Attestatsiya test sinovini boshqa kunga ko‘chirsa bo‘ladimi?

Savol
Akam maktabda o‘qituvchi bo‘lib ishlaydi. Toifa uchun to‘lov qilib qo‘ygandi. Lekin 6-7-noyabr kunlari to‘yi bo‘lishi kerak edi. Test bo‘ladigan kunga to‘y marosimi to‘g‘ri kelib qolsa, to‘lovni qaytarib olsa bo‘ladimi yoki imtihon kunini ko‘chirsa bo‘ladimi?
Javob
Pedagog xodimlarni attestatsiyadan o‘tkazish Vazirlar Mahkamasining 2021-yil 17-sentyabrdagi 572-son qarori bilan tasdiqlangan “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida”gi nizom bilan tartibga solinadi.
Mazkur nizomning 45-bandiga ko‘ra, pedagog kadrlar attestatsiyaga uzrli sababga ko‘ra kelmagan bo‘lsa, ularning attestatsiyasi boshqa muddatga ko‘chiriladi.
Quyidagi holatlar uzrli sabablar deb baholanadi:
- xodimning vaqtincha mehnatga qobiliyatsizligi;
- davlat yoki jamoat vazifalarini bajarganligi;
- respublika va xalqaro musobaqalarda ishtirok etganligi;
- vaqtincha xorijiy mamlakatda safarda bo‘lganligi;
- yaqin qarindoshining vafoti;
- vakolatli davlat organi yoki ta’lim tashkilotlari rahbarlarining ma’lumotnomasida ko‘rsatilgan boshqa asoslar.
Demak, pedagog xodimning to‘y marosimi bo‘layotganligi sababli test sinovlarida ishtirok etolmaydigan bo‘lsa, bu haqda maktab direktorining tegishli ma’lumotnomasi asosida attestatsiya test sinovi boshqa muddatga ko‘chiriladi.
Bunda uzrli sabablarga ko‘ra malaka (test) sinovlarida ishtirok eta olmagan pedagoglar uchun test sinovlari bo‘lib o‘tadigan kunlar Maktabgacha va maktab ta’limi vazirligi tomonidan belgilanadi.
Eslatib o‘tamiz, “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida”gi nizomning 22-bandiga ko‘ra, pedagog kadrlar uzrli sabablarga ko‘ra attestatsiyaga kelmaganligi tufayli ularning attestatsiyasi boshqa muddatga ko‘chirilgan taqdirda, yig‘im takroran undirilmaydi.
Izohlar 0
Izoh qoldirish uchun ro'yxatdan o'ting!
Yangiliklar

O‘quvchilar o‘rtasida Alisher Navoiy olimpiadasi o‘tkazilib, g‘oliblar grand asosida o‘qishga qabul qilinadi

Musiqa va jismoniy tarbiya fani o‘qituvchilari milliy sertifikatni qay tartibda qo‘lga kiritishi aniq bo‘ldi

Vazir E’zoza Karimovaga deputatlik so‘rovi yuborildi

Fan olimpiadasi testlari tarqalishiga sababchi bo‘lganlar javobgarlikka tortiladi
Mavzuga doir yangiliklar

Attestatsiya test sinovlarida ishtirok etadigan pedagoglar diqqatiga
Ko‘pchilik, apellyatsiya berish tartibini yaxshi tushunmaganligi bois turli xil xato va kamchiliklarga yo‘l qo‘shishadi, bu esa pedagoglar zarariga ishlashi mumkin.

Tarix fani o‘qituvchilarining attestatsiya bo‘yicha da’vo arizasi sudda ko‘rib chiqildi
Kecha, 15-oktyabr kuni fuqarolik ishlari bo‘yicha Toshkent shahri Shayxontohur tumanlararo sudida Maktabgacha va maktab ta’limi vazirligi ustidan kiritilgan shikoyatni ko‘rib chiqish bo‘yicha navbatdagi sud majlisi bo‘lib o‘tdi. Mazkur sud ishi sudya G.K.Djumayeva raisligida ko‘rib chiqildi.

Vazirlik attestatsiya bo‘yicha yana bir sud ishida javobgar sifatida ishtirok etadigan bo‘ldi
Avvalroq, to‘rt nafar tarix fani o‘qituvchilari ham attestatsiya natijalaridan norozi bo‘lib, Maktabgacha va maktab ta’limi vazirligi ustidan sudga da’vo arizasi kiritgandi.

Attestatsiya hamda kasbiy sertifikatlash test sinovlari qaysi manzillarda o‘tkazilishini bilasizmi?
Vazirlik malaka sinovlari oʻtkaziladigan joy manzillarini e'lon qilgan.
Izohingizni tahrirlang