O'zbek
Rossiyada o‘qituvchilarning mukofot pullari harbiy xarajatlarga yo‘naltirilmoqda
Rossiyaning Irkutsk viloyatida o‘qituvchilar, tarbiyachilar va madaniyat muassasalari xodimlarining mukofot pullari Ukrainaga qarshi urush ehtiyojlari uchun sarflanadi. Bu haqda The Moscow Times manbasiga tayanib, Daryo.uz nashri xabar berdi.
Qayd etilishicha, oktyabr oyi oxirida konferensiya bo‘lib o‘tgan va unda viloyat mutasaddilari rag‘batlantiruvchi to‘lovlarning bir qismini ushlab qolishlarini ma’lum qilgan.
“Ular havo hujumidan mudofaa tizimlari uchun pul yetarli emasligini, xavfsizlik yostiqchalari yo‘qligini, hammasi sarflanganini aytishdi”, dedi nashr suhbatdoshi.
Rag‘batlantirish to‘lovlari har bir xodim uchun alohida hisoblab chiqiladi va 10 dan 40 ming rublgacha bo‘lishi mumkin. Nashr suhbatdoshi aniqlik kiritishicha, to‘lovlar yil oxirida uch oyga bo‘lingan.
“Ikki oylik pullarni oldik, uchinchi oyda esa yo‘q. U armiya ehtiyojlariga yo‘naltirildi”, dedi ayol.
Viloyatning Slyudyanskiy tumanidagi bolalar bog‘chasi tarbiyachisi hamkasblari bilan “harbiylar uchun allaqachon ixtiyoriy ravishda mablag‘ va insonparvarlik yordamini yig‘ishgan”ini, biroq endilikda ularning ixtiyoridan qat’i nazar mukofot pullarining bir qismi urushdagi harbiylarga yo‘naltirilganini aytgan.
Oktyabr oyining oxirida Belgorod davlat san’at va madaniyat institutida talabalar ming rubldan topshirishga majbur qilingan. 2024-yil sentyabr oyi oxiriga kelib mamlakatning 500 dan ortiq universitetlaridan minglab talaba va o‘qituvchilar “OTMlar front uchun” aksiyasiga qo‘shilgan.
The Moscow Times hisob-kitoblariga ko‘ra, Rossiya Ukrainadagi urushga haftasiga 210 milliard rublga yaqin mablag‘ sarflamoqda.
Izohlar 0
Izoh qoldirish uchun ro'yxatdan o'ting!
Yangiliklar
Ikki nafar maktab o‘quvchisi Farg‘ona kanalida cho‘kib ketdi
Sertifikatga ega bo‘lmagan xorijiy til o‘qituvchilariga ogohlantirish berish boshlandi
Endi ayrim maktab bitiruvchilariga shahodatnomaga qo‘shimcha kasb-hunar bo‘yicha sertifikat ham beriladi
Ta’limdagi o‘zgarishlar O‘zbekistonning xalqaro reytingdagi o‘rniga ijobiy ta’sir ko‘rsatgani qayd etildi
Mavzuga doir yangiliklar
Yangiliklar
Rossiya darsliklardagi tarixni “yaxshilash” niyatida – O‘zbekiston bunga rozi bo‘lganmi?
Rossiya Maorif vazirligi MDH davlatlaridagi ayrim ta'lim vazirliklari bilan bilan birgalikda tarixiy o‘tmishga yagona yondashuvni ishlab chiqish ustida ish olib bormoqda.
Rossiya
Rossiyada maktab o‘quvchilarining mobil telefondan foydalanishi taqiqlandi
Rossiya Federatsiyasining ta’lim to‘g‘risidagi qonuniga o‘zgartirishlar kiritilib, o‘quvchilarnung dars vaqtida mobil telefondan foydalana olmasligi belgilandi.
Rossiya
Rus tilini bilmaydigan migrantlar farzandiga Rossiya maktablarida o‘qish taqiqlanishi mumkin
Hujjat Rossiya parlamenti quyi palatasi saytida e’lon qilindi
Yangiliklar
Rossiyadagi bog‘cha va maktablarda yangi virus tarqalmoqda
Bolalarning og‘zida dastlab yaralar paydo bo‘lgan
Izohingizni tahrirlang