Qozog‘istonda maktab o‘quvchilarining dars paytida smartfonlardan foydalanishi taqiqlanishi qonuniylashtirilmoqda
Qozog‘istonda maktab o‘quvchilarining dars vaqtida smartfondan foydalanishi taqiqlanishi rejalashtirilmoqda. Bu “Qozog‘iston Respublikasining ayrim qonun hujjatlariga ta’lim va murabbiylik masalalari bo‘yicha o‘zgartish va qo‘shimchalar kiritish to‘g‘risida”gi qonun loyihasida nazarda tutilgan. Yangi o‘zgarishlar haqida deputat Asxat Ayamagambetovga asoslanib, ict.xabar.uz ma’lum qildi.
Ayni paytda qonunchilikda maktablarda dars paytida mobil telefonlardan foydalanish bo‘yicha aniq cheklovlar mavjud emas.
“Bu masala anchadan beri muhokama qilinmoqda. Cheklov faqat darslar vaqtiga taalluqli, bola maktabga mobil telefon olib kelishi va tanaffus vaqtida undan foydalanishi mumkin. Ya’ni, bu borada hech qanday cheklovlar yo‘q. Dars davomida bola faqat ta’lim olishi, ya’ni hech qanday ijtimoiy tarmoqlardan foydalanmasligi, masalan, TikTokda o‘tirmasligi kerak”, — deb tushuntirdi Ayagambetov.
Deputatning aniqlik kiritishicha, maktab o‘quvchilariga faqat istisnoli holatlardagina telefon ishlatishga ruxsat beriladi.
“Hozir bizda ko‘plab zamonaviy mutaxassislar, turli ilovalardan foydalanadigan o‘qituvchilar ko‘p. Qaysidir innovatsion usulda ishlash uchun o‘qituvchi (va uning ruxsati bilan o‘quvchilar — tahr.) mobil telefonlardan foydalanishi mumkin. Bu borada hech qanday cheklovlar yo‘q. Agar bola dars payti o‘z shaxsiy ishlari uchun telefon ishlatmoqchi bo‘lsa, albatta, ruxsat etilmaydi”, — dedi deputat.
Demak, o‘qituvchining qarori bilan darsda foydalanish zaruriyati bo‘lgan hollar inobatga olinmaganda, mashg‘ulotlar payti o‘quvchilar va pedagoglarning smartfonlardan foydalanishi man etiladi.
Izohlar 0
Izoh qoldirish uchun ro'yxatdan o'ting!
Yangiliklar
O‘zbekistond 12 yillik ta’lim tizimiga o‘tishning huquqiy asoslari belgilanmoqda
Maktablarda sport to‘garaklari faoliyati kengaytiriladi: iqtidorli o‘quvchilar “Sport akademiyasi” uchun saralanadi
Mahkuma ayollarning farzandlari uchun maxsus bog‘chalar tashkil etiladi
“Xususiy bog‘chalarning nomini o‘zbekchalashtirish kerak” — Sherzodxon Qudratxo‘ja
Mavzuga doir yangiliklar
Maqola
Trend ortidan ergashayotgan o‘quvchilar: taqiqmi yoki media savodxonlik?
Trendda bo‘lish bugungi kunda deyarli har bir ijtimoiy tarmoq foydalanuvchisi orasida ommalashgan tushunchaga aylanib ulgurdi. Ijtimoiy tarmoqlarda birgina video yoki chaqiriqning minglab va hatto millionlab kuzatuvchilar e’tiborini tortishi, ayniqsa, yoshlar va maktab o‘quvchilarini ham ushbu jarayonning faol ishtirokchisiga aylantirmoqda.
Tadqiqot
Maktablarda telefonni taqiqlash o‘smirlar ruhiy salomatligini yaxshilashga yordam bermadi — tadqiqot
Islandiyada o‘tkazilgan yirik tadqiqot maktablarda smartfonlardan foydalanishni taqiqlashning o‘smirlar ruhiy salomatligiga ta’sirini baholadi. Tadqiqot natijalarga ko‘ra, bunday cheklovlar ham o‘smirlarda depressiya va xavotir alomatlarini kamaytirolmagan.
Yangiliklar
“Tarbiya” fani yanada takomillashtirlib, ta’lim-tarbiya strategiyasi ishlab chiqiladi
9-oktabr kuni “Milliy tiklanish” demokratik partiyasi Markaziy kengashida o‘tkazilgan jamoatchilik eshituvida shu kabi masalalar muhokama qilindi.
Yangiliklar
O‘zbekistonda ham bolalarga ijtimoiy tarmoqlar taqiqlanishi mumkin
O‘zbekistonda 16 yoshga to‘lmagan bolalarning tarmoqlardan foydalanishini cheklash reja qilinyapti. Bu haqda Maktabgacha va maktab ta’limi vaziri E’zoza Karimova Gazeta.uz nashriga bergan intervyusida ma’lum qilgan.
O'zbek
Izohingizni tahrirlang