O'zbek
Vazir, jurnalist va deputatlar maktablarda dars o‘tmoqda
Maktabgacha va maktab ta’limi vazirligi “Kelajak soati” darslarini o‘tish uchun vazirlar, keng jamoatchilik vakillari, shu jumladan, mahalliy hokimiyat rahbarlari, viloyat, tuman (shahar) maktabgacha va maktab ta’limi boshliqlari, jurnalist, bloger, hamda filologlarni faol jalb qilmoqda.
Ma’lumki, 2025/2026-o‘quv yilidan boshlab, bog‘cha, maktab, oliygoh, nodavlat ta’lim tashkilotlarida “Kelajak soati” darslari faoliyati yo‘lga qo‘yilgandi.
Ushbu darslar haftaning har dushanba kuni ta’lim tashkilotlarida interaktiv usulda o‘tilib, o‘qituvchilar ushbu darslarni o‘tishda milliytarbiya.uz platformasidan foydalanib kelyapti.
Bunda 50 dan ortiq ssenariylar asosida, 14 ta mavzuda darslar tashkil etilib, 100 dan ortiq yangi videokontent mahsulotlar ta’lim tashkilotlari uchun taqdim etildi.
O‘tgan vaqt mobaynida darslarni o‘tishga keng jamoatchilik vakillari, shu jumladan, vazirlik va idoralarning rahbarlari, mahalliy davlat hokimiyati rahbarlari, viloyat, tuman (shahar) maktabgacha va maktab ta’limi boshliqlari, jurnalistlar, blogerlar, filologlar jalb etildi.
Masalan, ta’lim tashkilotlarida tashkil etilgan “21-oktyabr O‘zbek tili bayrami” munosabati bilan darslarga senator Xusan Ermatov, Qonunchilik palatasi deputati Alisher Qodirov, Jurnalistika va ommaviy kommunikatsiyalar universiteti rektori Sherzodxon Qudratxo‘ja, O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi raisi o‘rinbosari Begzod Shukurov, mashhur blogerlar Shaxnoza Soatova, Muhrim Azamxo‘jayev, Eldar Asanov, Aziza Qurbonovalar tomonidan o‘quvchilarga dars o‘tildi.
Bundan tashqari, joriy yilning 1-dekabr kuni Yunusobod tumanidagi 9-son maktabda o‘tkazilgan “Mening huquqlarim” mavzusidagi darsda Adliya vaziri Akbar Toshqulov ishtirok etdi va maktab o‘quvchilariga dars o‘tdi.
“Kelajak soati” darslariga turli soha vakillarining jalb qilinayotgani ta’lim jarayonining jamiyat bilan integratsiyalashayotganidan dalolat bermoqda.
Vazirlar, deputatlar, jurnalistlar va mutaxassislarning maktablarga kirib, o‘quvchilar bilan bevosita muloqot qilishi bolalarda motivatsiya, sog‘lom dunyoqarash va faol fuqarolik pozitsiyasini shakllantirishga xizmat qiladi.
Albatta, bunday yangi loyihalar, ta’lim tizimi uchun kerak. Bu kabi yangiliklar takror va qolipga tushib qolgan metodlardan voz kechish bilan birga, pedagoglarni o‘z ustilarida ishlashiga ham turtki beradi.
Izohlar 1
Izoh qoldirish uchun ro'yxatdan o'ting!
Yangiliklar
Ertadan pedagoglar uchun kuzgi attestatsiya sinovlari boshlanadi
Ta’lim tizimida psixologik xizmatni rivojlantirish bo‘yicha yangi tizim joriy etiladi
“Aravani tortolmagan kadr bizning oramizda bo‘lmaydi” — Erkinjon Turdimov
O‘qituvchilar attestatsiyasini o‘tkazuvchi markaz boshqa tashkilotga qo‘shib yuborildi
Mavzuga doir yangiliklar
Yangiliklar
“Aravani tortolmagan kadr bizning oramizda bo‘lmaydi” — Erkinjon Turdimov
Yangi tashkil etilgan Ta’lim va ilm-fan vazirligida hududiy rahbarlar va boshqa mas’ul lavozimlardagi kadrlar faoliyati tahlil qilinadi.
Ta'lim siyosati
Ta’lim va ilm-fan tizimini boshqarishning yangi tartibi belgilandi
Ta’lim va ilm-fan tizimini boshqarishning yangi tartibi belgilandi. Maktabgacha ta’limdan tortib oliy ta’limdan keyingi ta’limgacha bo‘lgan barcha bosqichlarda yagona davlat siyosati yuritiladi.
Yangiliklar
Bosh vazirning birinchi o‘rinbosari — ta’lim va ilm-fan vaziriga biriktirilgan tashkilotlar ro‘yxati tasdiqlandi
Vazirlar Mahkamasi ijro etuvchi tuzilmasida rasman Bosh vazirning birinchi o‘rinbosari — ta’lim va ilm-fan vaziri lavozimi joriy etildi. Shuningdek, ta’lim, ilm-fan va sog‘liqni saqlash masalalari bo‘yicha 12 ta shtat birligidan iborat kotibiyat tashkil qilinadi.
Ta'lim siyosati
Ta’lim va ilm-fan vazirligining tashkiliy tuzilmasi qanday bo‘ladi?
Ta’lim va ilm-fan vazirligi faoliyatini tashkil etish bo‘yicha ayrim takliflar tayyorlangan. Unga ko‘ra, yangi vazirlik tizimida besh nafar vazir o‘rinbosari, ta’limning barcha bosqichlarini qamrab oluvchi bir nechta departamentlar hamda hududiy boshqarmalar bo‘lishi nazarda tutilmoqda.
Izohingizni tahrirlang