O'zbek
Maktab kiyinish xonasida fohishaxona tashkil qilingani aniqlandi
Buxorodagi ta’lim muassasalarining birida qorovul 60 ming so‘m evaziga maktab kiyinish xonasida fohishaxona tashkil qildi. Unga ushbu qilmishi uchun 1 yil ozodlikni cheklash jazosi tayinlandi.
Buxoro viloyati Shofirkon tumanidagi 38-sonli umumta’lim maktabida qorovul maktab sport zalining kiyim almashtirishga mo‘ljallangan xonasida intim aloqa qilish uchun ijaraga berib kelgani aniqlandi. Sud qarori bilan tanishib chiqqan Bugun.uz nashri bu haqda xabar berdi.
Sud hujjatida keltirilishicha,, ushbu xizmat uchun u mijozlardan 60 ming so‘m pul olgan. Maxsus tadbirlar natijasida huquqni muhofaza qilish idoralari ushbu faoliyatni to‘xtatish uchun chora ko‘rishdi. Qorovul yosh juftlik bilan xonani ijaraga berish bo‘yicha kelishib, pul olayotgan vaqtida ushlangan.
Sud jarayonida ayblanuvchi o‘z aybini to‘liq tan oldi. Shofirkon tuman sudi unga O‘zbekiston Respublikasi JKning 131-moddasi 2-qismi bo‘yicha ayblov taqdim qilib, bir yil muddatga ozodlikni cheklash jazosini tayinladi.
Ma’lumot uchun, ozodlikni cheklash — sud tomonidan aybdorga nisbatan yashash joyini u yoki bu sabab bilan tark etishni butunlay taqiqlashdan yoki sutkaning muayyan vaqtida yashash joyidan chiqishni cheklashdan iborat.
Izohlar 0
Izoh qoldirish uchun ro'yxatdan o'ting!
Yangiliklar
Yangi tashkil etilgan Respublika “Kelajak markazi”ga direktor tayinlandi
Vazirlikning salohiyatli kadrlaridan biri Ta’lim sifatini ta’minlash milliy agentligi direktoriga o‘rinbosar bo‘ldi
Pedagoglarga 70 foizlik ustama to‘lashdagi muammolar ijobiy hal etilmoqda
Direktor o‘rinbosari shtatini qisqartirish hisobiga maktab maslahatchisi lavozimi joriy etiladi
Mavzuga doir yangiliklar
Yangiliklar
Bog‘cha mudirasi lavozimini 1000 dollarga pullamoqchi bo‘lgan MMTB boshlig‘i qo‘lga tushdi
Ma’lum bo‘lishicha, fuqaroni boshqa tumandagi davlat tasarrufidagi maktabgacha ta’lim muassasalaridan biriga mudira lavozimiga tayinlash evaziga 2500 AQSH dollari talab qilingan.
Bilasizmi?
Darslarni adolatsiz taqsimlangan direktorga 4 mln so‘mgacha jarima solinishi mumkin
Maktab direktori yoki boshqa mansabdor shaxslar tomonidan dars soatlarini taqsimlash borasidagi qonunchilik hujjatlariga rioya etilmasa, ularga nisbatan javobgarlik bor.
Yangiliklar
O‘qituvchilarni maktab “remontiga” jalb qilgan direktor ishdan bo‘shatilib, unga 41,2 mln so‘m jarima solindi
Ma’lum bo‘lishicha, maktab direktori tomonidan o‘qituvchilar dars soatlari kam ajratilishi bilan qo‘rqitilib, ta’mirlash ishlariga majburiy chiqarilgan.
Yangiliklar
Maktab yerini sotmoqchi bo‘lgan tuman hokimi qo‘lga olindi
Jizzax viloyati Sharof Rashidov tumani hokimi Mahmud Xolbo‘tayev maktab uchun ajratilgan yerga ko‘p qavatli uy qurilishiga ruxsat berish evaziga tadbirkordan 10 ming AQSh dollari pora olayotganda DXX xodimlari tomonidan qo‘lga olindi.
Izohingizni tahrirlang