Malaka toifasi “bazada” ko‘rinmayotgan o‘qituvchilar nima qilishi kerak?

Savol

Ba’zi o‘qituvchilarning malaka toifasi “UzASBO” da ko‘rinmayapti. “ERP bazada” ham ko‘rinmay qolgan. 25 yildan buyon ishlayotgan oliy toifali o‘qituvchilar esa mutaxassis toifasiga tushib qoldi. Bu o‘qituvchilarning muammosini qanday hal qilish mumkin?

Javob

Hozirgi kunda bunday holatlar respublikamizning juda ko‘p hududlarida kuzatilmoqda. Shu sababli, mazkur holatga aniqlik kiritish maqsadida xalqtaliminfo.uz Maktabgacha va maktab ta’limi vazirligi Pedagog kadrlarga malaka toifalarini berish jarayonini tashkil etish boshqarmasi boshlig‘i Sardor Rahimboyev bilan bog‘landi.

Sardor Rahimboyevning aytishicha, “UzASBO-2” dasturiga barcha platformalar integratsiya qilinib, “ERP bazasi” orqali uzatish yo‘lga qo‘yilgan.

Tizimni raqamlashtirish orqali ko‘plab muammolarning oldi olinadi. Lekin yangi tizim bo‘lganligi uchun ba’zi hollarda ayrim muammolar ham kuzatilib turibdi.

Hozirgi kundagi asosiy muammolar ancha yil avval olingan malaka toifalar, ularning eski sertifikatlarini tizimga yuklash bilan bog‘liq bo‘lgan holatlar bilan sodir bo‘lmoqda.

Sababi, u vaqtlarda bu kabi ma’lumotlar jismoniy shaxslarning JShShIRga bog‘lanmagandi. Shuning uchun Maktabgacha va maktab ta’limi vazirligi barcha hududlarda ishchi guruh tashkil etib, ularga mana shunday muammolarni bartaraf qilish bo‘yicha qat’iy topshiriq bergan.

Shunday muammolarga duch kelgan pedagoglar kimga murojaat qilishi kerak?

Malaka toifasi “bazada” ko‘rinmagan, ba’zi sabablarga ko‘ra malaka toifasi mutaxassis toifasiga tushib qolgan pedagog xodimlar hududlarda tashkil etilgan ishchi guruh a’zolariga murojaat qilishlari lozim.

Hududlarda tuzilgan ishchi guruh a’zolari haqida ma’lumotlar

• Qoraqalpog‘iston Respublikasi

Aytmambetov Nurmuxamet – 99-957-87-38

Sarsenbaev Jamalatdin – 99-382-75-18

• Andijon viloyati

Nurdinov G‘ulomidan – 91-492-52-00

Yo‘lchiyev Jahongir – 91-600-14-41

Abdurashidov Shukrullo – 97-777-45-65

• Qashqadaryo viloyati

Kambarov Zaxriddin – 90-444-11-10

Yolqinov Suhrob – 95-778-08-55

Xamidov Davron – 90-721-31-12

Radjabov Botirjon – 91-955-05-12

Shodmanov Xurshid – 95-139-17-17

• Toshkent shahar

Urazova Nasiba – 97-784-38-14

Xakimova Zebo – 90-964-58-06

• Jizzax viloyati

Qurbonova Nazokat – 91-567-33-44

Raxmatullayev Axadulla – 88-485-01-10

Sadullayeva Farangiz – 99-666-02-09

• Sirdaryo viloyati

Murotqulov Muzaffar – 99-026-07-86

Berkinov Rashid – 93-329-99-61

• Buxoro viloyati

Afakov Shokir – 97-308-36-68

Yashuzakov Suxrob – 91-244-81-85

To’yev Baxtiyor – 93-961-30-30

Niyozov Narimon – 93-431-24-28

• Namangan viloyati

Mamajonov Baxtiyor – 88-532-00-05

Eshonov Baxriddin – 94-150-70-02

Ubayev O‘tkirbek – 33-062-05-05

• Navoiy viloyati

O‘rozov Alisher – 97-795-97-27

Ne’matov Yunus – 97-367-01-86

• Farg‘ona viloyati

Siddiqov Doniyor – 91-691 44 66

Mirzamaxmudov Murodil – 77-444-33-66

Usmonov Nizmomiddin – 94-827-52-51

Isroilov Hasanboy – 91-111-18-01

Ortiqov Asilbek – 90-164-02-65

• Toshkent viloyati

Shermatov Dilshod – 90-343-14-62

Baxromov Begzod – 88-760-67-76

• Surxondaryo viloyati

Shoimov Asomiddin – 97-692-95-55

Juraqulov Abdusattor – 94-209-64-54

• Xorazm viloyati

Vaisov Jaxongir – 99-026-80-86

Latipov Ulug‘bek – 94-071-98-88

Abdrimov Jamshid – 90-434-66-76

• Samarqand viloyati

Usmanova Nargiza – 93-335-84-71

Xo‘jamqulov O‘ktam – 97-916-72-84

Abdiyev Bunyod – 93-348-38-78

Nusratov Isomiddin – 99-591-09-36

Xolikulov Ilxom – 97-286-31-89

Ganiyev Erali – 93-724-11-16

Maxmadustov Amin – 99-591-36-70

Yakubov Murodillo – 91-528-27-88

15 yillik ish stajiga ega bo‘lgan oliy toifali o‘qituvchilar masalasi nima bo‘ladi?

Xabaringiz bor, 15 yillik ish stajiga ega bo‘lgan ayrim oliy toifali o‘qituvchilarning malaka toifasi umrbod saqlanib qolindi. Lekin mazkur toifaga kiradigan o‘qituvchilarning malaka toifasi uchun ayrim hududlarda qo‘shimcha haq to‘lanmayotgani haqida xalqtaliminfo.uz’ga murojaatlar kelib tushmoqda.

Tahririyat mazkur masala yuzasidan ham vazirlik mas’ul xodimi Sardor Rahimboyevga yuzlandi.

Ma’lum qilinishicha, hozirgi kunda bu masala bo‘yicha ham hududlarda tuzilgan ishchi guruhlar tinimsiz ish olib bormoqda. Tez orada bu kabi muammolar hal etiladi va qayta hisob-kitob qilinib, o‘qituvchilarga o‘rtadagi farq to‘lab beriladi.

“Biz respublika bo‘yicha 20 mingdan ortiq pedagoglarning sertifikatlarini tiklashga muvaffaq bo‘ldik. Shundan, 6007 nafar pedagoglarning malaka toifalarini umrbodga saqladik.

Agar qaysidir hududda anglashilmovchilik bo‘lib, 15 yillik ish stajiga ega bo‘lgan ayrim oliy toifali o‘qituvchilarning malaka toifasi umrbod saqlanmay qolib ketgan bo‘lsa, ular yuqorida ro‘yxati taqdim qilingan ishchi guruhga murojaat qilishi lozim”, - deydi Sardor Rahimboyev.

Vaziyatdan foydalanib, soxta hujjat taqdim etayotgan o‘qituvchilar ham bor

Maktabgacha va maktab ta’limi vazirligi mas’ul xodimi Sardor Rahimboyevning aytishicha, hozirgi vaziyatdan noto‘g‘ri yo‘lda foydalanib, vazirlikni aldamoqchi bo‘lgan o‘qituvchilar ham uchrab turibdi.

“Avval tizimga kiritilmagan malaka toifasi sertifikatlarini platformaga kiritish jarayonida ayrim qalbaki sertifikatlarga ham duch kelmoqdamiz.

Ming afsuski, pedagoglarimiz orasida boshqa bir o‘qituvchining sertifikatini qalbakilashtirib, turli xil dasturlar orqali o‘zining nomiga rasmiylashtirib olganlar ham uchrab turibdi.

Bu harakatlari bilan ayrim pedagoglarimiz o‘zlarini noqulay ahvolga solib qo‘ymoqda. Chunki, tizimga joylangan sertifikatlarni platformaga qayta yuklanganida, u qalbaki sertifikat ekanligi ma’lum bo‘lib qoladi.

Ya’ni, platformaga qalbaki sertifikatni joylashning imkoni yo‘q. Barchasi mukammal tarzda ishlab chiqilgan. Ayrim o‘qituvchilar esa, bila turib qalbaki sertifikatni olib kelib, mening sertifikatim “ERP bazasi”dan chiqmayapti deb, uyalmay shikoyat qilmoqda”, - deydi Sardor Rahimboyev.

Eslatib o‘tamiz, qalbaki sertifikatlar aniqlanadigan bo‘lsa, Maktabgacha va maktab ta’limi vazirligi O‘zbekiston Respublikasi Jinoyat kodeksining 228-moddasiga asosan sudga murojaat qilishi va aybi isbotlangan holatda eng kamida ushbu xodimlar bilan tuzilgan mehnat shartnomasi bekor qilishi mumkin.