O'zbek
"15-aprel kuni test sinovlari vaqtida nosozlik bo‘lmagan" – VAZIRLIK
15:00 / 17.04.2024
6.89k
15-16-aprel kuni bo‘lib o‘tgan attestatsiya test sinovlari vaqtida pedkadr.uzedu.uz platformasida nosozliklar yuzaga kelib, ishlamay qolganligi haqida xabar bergandik. Shundan so‘ng Maktabgacha va maktab ta’limi vazirligi mazkur holat bo‘yicha rasmiy bayonot bilan chiqdi.
Bunga javoban esa pedagog xodimlar tomonidan yozib qoldirilgan shikoyatlarni asos qilgan holda 15-aprel kuni ham tizimda nosozlik kuzatilganligi haqida yozdik. Masalaga yanada oydinlik kiritish maqsadida esa Maktabgacha va maktab ta’limi vazirligi mas’ul xodimlari bilan muzokara ham olib bordik.
O‘tkazilgan muzokaralar davomida vazirlik mas’ul xodimlari 15-aprel kuni attestatsiya vaqtida nosozlik bo‘lmagani, bunday holat aynan 16-aprel kuni ro‘y berganligini ma’lum qilishdi. Shu sababli, vazirlik bergan rasmiy bayonotda ham aynan 16-aprel kuni test topshiriqlarini to‘liq bajarishga ulgurmagan pedagoglar haqida so‘z borganligi aytildi.
Norozi pedagoglar nima qilsin?
Vazirlik aytganidek, 15-aprel kuni attestatsiya vaqtida nosozlik bo‘lmagan bo‘lsa-da, ammo ayrim o‘qituvchilar nosozlik bo‘lgan deb shikoyat qilayotganini aytib, vazirlik mas’uliga yuzlandik.
Mas’ul xodim esa bunday holat bo‘lgan taqdirda norozi bo‘lgan pedagog kadrlar natijalar e’lon qilingan kundan boshlab o‘n kun mobaynida apellyatsiya komissiyasiga yozma yoki elektron tarzda ariza (shikoyat) berishsa, har bir pedagogning masalasi adolatli tarzda ko‘rib chiqilishini ma’lum qildi.
Muzokara so‘ngida Maktabgacha va maktab ta’limi vazirligi tez orada attestatsiya natijalaridan norozi bo‘lgan pedagog kadrlar elektron tarzda ariza (shikoyat) berishlari uchun maxsus havola manzili e’lon qilinishini ma’lum qildi. Ayni vaqtda pedagoglarga shaxsiy kabinetlari orqali apellyatsiya berish imkoniyatini yaratish ustida ham ish olib borilmoqda.
Demak, 15-aprel kungi attestatsiyadan norozi bo‘lgan pedagog kadrlar tez orada shaxsiy kabinetlari orqali elektron tarzda ariza (shikoyat) berishlari mumkin bo‘ladi.
Izohlar 32
Izoh qoldirish uchun ro'yxatdan o'ting!
Yangiliklar
12:39 / 28.12.2025
2025-yilgi attestatsiyada 60 foizdan ortiq o‘qituvchi o‘tolmagani ma’lum bo‘ldi
00:18 / 26.12.2025
Endi zo‘ravonlik haqida xabar bermagan pedagoglar ham jazolanadi
23:11 / 24.12.2025
Pedagog xodimlar yangi yil bayrami arafasida ketma-ket 5 kun, o‘quvchilar esa 14 kun dam oladi
23:36 / 23.12.2025
Qishki ta’til oldidan ota-onalar ogohlantirildi
Mavzuga doir yangiliklar
Yangiliklar
2025-yilgi attestatsiyada 60 foizdan ortiq o‘qituvchi o‘tolmagani ma’lum bo‘ldi
Maktabgacha va maktab ta’limi vazirligi joriy yilgi malaka toifasi test sinovlariga oid statistikani e’lon qildi. Ma’lum bo‘lishicha, joriy yilda ikki marotaba o‘tkazilgan test sinovlarida 64,4 foiz o‘qituvchilar yetarli natija qayd etolmagan.
12:39 / 28.12.2025
Yangiliklar
“O‘qituvchilarni attestatsiyadan o‘tkazish tartibi qayta ko‘rib chiqiladi” — Qozog‘iston ta’lim vaziri
Qozog‘istonlik o‘qituvchilar ommaviy ravishda attestatsiya natijalaridan norozi bo‘lganidan so‘ng, ta’lim vaziri xato va kamchiliklarni tan oldi.
11:04 / 04.12.2025
Attestatsiya
Attestatsiyada o‘qituvchilar huquqi cheklanishi bu qulaylikmi?
Maktabgacha va maktab ta’limi vazirligi attestatsiyadagi o‘zgarishlarni aslida o‘qituvchilarga qulaylik yaratish maqsadida amalga oshirilganini ma’lum qildi.
12:08 / 03.12.2025
Yangiliklar
Attestatsiya bo'yicha apellyatsiyada o‘qituvchilar ishtiroki rasman cheklandi
Endilikda apellyatsiya shikoyatlari o‘qituvchilar ishtiroksiz ko‘rib chiqiladi. Mazkur tartib hukumatning 2025-yil 26-noyabrdagi VM-740-sonli qarori bilan bekor qilindi.
10:30 / 28.11.2025
Izohingizni tahrirlang