O'zbek
Milliy sertifikatga ega bo‘lgan tarix fani o‘qituvchisiga tarbiya fani uchun ustama to‘lanadimi?
Savol
Men yaqinda tarix fanidan milliy sertifikat oldim. O‘zim oliy toifali tarixchiman. Lekin tarbiyadan dars beraman. Tarbiya darslarimga oliy toifa haq to‘lanadi.
Savolim shundan iboratki, milliy sertifikatim uchun tarbiya faniga ham ustama to‘lanadimi?
Javob
O‘zbekiston Respublikasi Prezidentining 2022-yil 11-maydagi PF–134-sonli Farmoniga muvofiq:
- xalqaro tan olingan sertifikatga ega bo‘lgan pedagog kadrlarga — ularning tarif stavkasiga nisbatan 50 foiz miqdorida;
- Bilim va malakalarni baholash agentligining milliy baholash tizimida olingan sertifikatga ega bo‘lgan pedagoglarga — ularning tarif stavkasiga nisbatan 20 foiz miqdorida har oylik qo‘shimcha ustama to‘lab beriladi.
Yuqoridagi farmonning 9-a-bandida esa o‘zi dars beradigan fani bo‘yicha tegishli darajadagi sertifikatga ega bo‘lgan pedagog kadrlar nazarda tutilgan.
Ya’ni, fan o‘qituvchisi boshqa fan bo‘yicha xalqaro yoki milliy sertifikatga ega bo‘lib, mutlaqo boshqa bir fandan dars bergan taqdirda, ustamalar to‘lab berilmaydi. Buning uchun o‘qituvchi aynan o‘sha fan bo‘yicha tegishli sertifikatga ega bo‘lishi lozim.
Yuqoridagi vaziyatda ham milliy sertifikatga ega bo‘lgan tarix fani o‘qituvchisiga tarbiya fani uchun o‘tgan dars soatlariga ustama to‘lab berilmaydi.
Izohlar 4
Izoh qoldirish uchun ro'yxatdan o'ting!
Yangiliklar
Kelasi o‘quv yilidan bog‘cha tarbiyachilari uchun oliygohda o‘qish muddati to‘rt yildan uch yilga qisqartiriladi
O‘qituvchilarga 100 va 30 foizlik ustamalar beriladigan tizim yo‘lga qo‘yiladi
Endilikda boshlang‘ich sinflar uchun alohida fan olimpiadasi joriy qilinadi
Prezident o‘qituvchilarga yangi imtiyozlar berilishini ma’lum qildi
Mavzuga doir yangiliklar
Yangiliklar
O‘qituvchilarga 100 va 30 foizlik ustamalar beriladigan tizim yo‘lga qo‘yiladi
Yangi o‘quv yilidan boshlab umumiy o‘rta ta’lim maktablarida “sifat indeksi” tizimi joriy qilinadi. Bunda Maktablar pedagogik jamoaning salohiyati hamda o‘quvchilarning ta’lim va tarbiyadagi natijalariga qarab toifalarga ajratiladi.
Yangiliklar
2026-2027-o‘quv yilida 40 foizgacha ustama oladigan maktablar ro‘yxati tasdiqlandi
2026-yil 23-sentabr kuni Maktabgacha va maktab ta’limi vazirrining 359-sonli buyrug‘i bilan rahbar va pedagog kadrlarga ustama toʻlanadigan 601 ta umumiy oʻrta taʼlim maktablari ro‘yxati tasdiqlandi.
So'ragan edingiz
O‘qituvchi ta’tilda bo‘lgan davri uchun ham sertifikat uchun ustama to‘lab beriladimi?
Mehnat kodeksining 233-moddasiga muvofiq har yilgi mehnat ta’tilida bo‘lgan vaqti uchun xodimga ushbu Kodeksning 257-moddasiga muvofiq hisoblab chiqariladigan o‘rtacha ish haqining saqlanishi kafolatlanadi.
So'ragan edingiz
Milliy sertifikat bor, ammo EduERP’da “ustama to‘lanmaydi” chiqyapti: sabab nima?
Meni maktabimda ona tili va adabiyot fanidan o‘qituvchi bo‘lib ishlaydigan ustozimiz A sertifikatini oldi, umumiy balli 66.82. Lekin erp.maktab.uz saytida ustama to‘lanadi degan joyiga “yo‘q” (to‘lanmaydi) chiqib turibdi. Shu savolga javob kerak, ustama to‘lanadimi yoki yo‘q?
Izohingizni tahrirlang