O'zbekistonda Ta'lim kodeksini qabul qilish taklifi berildi

O‘zbekistonda “Ta’lim kodeksi”ni tasdiqlash kerak, deya taklif bildirdi xalqtaliminfo.uz tahririyati rahbari Ulug‘bek Po‘latov 28-avgust kuni bo‘lib o‘tgan matbuot anjumanida. Unga ko‘ra, ushbu masala ko‘rib chiqilsa, ko‘plab muammolar o‘z yechimini topgan bo‘lardi.

“O‘qituvchi yoki pedagogning faoliyati davomida biror savolga duch kelsak, minglab hujjatlarga murojaat qilmay, birgina “Ta’lim kodeksi”dan javob olgan bo‘lardik. Men mana shu taklifni bildirgan bo‘lardim”, - deydi u.

Bu taklifga vazir Hilola Umarova javob berar ekan, @xalqtaliminfo telegram kanalini kuzatishini bildirdi.

“Men sizning kanalingizni doimiy kuzatib boraman. Har bir yangiliklarimizni, tanqidiysini ham, ijobiysini ham ijobiy qilib ko‘rsatasiz. 

Juda ham yaxshi taklif bildirdingiz. Ushbu uchrashuvimizdan so‘ng birgalikda bir jamoa tuzsak, shu kabi takliflarni bir yerga jamlasak. Boisi o‘quv yili boshlanishidan oldin masalalarimiz juda ko‘p. Keyingi uchrashuvlarda huquqiy taraflarini ko‘rib chiqsak, juda yaxshi bo‘lar edi”, - degan mazmunda javob berdi vazir.