Maktab o‘quvchilari uchun kuzgi ta’til 4-noyabrdan boshlanadi

Vazirlar Mahkamasining 2017-yil 15-martdagi 140-son qarori bilan tasdiqlangan “Umumiy o‘rta ta’lim to‘g‘risida”gi nizom bilan umumiy o‘rta ta’lim muassasalari uchun o‘quv yili davomidagi ta’tillarning muddatlari belgilangan.

Unga ko‘ra umumiy o‘rta ta’lim muassasalarida kuzgi ta’til — 4-noyabrdan boshlanib, 6 kalendar kun, ya’ni 9-noyabrga qadar davom etadi. Dars jarayonlari 10-noyabrdan boshlanadi.

Hozircha Ta’lim va ilm-fan vazirligi tomonidan ta’lim muassasalarida kuzgi ta’tilning boshlanish sanasi bo‘yicha rasmiy ma’lumot berilmadi. Biroq, kuzgi ta’tilni 4-noyabrdan boshlashga to‘sqinlik qiladigan holatlar mavjud emas.