Ikki yil avval malaka oshirgan o‘qituvchiga yangi o‘quv yiliga ustama uchun ball beriladimi?
Savol
Malaka oshirishga har 5 yilda bir marotaba boriladigan bo‘ldi. O‘tgan yili o‘qituvchilarga ustama belgilashda malaka oshirishning 2024-yildagi sertifikatini hisobga olib, ball berishgandi. Joriy o‘quv yilida ham shunday bo‘ladimi yoki yangi sertifikat so‘raladimi? Javob uchun oldindan rahmat.
Javob
Vazirlar Mahkamasining 2019-yil 30-sentabrdagi 823-son qarori bilan tasdiqlangan nizomning 6-bob, 21-bandiga ko‘ra pedagog xodimlarining bazaviy tarif stavkalariga direktor jamg‘armasi hisobidan har oylik ustamalar yangi o‘quv yili uchun o‘tgan o‘quv yili yakunlari bo‘yicha belgilanadi.
Bunda pedagog xodim belgilangan reja asosida malaka oshirish kurslaridan o‘tganligi uchun quyidagicha ball beriladi:
- o‘z vaqtida malaka oshirish kurslarida qatnashmagan bo‘lsa yoki qatnashgan bo‘lsada, kurslar yakuniga ko‘ra yakuniy attestatsiyadan o‘ta olmagan va tegishli sertifikatga ega bo‘lmasa – 0 ball;
- o‘z vaqtida malaka oshirish kurslaridan o‘tib, tegishli sertifikatga ega bo‘lsa – 10 ball.
Ko‘rib turganimizdek, pedagog xodimga yangi o‘quv yili uchun ustama tayinlashda, uning o‘z vaqtida malaka oshirishdan o‘tib, tegishli sertifikatga ega bo‘lganligi asos hisoblanadi.
Ma’lumki, Vazirlar Mahkamasining “Maktabgacha va maktab ta’limi xodimlarining uzluksiz kasbiy rivojlantirish tizimini takomillashtirish to‘g‘risida” 2024-yil 20-dekabrdagi 867-son qaroriga muvofiq yangi tartib joriy etilgan bo‘lib, bunga ko‘ra, 2025-yil 1-yanvardan boshlab maktabgacha va maktab ta’limi tashkilotlarining xodimlari besh yilda bir marotaba (eski tartibga ko‘ra bir yilda bir marotaba) majburiy malaka oshirish kurslariga jalb etilishi hamda har yili tashkilot xodimlarining o‘rtacha 20 foizi malaka oshirish lozimligi belgilab berilgan.
Bunda 2024-yilda malaka oshirgan pedagog xodim keyingi besh yil ichida ish beruvchi tomonidan majburiy tarzda malaka oshirishga yuborilishi lozim. Ana shu muddatga qadar esa uning 2024-yilda malaka oshirgani haqidagi sertifikati o‘z kuchida bo‘ladi.
Izoh: Belgilangan vaqtda o‘quv kursiga bormagan, shuningdek, uzrli sabablarsiz qatnashmagan hamda belgilangan namunadagi sertifikatni olmagan holatlar bundan mustasno.
Vazirlar Mahkamasining 2019-yil 30-sentabrdagi 823-son qarori bilan tasdiqlangan nizomga 1-ilova “Pedagog, psixolog va kutubxona xodimlarining faoliyatini baholash mezonlari” jadvalining 7-pozitsiyasiga alohida izoh berilgan bo‘lib, bunda agar pedagog xodimga bog‘liq bo‘lmagan holda tegishli malaka oshirish kurslari tashkil etilmagan taqdirda, mazkur ko‘rsatkich bo‘yicha maksimal ball berilishi qat’iy belgilangan.
Shu sababli, 2024-yilda malaka oshirish kursidan o‘tib, tegishli sertifikatga ega bo‘lgan pedagoglarning keyingi majburiy malaka oshirish navbati kelgunga qadar sertifikati o‘z kuchida bo‘lishini inobatga olinib, 2026-2027-o‘quv yili uchun ham pedagoglarga maksimal ball berilishi lozim.
Eslatib o‘tamiz, Maktabgacha va maktab ta’limi vazirligining 2025-yil 11-iyuldagi 03-32-1540-sonli ko‘rsatma xatida 2024-yilda malaka oshirish kursidan o‘tib, tegishli sertifikatga ega bo‘lgan pedagoglarning keyingi majburiy malaka oshirish navbati kelgunga qadar sertifikati o‘z kuchida bo‘lishi lozimligi ko‘rsatib o‘tilgan.
Izohlar 3
Izoh qoldirish uchun ro'yxatdan o'ting!
Yangiliklar
Maktab darsliklari yangi alifboga o‘tkaziladi: o‘quvchilar imlosini baholashda yengillik berilishi mumkin
Fan olimpiadasi g‘oliblariga 17 mlrd so‘mdan ortiq mukofot puli topshirildi
Milliy sertifikat: natijalar bugun chiqadi, yangi imtihonga ro‘yxatga olish ertadan boshlanadi
Dars soatlari elektron platforma orqali taqsimlanadi. Pedagoglar bundan nima kutmoqda?
Mavzuga doir yangiliklar
Yangiliklar
Pedagoglar 2027-yildan majburiy malaka oshirishdan ozod qilinadimi?
2026-yil 30-sentyabr kuni Prezident Shavkat Mirziyoyev o‘qituvchi va murabbiylar bilan uchrashuvda pedagoglarning malakasini oshirish tizimini yangilash bo‘yicha muhim tashabbusni ilgari surgandi.
Yangiliklar
Musiqa fani o‘qituvchilariga 20 foizgacha oylik ustama to‘lanadi
Umumiy o‘rta ta’lim maktablarida faoliyat yuritayotgan musiqa fani o‘qituvchilari uchun yangi rag‘batlantirish tartibi joriy etildi. Endilikda ularga o‘quvchilarining cholg‘u asboblarini ijro etish darajasidan kelib chiqib, har oyda 5 foizdan 20 foizgacha ustama to‘lanadi.
Yangiliklar
Maktablarda dars soatlarini taqsimlash va direktor jamg‘armasidan ustama belgilash tartibi avtomatlashtiriladi
Abdulla Avloniy nomidagi Pedagogik mahorat milliy institutida umumta’lim maktablarida dars soatlarini taqsimlash hamda direktor jamg‘armasi faoliyatiga oid me’yoriy hujjatlarni takomillashtirish masalalari muhokama qilindi.
So'ragan edingiz
Ikkita fandan dars beradigan o‘qituvchiga ustama qanday to‘lanadi?
Baholash natijalariga ko‘ra, pedagog 100 ballgacha to‘plashi va to‘plagan ballidan kelib chiqib, unga bazaviy tarif stavkasiga nisbatan 40 foizgacha ustama belgilanishi mumkin.
O'zbek
Izohingizni tahrirlang