Pedagog xodimga moddiy yordam kalendar yil bo‘yicha berilishi kerakmi?

12:30 / 03.03.2024 10.11k

Savol

Bir o‘qituvchimizning turumush o‘rtog‘i 26.11.2023 yil vafot etgan, lekin 28.02.2024 yilda moddiy yordam so‘rab ariza berayapti shu xodimga moddiy yordam berish qanchalik to‘g‘ri javobingiz uchun oldindan rahmat. Chunki, moddiy yordam kalendar yil bo‘yicha berilishi kerak deyilmoqda.

Javob

Vazirlar Mahkamasining 2019-yil 30-sentyabrdagi 823-son qarori bilan tasdiqlangan Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida nizomning 33-bandida “umumta’lim muassasalari xodimlariga moddiy yordam kalendar yil davomida ikki lavozim maoshi (o‘qituvchining tarif stavkasi) miqdorigacha xodimning o‘zi va yaqin qarindoshi (otasi, onasi, turmush o‘rtog‘i, farzandi) vafot etganda, og‘ir kasallikka chalinganda, xodim tabiiy ofatdan zarar ko‘rganda ko‘rsatiladi.” deb belgilangan.

Bunda, bir kalendar yil davomida moddiy yordamning cheklangan miqdori belgilab berilgan xolos, moddiy yordam olish yangi kalendar yiliga o‘tganda uni bermaslik kerak degan xulosa kelib chiqmasligi kerak.

Ushbu normaga quyidagi ikki variantda o‘z fikrimni bildirishim mumkin:

birinchisi: moddiy yordam faqat kalendar yil davomida beriladi, yangi yilga o‘tib ketsa berilmaydi deb tushunadigan bo‘lsak, masalan 30.12.2023 yilda yaqin qarindoshining vafoti munosabati bilan 05.01.2024 yilda moddiy yordam olish huquqi bo‘lmaydi degan gap kelib chiqadi, bu mantiqan noto‘g‘ri;

ikkinchisi: bir xodim bir kalendar yil davomida muayyan sabablar tufayli moddiy yordam olishga ehtiyoji bo‘lsa, unga faqat ikki lavozim maoshidan oshmaydigan miqdorda moddiy yordam berilishi kerak va bu to‘g‘ri bo‘ladi.

Xulosa qiladigan bo‘lsak, 26.11.2023 yilda turmush o‘rtog‘ining vafoti tufayli 2024-yil yanvaridami, fevralidami moddiy yordam so‘rayotgan bo‘lsa, unga kalendar yil yangi boshlandi degan vaj bilan rad etilishi xodimning bu huquqini ta’minlashga to‘siq bo‘lishi mumkin.

Savolga huquqshunos, “Xalq ta’limi Info” loyihasi eksperti Shavkat Xamraqulov tomonidan javob berildi.

Izohlar 0

Ko'proq ko'rish

Izoh qoldirish uchun ro'yxatdan o'ting!

Maqola muallifi

Xalq ta'limi Info

Tahririyat

Teglar

Moddiy yordam

Ulashish

Ijtimoiy tarmoqlar

Telegram You Tube Facebook Twitter

Yangiliklar

Barchasi

17:16 / 15.10.2026

Kuzgi attestatsiya o‘tkaziladigan sana va manzillar aniq bo‘ldi

18:10 / 14.10.2026

Prezident bolalarga nisbatan jinsiy jinoyatlar uchun umrbod ozodlikdan mahrum qilish jazosini joriy etish haqidagi qonunni imzoladi

12:40 / 14.10.2026

Ta’lim uchun davlat xarajatlari besh yilda ikki barobardan ziyod oshgan

15:29 / 13.10.2026

Prezident robototexnika bo‘yicha jahon chempioni bo‘lgan yoshlarni mukofotladi

Mavzuga doir yangiliklar

Yangiliklar

Pedagog xodimlarga moddiy yordam belgilashda shifokor xulosasi olinadi va hisobchi bilan kelishiladi — MMTV

Joylarda “ogʻir kasallik” tushunchasiga turlicha yondashilib, ogʻir kasallikka chalingan deb e’tirof etishda muammoli vaziyatlar yuzaga kelgan. Shu sababli, Maktabgacha va maktab ta’limi vazirligi ogʻir kasallik turlariga aniqlik kiritish maqsadida ogʻir kasalliklar roʻyxatini tasdiqlash va taqdim etilishida amaliy yordam so‘rab Sog‘liqni saqlash vazirligiga murojaat qilgan.

10:42 / 03.07.2026

So'ragan edingiz

O‘qituvchiga moddiy yordam yiliga necha marta berilishi mumkin?

Bir yil davomida o‘qituvchilarga necha marta moddiy yordam puli bersa bo‘ladi? Masalan, o‘qituvchining o‘zi ham , uning yaqin qarindoshi ham og‘ir kasallikka chalinsa, bir necha marta moddiy yordam puli berish mumkinmi?

00:50 / 16.03.2025

Yangiliklar

Moddiy yordam puli cheklandimi yoki yo‘q? – Vazirlik mulozimi izoh berdi

“O‘qituvchilarga beriladigan moddiy yordam puliga cheklov o‘rnatildi” sarlavhasi ostidagi maqola e’lon qilingan maqola ortidan vazirlik mulozimi holat noto‘g‘ri talqin qilinganligi yuzasidan e’tiroz bildirdi.

07:00 / 07.03.2025