O'zbek
Maktab maslahatchisi lavozimiga qachon yangi vakansiyalar ochiladi?
Savol
Qashqadaryo viloyatidan yozyapman. Men maktab maslahatchisi lavozimiga ishga o‘tmoqchi edim. Lekin ariza topshirishga ulgurmay qolgandim. Endi nima qilsam bo‘ladi, yangi vakansiyalar qachon ochiladi?
Javob
Xabaringiz bor, O‘zbekiston Respublikasi Prezidentining “Maktabdan tashqari ta’lim tizimini yangi bosqichga olib chiqish chora-tadbirlari to‘g‘risida”gi qarori bilan 2025-yil 1-oktyabrdan boshlab umumiy o‘rta ta’lim maktablarida 1 shtat birligida maktab maslahatchisi lavozimi joriy qilinishi belgilangan.
Mazkur qaror ijrosini ta’minlash maqsadida 2025-yil 30-sentyabr kuni Maktabgacha va maktab ta’limi vazirligining 368-sonli buyrug‘i ham imzolanib, unda 2025-yil 1-oktyabrdan boshlab maktab maslahatchisi lavozimi joriy etiladigan maktablar ro‘yxati, maktab maslahatchisi lavozimiga mutaxassislarni ishga qabul qilish bo‘yicha Ishchi guruh tarkibi hamda maslahatchilarning malaka tavsifi tasdiqlangan.
Ammo vazirlik ma’lum bir sabablarga ko‘ra 2025-yil 1-oktyabrdan boshlab maktab maslahatchisi lavozimini joriy qilishga ulgurmadi. Shu sababli, 3400 ta maktabda maktab maslahatchisi lavozimini joriy etish muddati yanvar oyigacha kechiktirildi.
16-17-yanvar kunlari esa 3 400 ta maktab maslahatchisi lavozimi uchun tanlovning dastlabki bosqichi — test sinovlari o‘tkazildi. Unda arizalari muvaffaqiyatli qabul qilingan 10 ming nafardan ortiq talabgor ishtirok etdi.
Shu sababli, hozirda mazkur 3 400 ta maktab maslahatchisi lavozimi uchun arizalar qabuli to‘xtatilgan.
Xalqtaliminfo.uz’dagi ma’lumotlarga ko‘ra, 2025-yil 1-yanvardan boshlab mahalla fuqarolar yig‘inidagi ayrim shtat birliklarini maqbullashtirish hisobiga, Davlat budjetidan moliyalashtiriladigan shtatlar (mahallalar boshqaruv tizimi) o‘quvchilar tashabbuslarini qo‘llab-quvvatlash bo‘yicha maktab maslahatchisi lavozimini joriy qilish uchun berilishi reja qilingan.
Ma’lumotlarga ko‘ra, fevral oyida maktab maslahatchisi shtat birligi ajratilmagan maktablar uchun ham vakansiyalar ajratilishi kutilmoqda. Shtat birliklar ajratilganda, bu haqda vazirlikning yoki xalqtaliminfo.uz’ning rasmiy sahifalarida ham e’lon qilinadi.
Bunda maktab maslahatchisi lavozimiga ariza topshirolmaganlar hamda ushbu lavozimda ishlashni istagan boshqa talabgorlar tanlov.uzedu.uz platformasi orqali ariza qoldirishlari mumkin bo‘ladi.
Mavzuga oid eng so‘nggi yangiliklarni xalqtaliminfo.uz’da kuzatib boring.
Izohlar 3
Izoh qoldirish uchun ro'yxatdan o'ting!
Yangiliklar
Farg‘ona va Xorazm viloyati MMTB boshliqlari ma’muriy javobgarlikka tortildi
Vazirlik xorijiy til o‘qituvchilari uchun B2 sertifikati talabini malaka talablariga kiritdi
Bugundan maktab maslahatchisi lavozimi uchun test sinovlari boshlandi
“B2 sertifikati yo‘q o‘qituvchilarni ishdan bo‘shatib bo‘lmaydi” — Davlat mehnat inspeksiyasi
Mavzuga doir yangiliklar
Yangiliklar
Bugundan maktab maslahatchisi lavozimi uchun test sinovlari boshlandi
Joriy yilning 16-17-yanvar kunlari “Kelajak” markazlarining umumiy o‘rta ta’lim maktablaridagi maktab maslahatchisi lavozimi uchun test sinovlari bo‘lib o‘tadi.
Yangiliklar
Maslahatchi lavozimi kichik maktablarda 0.5 stavka miqdorda tashkil qilinadi
Maktabgacha va maktab ta’limi vazirining 2025-yil 18-noyabrdagi 431-sonli buyrug‘i bilan Xalq ta’limi vazirligining 2019-yil 28-dekabrdagi 406-sonli buyrug‘i qayta tahrirlandi.
So'ragan edingiz
Barcha direktor o‘rinbosarlarini ishdan bo‘shatishyapti, shu to‘g‘rimi?
Ta’lim muassasalaridagi barcha direktor o‘rinbosarlarini ishdan bo‘shatish qonunchilikka zid.
Yangiliklar
Direktor o‘rinbosari shtatini qisqartirish hisobiga maktab maslahatchisi lavozimi joriy etiladi
Avvalroq har bir maktabda maslahatchi lavozimi joriy qilinishi haqida xabar bergandik. Ushbu lavozimni joriy etish haqidagi prezident farmoni imzolandi.
Izohingizni tahrirlang