O'zbek
“Ta’lim haqida hamma yaxshi gaplarni gapiradi, ammo davlat eski texnologiyalardan foydalanmoqda” – Ahmed al-Bastaki
Toshkentda parlament saylovi oldidan xalqaro hamkorlik tashabbuslari haftaligi o‘tkazilmoqda. Bu haqda Kun.uz nashri xabar berdi.
Unda turli idora va vazirliklardan rasmiylar ishtirokida davra suhbatlari rejalangan. Tadbirlarda 300 dan ortiq xorijiy mehmonlar qatnashadi, - deydi tashkilotchilar.
Spikerlar orasida xalqaro ta’lim tashkilotlari vakillari, ekspertlar ham bor. BAA milliy maktablari tashkiloti rahbari Ahmed al-Bastaki fikricha, O‘zbekistonda hamma ta’lim haqida yaxshi gaplarni gapiradi. Lekin davlat tizimda eski texnologiyalardan foydalanmoqda, ularni biroz zamonga moslash kerak. Ta’lim dasturlarini esa yangilash lozim, deydi u.
- Siz O‘zbekiston ta’lim tizimi bo‘yicha biror nimani tahlil qildingizmi?
- “Ha, masalan, xalqaro imtihonlar kabi tizim qilishdi, bu ta’lim sifati uchun yaxshi. Bugun men o‘qituvchilar uchun treningda ham qatnashdim, bu bir institutda bo‘ldi. Fikrimcha, yaxshi ta’lim yaxshi o‘qituvchidan boshlanadi. O‘qituvchi sifatli bo‘lsa, ta’lim sifati ham oshadi”, - deydi Bastaki.
- Xo‘sh, qaysi real muammoni ko‘rsata olasiz?
- “Eski texnikalardan foydalanyapsizlar, ikkinchidan, hozir bor dasturni yangilash kerak deb o‘ylayman. Chunki dunyo ancha ilgarilab ketdi. Masalan, sun’iy intellekt haqida ham bosh qotirishingiz kerak. Chunki yosh avlod kelajak haqida ko‘proq bilishi kerak. Ular 10 yildan keyin nima qiladi, qayerda ishlaydi, degan savollarga javob topish kerak”, - deya qo‘shimcha qiladi BAA vakili.
Ta’lim transformatsiyasi haqidagi muloqotda qatnashgan vazir Umarova O‘zbekistonning ta’lim siyosati xususida tushuntirish berib o‘tdi. Maqsadimiz sifatli ta’lim, deydi u.
“O‘zbekiston aholisining 50% dan ortig‘ini yoshlar tashkil qiladi. Maktablarda esa 8,7 million nafar o‘quvchilar o‘qimoqda. Maktabgacha ta’lim qamrovi esa 75% ga yetdi”, - deydi hukumat a’zosi.
Hilola Umarova shuningdek, o‘qituvchilarning til bilish darajasi ortib borayotganini alohida e’tirof etdi. Vazirga ko‘ra, 4 yilda xorijiy tillarni bilish sertifikatiga ega ustozlar soni 1 700 nafardan 28 mingdan ortiqqa oshgan.
Maktabgacha va maktab ta’limi vaziriga ko‘ra, ayni paytda 6 mingga yaqin o‘qituvchilar 10 million so‘m maosh olishmoqda. Talablarimiz bir xil, deya qo‘shimcha qiladi Umarova.
Lekin ikkinchi tomonda bu tendensiyaning kuchayishi tabaqalanishni keltirib chiqarmaydimi? Vazir o‘rinbosari Sardor Rajabovga ko‘ra, bu tabaqalanish emas. Chunki prezident va ixtisoslashgan maktablari uchun pul to‘lanmaydi.
Izohlar 0
Izoh qoldirish uchun ro'yxatdan o'ting!
Yangiliklar
Ta’lim jihozlari ortidagi korrupsiya fosh etildi
Ikki nafar o‘quvchi dunyoning birinchi raqamli oliygohiga o‘qishga kirdi
O‘qituvchilar ish tajribasini ommalashtirish jarayoni boshlanadi
Endi o‘qituvchilar tibbiy ko‘rigi uchun to‘lovlar davlat budjetidan qoplanadi
Mavzuga doir yangiliklar
Yangiliklar
Vazir E’zoza Karimova maktabda dars o‘tdi
E’zoza Karimova Namangan viloyati, Davlatobod tumanidagi 48-maktabda tashkil qilingan “Kelajak soati” doirasida “Muqaddas ayol” mavzusida dars o‘tdi.
Yangiliklar
Ilxom Siradjev yangi lavozimga tayinlangandan so‘ng ilk bor jamoatchilikka ko‘rinish berdi
O‘zbekiston Respublikasi Prezidenti Administratsiyasi rahbarining ta’limni isloh qilish bo‘yicha o‘rinbosari lavozimiga tayinlanganiga 10 kun bo‘lgan Ilxom Siradjev ilk bor jamoatchilikka ko‘rinish berdi.
Ta'lim siyosati
Maktabgacha va maktab ta’limi vazirligiga qanday vazifalar belgilab berildi?
O‘zbekiston Respublikasi Prezidentining “Mahallani rivojlantirish va jamiyatni yuksaltirish” yilida ustuvor yo‘nalishlar bo‘yicha islohotlar dasturlari va “O‘zbekiston - 2030” strategiyasini amalga oshirish bo‘yicha davlat dasturi to‘g‘risida”gi Farmoni qabul qilindi.
Ta'lim siyosati
O‘zbekiston 12 yillik ta’limga qachon va qanday o‘tmoqchi?
O‘zbekistonda 12 yillik ta’lim tizimiga o‘tish masalasi ayni vaqtda jamoatchilikning e’tibor markazida turibdi. Dastlab bu mavzu turli mish-mishlar va asossiz xabarlar fonida tilga olingan bo‘lsa, bugungi kunga kelib u ta’lim siyosatining aniq yo‘nalishlaridan biri sifatida ko‘rsatilyapti.
Izohingizni tahrirlang