O'zbek
Musiqa o'qituvchilari tarkibi tanqidiy ko'rib chiqiladi
Prezident Shavkat Mirziyoyev Hilola Umarova va Ozodbek Nazarbekovlarga musiqa o‘qituvchilari tarkibini tanqidiy ko‘rib chiqib, ularning kasbiy mahorati va ko‘nikmasini oshirish choralarini ko‘rish topshirig‘ini berdi.
Shavkat Mirziyoyev ishtirokida “O‘qituvchi va murabbiylar kuni” munosabati bilan o‘tkazilayotgan muloqotda musiqa o‘qituvchilarining o‘zi maqom san’atini, teatr madaniyatini, qolaversa, soz chalishni qay darajada biladi? degan savolni o‘rtaga tashladi.
“Madaniyat va san’at bilan oshno bo‘lgan o‘quvchilar ezgulikning kuchini chuqur his etadi, ularda o‘ziga ishonch paydo bo‘ladi. Shuning o‘zi alohida maktab, alohida tarbiya, desak, to‘g‘ri bo‘ladi.
Shu o‘rinda haqli savol tug‘iladi, musiqa o‘qituvchilarining o‘zi maqom san’atini, teatr madaniyatini, qolaversa, soz chalishni qay darajada biladi?
Nazarbekov, Umarova bilan birgalikda musiqa o‘qituvchilari tarkibini tanqidiy ko‘rib chiqib, ularning kasbiy mahorati va ko‘nikmasini oshirish choralarini ko‘radi.
Shu bilan birga, Nazarbekov madaniyat va san’at tizimidagi oliygohlarda umumta’lim maktablari uchun musiqa o‘qituvchilarini tayyorlash, ularning malakasini oshirish ishlariga mas’ul bo‘ladi. Umarova “Turon” teatrining ijobiy tajribasi asosida maktablarda “Iqtidor” havaskorlar badiiy jamoalarini tashkil qilishi zarur.
Bu jamoalarga musiqa o‘qituvchilari rahbarlik qiladi. Musiqa maktablari esa joylarda tayanch maktabi sifatida ish olib boradi. Bu ishlarni tizimli yo‘lga qo‘ysak, har bir maktab va mahallaga albatta madaniyat kirib boradi”, dedi Prezident.
Izohlar 0
Izoh qoldirish uchun ro'yxatdan o'ting!
Yangiliklar
Bolalarga zo‘ravonlik uchun 6 pedagog jarimaga tortilib, 15 nafari intizomiy jazo oldi
Maktablardagi eng faol kitobxon o‘quvchilarga 10 million so‘mdan mukofot beriladi
Endi har payshanbada mas’ullar ta’lim tashkilotlariga borib, yoshlar bilan uchrashadi
Qaysi toifadagi o‘qituvchilarga uy-joy ipoteka krediti uchun subsidiya berilishi aniq bo‘ldi
Mavzuga doir yangiliklar
Yangiliklar
Endi har payshanbada mas’ullar ta’lim tashkilotlariga borib, yoshlar bilan uchrashadi
Ayni vaqtda Ko‘ksaroy qarorgohida Prezident Shavkat Mirziyoyevning yoshlar bilan ularning tashabbuslarini qo‘llab-quvvatlash bo‘yicha qo‘shimcha imkoniyatlarga bag‘ishlangan muloqoti bo‘lib o‘tyapti.
Ta'lim siyosati
Maktabgacha va maktab ta’limi vazirligiga qanday vazifalar belgilab berildi?
O‘zbekiston Respublikasi Prezidentining “Mahallani rivojlantirish va jamiyatni yuksaltirish” yilida ustuvor yo‘nalishlar bo‘yicha islohotlar dasturlari va “O‘zbekiston - 2030” strategiyasini amalga oshirish bo‘yicha davlat dasturi to‘g‘risida”gi Farmoni qabul qilindi.
Ta'lim siyosati
O‘zbekiston 12 yillik ta’limga qachon va qanday o‘tmoqchi?
O‘zbekistonda 12 yillik ta’lim tizimiga o‘tish masalasi ayni vaqtda jamoatchilikning e’tibor markazida turibdi. Dastlab bu mavzu turli mish-mishlar va asossiz xabarlar fonida tilga olingan bo‘lsa, bugungi kunga kelib u ta’lim siyosatining aniq yo‘nalishlaridan biri sifatida ko‘rsatilyapti.
Ta'lim siyosati
2030-yilgacha maktabgacha va maktab ta’limi tizimida qanday o‘zgarishlar bo‘ladi?
Joriy yilning 26-dekabr kuni Prezident Shavkat Mirziyoyev Oliy Majlisga qilgan murojaatnomasida “O‘zbekiston – 2030” strategiyasini qayta ko‘rib chiqish zaruriyati borligini ta’kidlaganidan keyin, “O‘zbekiston – 2030” strategiyasining takomillashtirilgan loyihasi jamoatchilik muhokamasiga qo‘yilgandi.
Izohingizni tahrirlang