O'zbek
O‘zbekistonlik o‘quvchilar Xalqaro Kimyo Olimpiadasida tarixidagi eng yaxshi natijani qayd etdi
O‘zbekiston terma jamoasi a’zolari Dubayda bo‘lib o‘tgan 57-Xalqaro Kimyo Olimpiadasida (IChO 2025) jamoa hisobidagi ko‘rsatkichi bilan O‘zbekiston tarixidagi eng yaxshi natijani qayd etdi.
Umumiy hisobda terma jamoa a’zolari tomonidan 2 ta oltin, 2 ta kumush, jami — 4 ta medal qo‘lga kiritildi.
G‘olib o‘quvchilar bilan tanishing
Daler Rahimov - Abu Ali ibn Sino nomidagi ixtisoslashtirilgan maktab o‘quvchisi - oltin medal;
Mirjahon Muxammadov - Abu Ali ibn Sino nomidagi ixtisoslashtirilgan maktab o‘quvchisi - oltin medal;
Ibroxim Temurov - Toshkent viloyati, Olmaliq shahri, Buxoro maktabi o‘quvchisi - kumush medal;
Biloliddin Zuxriddinov - Abu Ali ibn Sino nomidagi ixtisoslashtirilgan maktab o‘quvchisi - kumush medal.
14-iyul kuni g‘oliblikni qo‘lga kiritgan o‘quvchilar Ixtisoslashtirilgan ta’lim muassasalari agentligi direktori Sevara Shakirova boshchiligida Islom Karimov nomidagi Toshkent xalqaro aeroportida tantanali kutib olindi.
Fan olimpiadalari markazi tomonidan 57-Xalqaro Kimyo Olimpiadasi (IChO 2025) doirasida navbatdagi — 58-Xalqaro Kimyo Olimpiadasi (IChO 2026)ga O‘zbekiston mezbonlik qilish bo‘yicha rasmiy taqdimot ham o‘tkazildi.
Taqdimotda 90 dan ortiq davlat vakillari ishtirok etdi. Ularga esa Olimpiadaning asosiy g‘oyasi, Toshkent shahri infratuzilmasi va O‘zbekistonning ta’lim tizimidagi yutuqlari haqida batafsil ma’lumot berildi.
Ma’lumot uchun: 58-Xalqaro Kimyo Olimpiadasi 2026-yil iyul oyida Toshkent shahrida o‘tkazilishi rejalashtirilmoqda.
Izohlar 2
Izoh qoldirish uchun ro'yxatdan o'ting!
Yangiliklar
Boshlang‘ich sinf o‘qituvchilari milliy sertifikat imtihonida nega 90 ta test topshiradi?
Buxoroda maktab bitiruvchilarining 50 foizini texnikumlarga jalb qilish rejalashtirilmoqda
Prezident qarori bilan tashkil etilgan Psixologiya ilmiy-tadqiqot institutiga rahbar tayinlandi
Farg‘onada attestatsiya test savollarini rasmga olib tarqatgan o‘qituvchi aniqlandi
Mavzuga doir yangiliklar
Yangiliklar
Prezident robototexnika bo‘yicha jahon chempioni bo‘lgan yoshlarni mukofotladi
Janubiy Koreyaning Incheon shahrida 190 ga yaqin davlat vakillari ishtirokida bo‘lib o‘tgan FIRST Global Challenge 2026 xalqaro robototexnika musobaqasida O‘zbekiston terma jamoasi tarixiy natijani qayd etgandi.
Yangiliklar
O‘zbekistonlik o‘quvchilar 2 yillik tanaffusdan so‘ng Xalqaro biologiya olimpiadasida 3 ta medalni qo‘lga kiritdi
O‘zbekiston 2024-yilda Xalqaro biologiya olimpiadasidan akademik halollik tamoyillari buzilgani sababli chetlashtirilgandi, 2026-yildan esa mazkur olimpiadada ishtirok etish huquqini qayta qo‘lga kiritgandi.
Yangiliklar
O‘zbekistonlik o‘quvchilar 56-Xalqaro fizika olimpiadasida 4 ta medalni qo‘lga kiritdi
Kolumbiyada bo‘lib o‘tgan nufuzli 56-Xalqaro fizika olimpiadasida (IPhO 2026) qatnashgan yosh fiziklar tarixda birinchi martda 2 ta kumush va 2 ta bronza medalini qo‘lga kiritishdi.
Yangiliklar
Xalqaro biologiya olimpiadasidan chetlatilgan Oʻzbekiston endi ikkita nufuzli olimpiadaga mezbonlik qiladi
2026-yilda Oʻzbekiston bir vaqtning oʻzida eng nufuzli fan olimpiadalaridan sanaluvchi Xalqaro kimyo olimpiadasi va Xalqaro informatika olimpiadasiga mezbonlik qiladi.
Izohingizni tahrirlang