O'zbek
Qirg‘iziston maktablarida telefondan foydalanish taqiqlanishi mumkin
Qirg‘iziston Ta’lim va fan vazirligi maktab va oliy o‘quv yurtlarida telefondan foydalanishni taqiqlashni taklif qilmoqda.
Ta’lim vazirligi buni shafqatsizlik, pornografiyani targ‘ib qiluvchi materiallarni tarqatish va ta’lim muassasasi obro‘siga putur yetkazadigan harakatlarni oldini olish bilan izohlamoqda.
“Ta’lim tashkilotlarida mobil qurilmalardan foydalanish tartibini tasdiqlash to‘g‘risida”gi qaror loyihasi jamoatchilik muhokamasiga qo‘yilgan. Hujjatda maktab va oliy o‘quv yurtlarining talabalari va xodimlari ta’lim muassasasi binosiga kirishda o‘z gadjetlarini sukut rejimga o‘tkazishi talab qilinishi belgilandi.
O‘quvchilar mobil qurilmalarini o‘chirib, sinflarda belgilangan joylarda qoldirishi kerak bo‘ladi. Telefondan faqat tanaffus paytida yoki favqulodda holatlarda foydalanish mumkin. Telefonlarni quvvatlantirish ham taqiqlanadi.
Ta’lim vazirligi quyidagi maqsadlarda telefondan foydalanishni taqiqlashni taklif qilmoqda:
- zo‘ravonlik, shafqatsizlik yoki pornografiyani targ‘ib qiluvchi materiallarni tarqatish;
- ta’lim muassasasi obro‘siga putur yetkazadigan harakatlar;
- foto va video suratga olish.
Shuningdek, o‘qituvchilarga ham dars vaqtida telefondan foydalanish taqiqlanadi, agar bu ta’lim jarayoni bilan bog‘liq bo‘lmasa.
Qayd etilishicha, ishlab chiqilgan qoidalar o‘quvchilar salomatligini muhofaza qilish, ijtimoiy-ma’rifiy muhitni yaxshilash, shuningdek, bezorilik va nomaqbul kontent tarqalishining oldini olishga qaratilgan.
Izohlar 0
Izoh qoldirish uchun ro'yxatdan o'ting!
Yangiliklar
Ta’lim vazirligida matbuot xizmati rahbariyati yangilandi
Maktablarda dars soatlarini taqsimlash va direktor jamg‘armasidan ustama belgilash tartibi avtomatlashtiriladi
19-noyabrdan “Jadidlar izidan” respublika tanlovining hududiy bosqichi boshlanadi
“Ta’lim tizimida tartib o‘rnataman” — Erkinjon Turdimov
Mavzuga doir yangiliklar
Maqola
Trend ortidan ergashayotgan o‘quvchilar: taqiqmi yoki media savodxonlik?
Trendda bo‘lish bugungi kunda deyarli har bir ijtimoiy tarmoq foydalanuvchisi orasida ommalashgan tushunchaga aylanib ulgurdi. Ijtimoiy tarmoqlarda birgina video yoki chaqiriqning minglab va hatto millionlab kuzatuvchilar e’tiborini tortishi, ayniqsa, yoshlar va maktab o‘quvchilarini ham ushbu jarayonning faol ishtirokchisiga aylantirmoqda.
Tadqiqot
Maktablarda telefonni taqiqlash o‘smirlar ruhiy salomatligini yaxshilashga yordam bermadi — tadqiqot
Islandiyada o‘tkazilgan yirik tadqiqot maktablarda smartfonlardan foydalanishni taqiqlashning o‘smirlar ruhiy salomatligiga ta’sirini baholadi. Tadqiqot natijalarga ko‘ra, bunday cheklovlar ham o‘smirlarda depressiya va xavotir alomatlarini kamaytirolmagan.
Ta'lim siyosati
Qirg‘izistonda pensiyadagi o‘qituvchilarni ishdan bo‘shatish taklif qilindi
Qirg‘izistonda pensiya yoshidagi o‘qituvchilar ishda qolayotgani va yosh mutaxassislar uchun esa ish o‘rinlari yetishmayotgani sababli Mehnat kodeksiga o‘zgartirish kiritish taklif qilindi. Prezident Sadir Japarov tegishli qonun loyihasini ishlab chiqish bo‘yicha topshiriq berdi.
Yangiliklar
O‘zbekistonda ham bolalarga ijtimoiy tarmoqlar taqiqlanishi mumkin
O‘zbekistonda 16 yoshga to‘lmagan bolalarning tarmoqlardan foydalanishini cheklash reja qilinyapti. Bu haqda Maktabgacha va maktab ta’limi vaziri E’zoza Karimova Gazeta.uz nashriga bergan intervyusida ma’lum qilgan.
Izohingizni tahrirlang