O'zbek
O‘quvchisiga qo‘l ko‘targan o‘qituvchi ishdan bo‘shatildi
16:00 / 09.04.2024
6.00k
Jizzax viloyati Zomin tumanidagi maktablarning birida ishlovchi pedagog xodim o‘quvchiga qo‘l ko‘targani uchun lavozimidan ozod qilinib, unga nisbatan 6 mln 800 ming so‘m jarima qo‘llanildi. Bu haqda Bolalar ombudsmani xabar berdi.
Ma’lum bo‘lishicha, Bolalar ombudsmaniga kaltak yegan o‘quvchining onasidan murojaat kelib tushgan. Murojaatda ona 2023-yilning 26-dekabr kuni farzandi (7-sinf o‘quvchisi, o‘g‘il bola) tahsil oladigan maktab o‘qituvchisi S.M. bolaning yuz qismiga bir necha bor tarsaki urib, uni turli nomaqbul so‘zlar bilan haqorat qilganini bildirgan.
Shundan so‘ng Bolalar ombudsmani so‘rovi asosida Maktabgacha va maktab ta’lim vazirligi mazkur holatni atroflicha o‘rgangan. Jizzax viloyati Zomin tumani MMT bo‘limining tegishli mutaxassislari tomonidan holat o‘rganilib, mazkur umumiy o‘rta ta’lim maktab direktorining buyrug‘iga asosan o‘qituvchi bilan tuzilgan mehnat shartnomasi bekor qilingan.
Shuningdek, joriy yilning 23-yanvardagi jinoyat ishlari bo‘yicha Zomin tuman sudida o‘qituvchining harakatlariga huquqiy baho berilib, unga nisbatan MJTKning 41-moddasi (haqorat qilish) va 52-moddasini (yengil tan jarohati yetkazish) sodir etgan deb topilib, unga nisbatan bazaviy hisoblash miqdorining 20 baravari miqdorida ya’ni, 6 mln 800 ming so‘m jarima jazosi belgilandi.
“Ta’lim muassasalarida bolalarga nisbatan nomaqbul muomala va zo‘ravonlik holatlari javobsiz qolishi mumkin emas”, deyiladi Bolalar ombudsmani xabarida.
Izohlar 4
Izoh qoldirish uchun ro'yxatdan o'ting!
Yangiliklar
13:52 / 12.12.2025
Endi maktablarda “Kelajak” markazlarining tarmoq to‘garaklari tashkil qilinadi
17:30 / 10.12.2025
Maktablarning haqiqiy ahvoli ochiqlandi
12:53 / 08.12.2025
2026-yilda ham darsliklar ijarasi bepul bo‘ladi, 106,4 mln dona nusxa darslik va mashq daftarlari chop etiladi
11:21 / 05.12.2025
Ta’lim muassasalari yong‘in xavfsizligi uchun budjetdan qachon pul ajratiladi?
Mavzuga doir yangiliklar
So'ragan edingiz
Olimpiadadagi past natija uchun o‘qituvchini jazolash to‘g‘rimi?
Fan olimpiadasida o‘quvchining yetarli ball to‘play olmaganligi uchun pedagog xodimga intizomiy jazo qo‘llab bo‘lmaydi.
13:11 / 16.11.2025
Janubiy Koreya
Maktab davrida zo‘ravonlik qilgan abituriyentlar oliygohga qabul qilinmadi
Janubiy Koreyadagi olti yirik milliy universitet maktab davrida zo‘ravonlik qilgan 45 nafar abituriyentni ularning akademik ko‘rsatkichlari yuqori bo‘lishiga qaramay o‘qishga qabul qilishdan bosh tortdi.
23:35 / 10.11.2025
Yangiliklar
O‘quvchisini kaltaklagan o‘qituvchi ishdan olindi
O‘rta Chirchiq tumani 11-sonli maktabning jismoniy tarbiya o‘qituvchisi, o‘zi sinf rahbarlik qilayotgan 9-sinf o‘quvchilarini kitob bilan kaltaklagan.
18:14 / 31.10.2025
Yangiliklar
Endi o‘ta og‘ir bo‘lmagan jinoyat sodir etgan voyaga yetmaganlar sudlanmagan hisoblanadi
Voyaga yetmaganlarga nisbatan jinoiy javobgarlikni yanada liberallashtirish, o‘n sakkiz yoshga to‘lguniga qadar sodir etgan jinoyati uchun jazoni o‘tab bo‘lgan shaxsni sudlanmagan deb hisoblashning alohida tartibi belgilandi.
21:58 / 31.10.2025
Izohingizni tahrirlang