O'zbek
Yuqori sinf o‘qituvchisi boshlang‘ich sinflarda “Tarbiya”dan dars bersa bo‘ladimi?
Savol
“Tarbiya” fanidan oliy malaka toifasiga ega o‘qituvchiman. Hozirgi kunda boshlang‘ich sinflarga ham dars berishim mumkinmi?
Javob
“Tarbiya” fani mutaxassisligiga ega bo‘lgan o‘qituvchilar yoki “Tarbiya” fanidan qayta tayyorlovdan o‘tgan o‘qituvchilar yuqori hamda boshlang‘ich sinflarda dars berish huquqiga ega.
Bunda boshlang‘ich sinflardagi dars soatlari “Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi nizom talablari asosida o‘qituvchilar o‘rtasida taqsimlanishi lozim.
Agar “Tarbiya” fanidan dars o‘tish huquqiga ega bo‘lgan o‘qituvchilarning mazkur fandan malaka toifasi mavjud bo‘lsa, ularga “Tarbiya” fani bo‘yicha malaka toifasi uchun qo‘shimcha haq to‘lovlari ham amalga oshiriladi.
Ma’lumot uchun: “Tarix” va “Milliy istiqlol g‘oyasi va huquq” o‘qituvchilari boshlang‘ich sinflarda dars bersa, toifasi uchun qo‘shimcha haq to‘lanmaydi.
Ma’lumki, Bosh vazirning 2024-yil 16-apreldagi 30/1-1782-sonli ko‘rsatma xatiga muvofiq “Tarix”, “Milliy istiqlol g‘oyasi va huquq” mutaxassisligiga ega o‘qituvchilarga faqat 5-11-sinflarda “Tarbiya” fani bo‘yicha dars o‘tishlariga ruxsat berilgan.
Shu sababli, “Tarix”, “Milliy istiqlol g‘oyasi va huquq” mutaxassisligiga ega o‘qituvchilar boshlang‘ich sinflarda (1-4-sinf) “Tarbiya” fanidan dars bergan taqdirda, ularning malaka toifasi uchun qo‘shimcha haq to‘lovlari amalga oshirilmaydi.
Ayrim hududlarda esa boshlang‘ich sinflardagi “Tarbiya” fani ushbu fan o‘qituvchilariga ham berish holati kuzatilgan. Shu sababli, “Tarix” va “Milliy istiqlol g‘oyasi va huquq” o‘qituvchilariga boshlang‘ich sinflarda dars bergani uchun qo‘shimcha to‘lovlar amalga oshirilmasligi mumkin.
Izohlar 0
Izoh qoldirish uchun ro'yxatdan o'ting!
Yangiliklar
O‘zbekiston TIMSS 2027 va PISA 2029 tadqiqotida ham ishtirok etadi
O‘quvchiga zo‘ravonlik qilgan o‘qituvchilar 2,2 mln so‘mgacha jarimaga tortilishi va ishdan bo‘shatilishi ham mumkin
Vazirlik attestatsiya testlarini yana pullashni boshladimi?
MMTB mas’ullari 1 mlrd so‘mlik budjet mablag‘larini talon-toroj qilgani aniqlandi
Mavzuga doir yangiliklar
So'ragan edingiz
“Psixologiya va pedagogika” yo‘nalishida o‘qiyotgan talabalar “Tarbiya” fanidan dars berishi mumkinmi?
Vazirlar Mahkamasining 2020-yil 6-iyundagi 422-son qaroriga ko‘ra, “Psixologiya va pedagogika” ta’lim yo‘nalishi bitiruvchilariga umumiy o‘rta ta’lim maktablarida “Tarbiya” fanini o‘qitish huquqi berilgan.
So'ragan edingiz
1-4-sinfdagi “Jismoniy tarbiya” dars soatlarini boshlang‘ich sinf o‘qituvchilaridan olib qo‘yilishi to‘g‘rimi?
Boshlang‘ich ta’lim yo‘nalishi o‘qituvchilarining ko‘plab talab va istaklarini inobatga olgan holda O‘zbekiston Respublikasi Bosh vaziri o‘rinbosarining ko‘rsatmasiga asosan 2021-2022-o‘quv yilidan boshlab maktablarda boshlang‘ich ta’lim yo‘nalishi bo‘yicha dars berish huquqiga ega bo‘lgan o‘qituvchilarga 1-4-sinflarda “Jismoniy tarbiya” fanidan dars berish huquqi beriligan.
So'ragan edingiz
Maktab maslahatchisiga dars berish masalasiga vazirlik rasmiy tushuntirish berdi
Maktab maslahatchisi lavozimida ishlayotgan xodimga Vazirlar Mahkamasining 2005-yil 21-dekabrdagi 275-son qarori asosida haftasiga 10 soatgacha o‘qituvchi lavozimini qo‘shib olib borish, ya’ni shu tartibda o‘quv yuklamasi yuritilishiga yo‘l qo‘yilmaydi.
Yangiliklar
Dars taqsimoti ortidan maktab direktori qamoqqa olindi
Qashqadaryo viloyati Chiroqchi tumanidagi umumiy o‘rta ta’lim maktabi direktori o‘qituvchiga qo‘shimcha dars soatlari ajratib berish evaziga 700 AQSh dollari talab qilgani uchun qamoqqa olindi.
Izohingizni tahrirlang