O'zbek
Sobiq PIMA xodimi Fan olimpiadalari markaziga direktor bo‘ldi
Xabaringiz bor, O‘zbekiston Respublikasi Prezidentining 2024-yil 30-sentyabrdagi “Iqtidorli yoshlar bilan ishlash tizimini yanada takomillashtirish chora-tadbirlari to‘g‘risida”gi PQ-346-sonli qarori bilan 2025-yil 1-yanvardan boshlab, Ixtisoslashtirilgan ta’lim muassasalari agentligi huzurida davlat muassasasi shaklida Fan olimpiadalari markazi tashkil etilishi belgilangandi.
Yangi tashkil etilgan Fan olimpiadalari markaziga shu vaqtga qadar Ixtisoslashtirilgan ta’lim muassasalari agentligining Ta’lim sifatini baholash va monitoring qilish boshqarmasi boshlig‘i lavozimida ishlab kelgan To‘raboy Shermatov direktor etib tayinlandi.
Mazkur tayinlov bir oy avval, 2024-yil 20-noyabrda amalga oshirilgan. T.Shermatovni lavozimga tayinlash haqidagi buyruq esa Ixtisoslashtirilgan ta’lim muassasalari agentligi direktorining buyrug‘i bilan amalga oshirilgan.
T.Shermatov Toshkent shahridagi INHA universitetining uzluksiz ta’lim markazi fizika va matematika o‘qituvchisi, O‘zFA Ion-plazma va lazer texnologiyalari institutida kichik ilmiy xodim, Muhammad al-Xorazmiy nomidagi ixtisoslashtirilgan maktabning maxsus fanlar bo‘yicha direktor o‘rinbosari, Toshkent shahridagi Prezident maktabi ijrochi direktori kabi lavozimlarda faoliyat olib borgan.
Avval bu tizim qanday ishlagan?
Fan olimpiadalari markazi tashkil etilishidan avval olimpiadalarni tashkil etish hamda iqtidorli yoshlarni xalqaro olimpiadalarga tayyorlash ishlari bilan Maktabgacha va maktab ta’limi vazirligining Fan olimpiadalarini o‘tkazish va iqtidorli o‘quvchilarni saralash departamenti shug‘ullanardi.
Departamentning tarkibi 3 ta bo‘lim va 1 ta sho‘badan, ya’ni Olimpiadalarni tashkil etish bo‘limi, Iqtidorli yoshlarni xalqaro olimpiadalarga tayyorlash va terma jamoa ishtirokini ta’minlash, Nazorat materiallarini tayyorlash bo‘limi va Ixtisoslashtirilgan maktablar istiqbolini belgilash sho‘basidan tashkil topgandi.
Ushbu departamentga esa 2019-yildan buyon vazirlikda ishlab kelayotgan Raxmonov Umid Olimovich rahbarlik qilib kelardi. Tasdiqlanmagan ma’lumotlarga ko‘ra, Umid Raxmonov o‘z xohishiga binoan ishdan ketgan.
Umid Raxmonov shu vaqtga qadar olimpiadalar yo‘nalishida salmoqli ishlarni amalga oshirgan, salohiyatli kadrlardan biri edi. Masalan, 2021-2024-yillar oralig‘ida o‘zbekistonlik o‘quvchilarning turli xil olimpiadalarda qo‘lga kiritgan yutuqlarini tahlil qiladigan bo‘lsak, medallar soni karrasiga ortganini kuzatish mumkin. Bu davr mobaynida o‘quvchilarimiz nufuzli musobaqalarda yanada yuqori natijalar ko‘rsatib, xalqaro maydonda O‘zbekiston nufuzini yanada oshirganliklari bilan ajralib turadi.
Masalan, 2021/2022-o‘quv yilida nufuzli xalqaro va mintaqaviy olimpiadalarda o‘quvchilar jami 45 ta medalni qo‘lga kiritgan bo‘lsa, 2022/2023-o‘quv yilida 69 ta, 2023/2024-o‘quv yilida esa 128 ta medalni qo‘lga kiritishgan. Bu natijalarda esa Umid Raxmonovning ham hissasi katta edi, albatta.
Izohlar 0
Izoh qoldirish uchun ro'yxatdan o'ting!
Yangiliklar
Vazir attestatsiyadan norozi bo‘lgan bir guruh o‘qituvchilarga duch keldi
Jismoniy tarbiya fani o‘qituvchilari Prezident administratsiyasi va Sport vazirligiga murojaat yo‘lladi
O‘qituvchilar uchun attestatsiya to‘lovi 50 foizga arzonlashdi
Vazir E’zoza Karimova va uning xodimlari oqqon va saratonga chalingan bolalar chizgan rasmlarni yuqori narxda sotib oldi
Mavzuga doir yangiliklar
Tayinlov
Toshkent shahar MMTBga yangi rahbar tayinlandi
Toshkent shahar maktabgacha va maktab ta’limi boshqarmasi boshlig‘i o‘rinbosari lavozimida ishlab kelayotgan Raximjonov Jamshid Rafiqjon o‘g‘li boshqarma boshlig‘i lavozimiga vaqtincha vazifa bajaruvchi etib tayinlandi.
Tayinlov
Toshkent shahar MMTB boshlig‘i vazirlikka ishga o‘tdi
Yuldasheva Iroda Saloxutdinovna Toshkent shahar maktabgacha va maktab ta’limi boshqarmasi boshlig‘i lavozimidan ozod qilinib, MMTV O‘quvchilarni kasbga yo‘naltirish boshqarmasi boshlig‘i o‘rinbosari lavozimiga tayinlandi.
Tayinlov
Bir yildan buyon bo‘sh turgan Respublika ta’lim markaziga direktor tayinlandi
Maktabgacha va maktab ta’limi vazirining tegishli buyrug‘iga muvofiq, vazirlik huzuridagi Respublika ta’lim markazi direktori lavozimiga Norboyeva Dilshoda Abdunasimovna tayinlandi.
Tayinlov
Surxondaryo “oblono” boshlig‘i vazirlikka ishga o‘tdi, uning o‘rniga esa yangi rahbar tayinlandi
Mamadiyev Xusniddin Norboyevich Maktabgacha ta’lim tizimini rivojlantirish boshqarmasi boshlig‘i lavozimiga, Tashpulatov Bekzod Xamitovich esa viloyat boshqarmasi boshlig‘i lavozimiga tayinlandi.
Izohingizni tahrirlang