgartirishlar kiritilgan.
Maktabgacha va maktab ta’limi vazirligi zimmasiga quyidagi qo‘shimcha funksiyalar yuklatildi, jumladan:
- ilg‘or xorijiy tajribani hisobga olgan holda maktabgacha yoshdagi bolalarni har tomonlama intellektual, axloqiy, estetik va jismoniy rivojlantirish uchun shart-sharoitlar yaratish;
- maktabgacha ta’lim va tarbiya jarayoniga zamonaviy innovatsion pedagogik texnologiyalarni, ta’lim va tarbiyaning samarali shakllari hamda usullarini joriy etish;
- maktabgacha ta’limning o‘quv reja, dastur va o‘quv-metodik majmualarini takomillashtirish, ularning umumiy o‘rta ta’lim dasturlari bilan uzviyligini ta’minlash;
- davlat va nodavlat maktabgacha ta’lim tashkilotlari orasida sog‘lom raqobat muhitini yaratish hisobiga barcha bolalarning maktabgacha ta’lim bilan bosqichma-bosqich qamrab olinishini ta’minlash.
Eslatib o‘tamiz, bundan avval maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish instituti Maktabgacha va maktab ta’limi vazirligi bo‘ysunuviga o‘tkazilishi haqida xabar bergandik.
Izohlar 0
Izoh qoldirish uchun ro'yxatdan o'ting!Yangiliklar
17:15 / 04.10.2024
Maktabgacha va maktab ta’limi tizimida korrupsiyaviy jinoyatlar soni ortgani aytildi
15:45 / 04.10.2024
Endilikda bog'cha xodimlariga ham vazir jamg'armasidan ustamalar beriladi
18:03 / 03.10.2024
"O'qituvchilardan ushlab qolingan pullar qaytarib beriladi" — kasaba uyushmasi
17:36 / 02.10.2024
Maktab o'quvchisi ustiga futbol darvozasi tushib ketishi oqibatida vafot etdi
Mavzuga doir yangiliklar
Yangiliklar
Yangiliklar
Yangiliklar
Yangiliklar
Endilikda bog'cha xodimlariga ham vazir jamg'armasidan ustamalar beriladi
Bu haqda Prezident farmoni imzolandi
15:45 / 04.10.2024
Maktablarning bo‘sh yerlarida xususiy bog‘cha qurishga ruxsat berildi
Prezident Farmoni imzolandi
16:30 / 02.10.2024
Bog'chalarda direktor o'rinbosari lavozimi joriy qilinadi
Bu haqda Prezident Farmoni imzolandi
13:30 / 02.10.2024
Jismoniy tarbiya o'qituvchilari tarkibini yangilash topshirig'i berildi
33 ming nafar jismoniy tarbiya o'qituvchisining kasbiy va jismoniy mahorati yetarli emas
15:20 / 30.09.2024
Izohingizni tahrirlang