Maktablarda sport to‘garaklari faoliyati kengaytiriladi: iqtidorli o‘quvchilar “Sport akademiyasi” uchun saralanadi
Umumta’lim maktablarida sport to‘garaklari faoliyati kengaytiriladi, o‘quvchilarning sport bilan shug‘ullanish imkoniyatlari oshiriladi. Maktab sport klublari va to‘garaklar faoliyati elektron platforma orqali yuritiladi. Iqtidorli o‘quvchilarni aniqlash va ularni professional sportga yo‘naltirish bo‘yicha yangi mexanizmlar joriy etiladi.
Prezidentning 2026-yil 16-noyabrdagi PQ–396-son qarori bilan sport sohasini raqamlashtirish va samarali boshqaruv tizimini yo‘lga qo‘yish bo‘yicha qator chora-tadbirlar belgilandi.
Qaror bilan “maktabdan Sport akademiyasigacha” g‘oyasi asosida maktab o‘quvchilarini sportga qiziqtirish, sport klublari va to‘garaklariga jalb qilish hamda iqtidorli yoshlarni sport seleksiyasi bazasini kengaytirish belgilandi.
Bunda umumta’lim maktablarida faoliyat yuritayotgan sport klublari va to‘garaklar ishini rivojlantirish, o‘quvchilarning sport mashg‘ulotlariga qatnashishini ta’minlash hamda ularning natijalarini kuzatib borish ko‘zda tutilgan.
Shuningdek, maktab sport klublari va to‘garaklari faoliyatini elektron shaklda yuritish, sport mashg‘ulotlari davomati, o‘quvchilarning sportdagi natijalari va boshqa ma’lumotlarni yagona tizimga kiritish rejalashtirilmoqda.
Maktab sport klublari faoliyati raqamlashtiriladi
Endilikda “ERP sport” yagona elektron boshqaruv tizimini joriy etish orqali davlat sport-ta’lim muassasalari, sport klublari va boshqa sport tashkilotlari faoliyatiga oid ma’lumotlar jamlanadi.
Jumladan, umumta’lim muassasalaridagi sport klublari va to‘garaklari, ularning murabbiylari, o‘quvchilar ishtiroki hamda sport mashg‘ulotlari davomati haqidagi ma’lumotlarni elektron shaklda yuritish yo‘lga qo‘yiladi.
Bunda “eMaktab.uz” elektron platformasini “ERP sport” tizimiga integratsiya qilinadi. Natijada maktab sport klublari faoliyatini kuzatish, o‘quvchilarning sport mashg‘ulotlaridagi ishtirokini hisobga olish va iqtidorli yoshlarni aniqlash imkoniyatlari kengaytiriladi.
Sport-ta’lim muassasalari faoliyatini raqamlashtirish, sport klublari va to‘garaklar haqidagi ma’lumotlarni yagona tizimga kiritish, elektron nazorat mexanizmlarini joriy etish ishlari 2027-yil davomida amalga oshiriladi.
Sport bilan shug‘ullanish uchun sharoitlar yaxshilanadi
Qarorda umumta’lim maktablarida o‘quvchilarni sportga jalb qilish uchun zarur sharoitlarni yaratish masalasi ham ko‘zda tutilgan.
Xususan, maktab sport klublari va to‘garaklarini zarur sport inventarlari bilan ta’minlash, mavjud sport infratuzilmasidan samarali foydalanish hamda sport mashg‘ulotlarini tashkil etish tizimini takomillashtirish rejalashtirilgan.
Shuningdek, maktablarda sport turlari bilan shug‘ullanish uchun universal qoplamalar yetkazib berish tizimini yo‘lga qo‘yiladi.
“Maktabdan Sport akademiyasi” g‘oyasini amalga oshirish uchun 2027-yildan boshlab har yili 5 milliard so‘m mablag‘ ajratiladi.
Bu mablag‘lar maktablarda sport to‘garaklarini rivojlantirish va o‘quvchilarni sportga keng jalb qilishga yo‘naltiriladi.
Sport-ta’lim muassasalari faoliyati ham o‘zgaradi
Qarorda sport-ta’lim muassasalarini boshqarish va ularning faoliyatini baholash tizimini takomillashtirishga ham e’tibor qaratilgan.
Jumladan, sport-ta’lim muassasalarida mavjud pullik xizmatlar, to‘lovlar va boshqa moliyaviy operatsiyalarni “ERP sport” tizimi orqali hisobga olish belgilanmoqda.
2027-yil 1-fevraldan boshlab sport-ta’lim muassasalarida mavjud pullik xizmatlar ko‘rsatilishi va tushumlarning to‘liq elektron nazoratini yo‘lga qo‘yish rejalashtirilgan.
Shuningdek, sport-ta’lim muassasalari xodimlari, murabbiylar va sportchilar haqidagi ma’lumotlarni yagona elektron tizimda yuritish, ularning faoliyati samaradorligini baholash mexanizmlari joriy etiladi.
Sport maktablari va olimpiya zaxiralari muassasalari qayta tashkil etiladi
Qaror bilan Respublika oliy sport mahorati maktablari negizida Olimpiya terma jamoalari markazini tashkil etish belgilandi.
Ushbu markazning asosiy vazifalari sifatida milliy terma jamoalarni shakllantirish, sportchilarni xalqaro musobaqalarga tayyorlash, ularning tayyorgarligini tashkil etish va zamonaviy moddiy-texnik bazani rivojlantirish etib belgilandi.
Комментарии 0
Для комментирования зарегистрируйтесь!
Новости
Maktablarda sport to‘garaklari faoliyati kengaytiriladi: iqtidorli o‘quvchilar “Sport akademiyasi” uchun saralanadi
Mahkuma ayollarning farzandlari uchun maxsus bog‘chalar tashkil etiladi
“Xususiy bog‘chalarning nomini o‘zbekchalashtirish kerak” — Sherzodxon Qudratxo‘ja
Alohida ta’lim ehtiyojlari bo‘lgan bolalarni o‘qitadigan xususiy maktablarga subsidiya ajratiladi
Тематические новости
Новости
O‘zbekistonda tennisni maktabdan boshlab ommalashtirishga qaratilgan yangi tizim joriy etiladi
O‘zbekiston Respublikasi Prezidentining 2026-yil 21-sentabrdagi “Tennis sport turini ommalashtirish va rivojlantirish chora-tadbirlari to‘g‘risida”gi PQ-347-sonli qarori bilan umumiy o‘rta ta’lim tashkilotlarida tennisni rivojlantirish bo‘yicha qator vazifalar belgilandi.
Новости
Стала известна дата практического экзамена для учителей физической культуры
Утверждены план-график проведения квалификационных испытаний в форме практического экзамена, а также состав региональных рабочих групп и оценочной комиссии.
Новости
Jismoniy tarbiya fani o‘qituvchilari Prezident administratsiyasi va Sport vazirligiga murojaat yo‘lladi
Jismoniy tarbiya fani o‘qituvchilarining bilim darajasi va kasbiy mahoratini baholashda nomuvofiqlik holatlari kuzatilgan.
Новости
Преподавателям физической культуры будет выплачиваться дополнительная надбавка до 20 процентов.
Установлен порядок поощрения учителей физической культуры, показавших положительные результаты в своей деятельности.
Русский
Редактировать комментарий