Kirish imtihonida qatnashgan abituriyentlarning atigi uchdan bir qismi talabalikka tavsiya etildi

Ma’lumki, 1-iyundan boshlab 2026/2027-o‘quv yili uchun xususiy oliygohlarga qabul jarayonlari boshlangandi. Nodavlat oliy ta’lim tashkilotlariga abituriyentlarni qabul qilish tartibi har bir universitetning qabul komissiyasi tomonidan mustaqil ravishda belgilanadi.  

HUJJAT TOPSHIRISH

Xususiy oliygohlar orasida Profi University abituriyentlarni kirish imtihonlari asosida qabul qiladigan kam sonli universitetlardan biri hisoblanadi. Joriy yilning 13-iyun kuni universitetda o‘tkazilgan kirish imtihonlarida 3139 nafar abituriyent ishtirok etdi.  Imtihon natijalariga ko‘ra, abituriyentlarning 782 nafari yoki 25 foizi talabalikka tavsiya etildi. 

Qolgan 2357 nafar abituriyent esa universitet qabul komissiyasi tomonidan belgilangan o‘tish ballarini to‘play olmadi.  Talabalikka tavsiya etilganlarning 238 nafari stipendiya asosida, 67 nafari turli imtiyozlar asosida, 477 nafari esa to‘lov-kontrakt asosida o‘qishga qabul qilinishi rejalashtirilgan.  

Ayni vaqtda Profi University oliygohiga o‘qishni ko‘chirish istagida bo‘lgan talabalar ham imtihon asosida oliygohga qabul qilinmoqda. Ya’ni, shu toifadagi talabalar ham kirish imtihonlarida ishtirok etmoqda. 

13-iyun kuni bo‘lib o‘tgan kirish imtihonida o‘qishni Profi Universityga ko‘chirish istagida bo‘lgan 84 nafar talabadan atigi 12 nafari universitet qabul komissiyasi tomonidan belgilangan o‘tish ballarini qo‘lga kiritgan.

Eslatib o'tamiz, 2025-yilgi qabul jarayonida Profi University kirish imtihonlarida 42 649 nafar abituriyent qatnashgan bo‘lib, ulardan 7 831 nafari talabalikka tavsiya etilgandi. 

Ma’lumot uchun, Profi University'da navbatdagi kirish imtihoni 11-iyul kuni o‘tkaziladi.

HUJJAT TOPSHIRISH