Bugun 1 soat vaqtliroq ishdan ketish mumkinmi?

Mehnat kodeksining 187-moddasi bilan bayram kunlari arafasida har kunlik ishning (smenaning) davomiyligi barcha xodimlar uchun kamida 1 soatga qisqartirilishi belgilangan.

Ammo ertaga, 29-dekabr bayram kuni emas, shunchaki yakshanba — barcha uchun odatiy dam olish kunidir.

Mehnat kodeksining 187-moddasida esa bayram kunlari arafasi nazarda tutilgan.

Mehnat kodeksining 208-moddasiga ko‘ra quyidagi kunlar ishlanmaydigan bayram kunlaridir:

• 1-yanvar — Yangi yil;

• 8-mart — Xotin-qizlar kuni;

• 21-mart — Navro‘z bayrami;

• 9-may — Xotira va qadrlash kuni;

• 1-sentabr — Mustaqillik kuni;

• 1-oktabr — O‘qituvchi va murabbiylar kuni;

• 8-dekabr — O‘zbekiston Respublikasi Konstitutsiyasi kuni;

• Ro‘za hayit (Iyd al-Fitr) diniy bayramining birinchi kuni;

• Qurbon hayit (Iyd al-Adha) diniy bayramining birinchi kuni.

Shu sababli, 28-dekabr, shanba — 6 kun ishlovchilar uchun odatiy ish kuni hisoblanib, ish vaqti 1 soatga qisqartirilmaydi.