O'zbek
Maktabgacha va maktab ta’lim vazirligi tizimiga o‘tayotgan 13 ta oliygoh xodimlari ishdan bo‘shatiladimi?
Ma’lumki, O‘zbekiston Respublikasi Prezidentining 2025-yil 28-apreldagi “Pedagog kadrlar tayyorlash tizimini yanada takomillashtirish chora-tadbirlari to‘g‘risida”gi PF-73-sonli Farmoni bilan 13 ta oliy ta’lim muassasalari Maktabgacha va maktab ta’limi vazirligiga o‘tkazilmoqda.
“Yuristkadr” loyihasi asoschisi, advokat Saydali Muxtoraliyev oliygoh xodimlari taqdir nima bo‘lishi haqida mehnat qonunchiligiga asoslangan holda tushuntirib berdi.
Mavjud holat Mehnat kodeksining 156-moddasi to‘rtinchi qismidagi “tashkilotning idoraviy taalluqliligi (bo‘ysunuvi) o‘zgarganligi” hisoblanadi.
Bunga ko‘ra, tashkilotning idoraviy bo‘ysunuvi o‘zgarganligi xodimlar bilan mehnat munosabatlarini bekor qilishga asos bo‘lmaydi. Barcha xodimlar va hatto rahbariyatgacha mehnat munosabatlari davom etaveradi.
Ayrimlar mavjud vaziyatni “tashkilot mulkdorining o‘zgarishi” deb tushunishi mumkin va ular MK 156-moddasi ikkinchi qismi va 489-moddasi birinchi qismi 1-bandiga asosan “tashkilot mulkdori o‘zgarsa, rahbarni, uning o‘rinbosarlari va bosh buxgalterlarni bemalol bo‘shatsa bo‘ladi” deb o‘ylashadi.
Lekin bu mutlaqo xato fikr bo‘ladi. 13 ta OTMning Maktabgacha va maktab ta’limi vazirligiga o‘tkazilishi bu tashkilotlarning mulkdorlari almashishi hisoblanmaydi. Chunki, bu OTMlarning barchasi davlat tashkilotlari va ularning mulkdori bu yerda davlatning o‘zi.
Boshqa vazirlikka o‘tgani bilan, mulkdor sifatida davlat o‘zgargani yo‘q. Mabodo bu OTMlar xususiylashtirilsa va ularni xususiy mulkdorlar sotib olsa, ana o‘shandagina mulkdor almashishi yuz berishi mumkin.
Hozir esa shunchaki OTMlarning bo‘ysunuvi o‘zgarmoqda xolos va bu vaziyatda oddiy xodimlardan tortib, rektor va prorektorlargacha o‘z ishini davom ettiraveradi.
Eslatib o‘tamiz, Nizomiy nomidagi Toshkent davlat pedagogika universiteti negizida Nizomiy nomidagi O‘zbekiston milliy pedagogika universiteti tashkil etilib, Universitet pedagog kadrlar tayyorlash bo‘yicha yetakchi oliy ta’lim tashkiloti sifatida ta’lim dasturlarini xalqaro tajriba asosida transformatsiya qilish jarayonlarini muvofiqlashtirishi belgilandi.
Shuningdek, Maktabgacha va maktab ta’limi vazirining pedagogik ta’limni rivojlantirish masalalari bo‘yicha o‘rinbosari - Nizomiy nomidagi O‘zbekiston milliy pedagogika universiteti rektori lavozimi joriy etildi.
Izohlar 0
Izoh qoldirish uchun ro'yxatdan o'ting!
Yangiliklar
Xorazmdagi barcha davlat bog‘chalari anomal issiq sabab 4 kunga yopiladi
O‘zbekistonlik o‘quvchilar 56-Xalqaro fizika olimpiadasida 4 ta medalni qo‘lga kiritdi
Issiq ob-havo tufayli Qoraqalpog‘istonda bog‘chalar yopilmoqda
O‘quvchiga nisbatan axloqsiz harakat qilgan maktab maslahatchisi ishdan olinadi — "Kelajak" markazi
Mavzuga doir yangiliklar
Oliy ta’lim
O‘zbekistonning ayrim oliygohlarida bir nafar professor-o‘qituvchiga 200 nafardan ortiq talaba to‘g‘ri kelmoqda
2026-yil iyun holatiga ko‘ra, O‘zbekiston Respublikasi oliy ta‘lim tashkilotlarida 1 605 028 nafar talaba tahsil olmoqda hamda 61 088 nafar professor-o‘qituvchi faoliyat yuritmoqda. Respublika bo‘yicha bir nafar professor-o‘qituvchiga o‘rtacha 30,3 nafar talaba to‘g‘ri keladi.
Yangiliklar
Kirish imtihonida qatnashgan abituriyentlarning atigi uchdan bir qismi talabalikka tavsiya etildi
Joriy yilning 13-iyun kuni Profi University'da o‘tkazilgan kirish imtihonlarida 3139 nafar abituriyent ishtirok etdi. Imtihon natijalariga ko‘ra, abituriyentlarning 782 nafari yoki 25 foizi talabalikka tavsiya etildi.
Yangiliklar
Endilikda oliy toifali o‘qituvchilar magistraturaga maqsadli qabul qilinadi
2026/2027-o‘quv yilidan boshlab oliy toifali o‘qituvchilar Nizomiy nomidagi O‘zbekiston milliy pedagogika universitetida maqsadli magistraturada tahsil ola boshlaydi.
Yangiliklar
Endi bog‘chalardagi o‘rta maxsus ma’lumotli pedagoglar 5+1 dasturi asosida oliygohda o‘qishi mumkin
Davlat va (yoki) nodavlat maktabgacha ta’lim muassasalarida kamida uch yil davomida faoliyat yuritayotgan o‘rta maxsus ma’lumotli pedagog kadrlar OTM bakalavriatiga o‘tkazilayotgan test sinovlari asosida qabul qilinadi.
Izohingizni tahrirlang