Niderlandiya hukumati 15 yoshgacha bo‘lgan bolalarga ijtimoiy tarmoqlardan foydalanmaslikni tavsiya qildi

Niderlandiya rasmiylari bolalarni raqamli dunyo ta’siridan himoya qilish maqsadida, 15 yoshgacha bo‘lgan bolalar va o‘smirlarga TikTok, Instagram kabi ijtimoiy tarmoqlardan foydalanishni cheklashni tavsiya qilmoqda.

Sog‘liqni saqlash vazirligi, shuningdek, ota-onalarni farzandlarining elektron qurilmalardan foydalanish vaqtini cheklashga chaqirdi.

• Bolalarga mobil qurilmalarda o‘tkazadigan vaqtni keskin cheklash;

• Bolalar yotoqxonalarida ekranli qurilmalarni taqiqlash;

• 13 yoshdan kichik bolalarga ijtimoiy tarmoqlarga umuman ruxsat berilmasligi ta’kidlanmoqda.

Niderlandiya Sog‘liqni saqlash vazirligi va parlament ekspertlari ta’kidlashicha, ijtimoiy tarmoqlarda uzoq vaqt o‘tkazish:

• uyqu buzilishi;

• depressiya;

• xavotir, hatto panik hujumlar kabi salbiy oqibatlarga olib kelmoqda.

Ayni paytda Niderlandiya maktablarida telefondan foydalanish taqiqlangan. Biroq yangi tavsiyalar hozircha qonunan kuchga ega emas.

Yevropa Ittifoqining boshqa mamlakatlarida ham o‘xshash tashabbuslar muhokama qilinmoqda. Avstraliya esa hozircha yagona mamlakat bo‘lib, u yerda 2024-yil noyabridan boshlab o‘smirlarga ijtimoiy tarmoqlardan foydalanish qonuniy ravishda taqiqlanadi.