"O'qituvchilardan ushlab qolingan pullar qaytarib beriladi" — kasaba uyushmasi
Avvalroq xabar berganimizdek, Qashqadaryo viloyatining Shahrisabz shahri Maktabgacha va maktab ta’limi bo‘limi buxgalteri o‘qituvchilarga direktor jamg‘armasi hisobidan tayinlangan ustama pullarini iyun-avgust oylarida to‘lab berishni moliyaviy xato deb topib, o‘zboshimchalik bilan o‘qituvchilarning oylik maoshidan ushlab qolgandi.
Bir qancha pedagoglar shu masalada murojaat qilgach, xalqtaliminfo.uz tahririyati holat yuzasidan O‘zbekiston ta’lim va fan xodimlari kasaba uyushmasi Respublika Kengashiga murojaat qilgandi.
O‘zbekiston ta’lim va fan xodimlari kasaba uyushmasi Respublika Kengashining xabar berishicha, pedagog xodimlarning oylik maoshidan ushlab qolingan pullar o‘qituvchilarga oktyabr oyidagi maoshlariga qo‘shib, qaytarib beriladi.
Ma’lum bo‘lishicha, O‘zbekiston ta’lim va fan xodimlari kasaba uyushmasi hududiy bo‘linmasi tomonidan holat batafsil o‘rganilib, ta’lim muassasalarida tushuntirish ishlari olib borilgan.
“Bu kabi holatlarning boshqa hududlarda ham sodir bo‘lishining oldini olish maqsadida O‘zbekiston ta’lim va fan xodimlari kasaba uyushmasi Respublika Kengashi tomonidan Maktabgacha va maktab ta’limi vazirligiga so‘rov yuboriladi”, deydi O‘zbekiston ta’lim va fan xodimlari kasaba uyushmasi Respublika Kengashi mas’ul xodimi.
Eslatib o‘tamiz, ayni vaqtda ushbu holat Qashqadaryo viloyati Maktabgacha va maktab ta’limi boshqarmasi tomonidan ham nazoratga olingan.
Izohlar 0
Izoh qoldirish uchun ro'yxatdan o'ting!Yangiliklar
Maktabgacha va maktab ta’limi tizimida korrupsiyaviy jinoyatlar soni ortgani aytildi
Endilikda bog'cha xodimlariga ham vazir jamg'armasidan ustamalar beriladi
Maktab o'quvchisi ustiga futbol darvozasi tushib ketishi oqibatida vafot etdi
Maktablarning bo‘sh yerlarida xususiy bog‘cha qurishga ruxsat berildi
Mavzuga doir yangiliklar
Qashqadaryolik o'qituvchilarning oylik maoshidan millionlab pullar o'zboshimchalik bilan ushlab qolinmoqda
Shahrisabz shahrining qolgan barcha ta'lim muassasalarida ham xuddi shu ahvol
O'qituvchilarga ustama sifatida to'lab berilgan pullarni qayta undirish qonunchilikka zid
O'qituvchilarga to'lab bo'lingan ortiqcha ustama pullarini qaytarib bo'lmaydi
Tekshiruvchilar ustama uchun to‘langan pullarni o‘qituvchidan qaytarib olishi to‘g‘rimi?
Ustamalarni ma’lum bir vaqt oralig‘ida to‘xtatib turish nazarda tutilmagan.
Pedagog xodimlar 1-oktyabrdan boshlab qancha maosh oladi?
Pedagog xodimlarning ish haqi miqdori 15 foizga oshirilishi belgilandi
Izohingizni tahrirlang