Shved maktablari planshetlardan kitoblarga qayta boshlagan

O‘quvchilarning asosiy ko‘nikmalari pasayib borayotganidan xavotirlar kuchaygach, 2023-yil sentyabr oyidan boshlab Shvetsiya an’anaviy o‘qitish usullariga qaytishni boshlagan.

Ta’limga yuqori raqamli yondashuvi bilan mashhur bo‘lgan mamlakat maktabgacha ta’lim muassasalarida raqamli qurilmalarni ixtiyoriy deb hisoblab, olti yoshgacha bo‘lgan bolalar uchun raqamli o‘rganishni bekor qilgan.

To‘rtinchi sinf o‘quvchilari o‘rtasida o‘qish darajasining pasayishini bartaraf etish uchun Shvetsiya 2023-yilda maktablar uchun kitob sotib olishga 685 million kron, 2024 va 2025-yillarda esa har yili yana 500 million kron sarmoya kiritadi.

Ma’lumot uchun, O‘zbekistonda 2024-yil 1-yanvardan Xorazm viloyatining Qo‘shko‘pir va Xonqa tumanlarida eksperiment tariqasida, barcha boshlang‘ich sinf o‘quvchilari ta’lim planshetlari bilan ta’minlanib, kelgusida mazkur tajriba respublikaning barcha hududlarida bosqichma-bosqich joriy etilishi belgilangan.

2024-yilda Davlat byudjetidan Xorazm viloyati boshlang‘ich sinf o‘quvchilarini planshetlar bilan ta’minlash uchun 63 mlrd 636 mln so‘m mablag‘ ajratildi.