O'zbek
Kasbiy sertifikat nima? Kimlar bunga jalb qilinadi?
12:30 / 03.05.2024
64.27k
Bundan buyon o‘qituvchilikka qabul qilish ham tanlov asosida amalga oshiriladi. Endilikda ilk bor ishga qabul qilingan nomzodlar bir yil o‘qituvchi-stajyor bo‘lib ishlaydi va yil yakuni bilan kasbiy sertifikat olishi lozim bo‘ladi.
2024/2025-oʻquv yilidan boshlab esa bosqichma-bosqich umumiy oʻrta taʼlim tashkilotlarining tegishli toifaga ega boʻlmagan pedagog kadrlariga ham kasbiy sertifikat olish talabi qo‘yiladi. Bu haqda Vazirlar Mahkamasining 2024-yil 2-fevraldagi 87-son qarori hamda Maktabgacha va maktab ta’limi vazirligining 2024-yil 22-fevraldagi 51-sonli buyrug‘i imzolangan.
Kasbiy sertifikat nima?
Kasbiy sertifikat — nazorat sinovidan muvaffaqiyatli o‘tgan jismoniy shaxsga pedagogik faoliyat bilan shug‘ullanish huquqini beradigan, cheklanmagan muddatga beriladigan QR-kod qo‘yilgan davlat namunasidagi hujjat hisoblanadi.
Qaysi toifadagi pedagoglar kasbiy sertifikatlashga jalb etiladi?
Davlat umumiy o‘rta ta’lim tashkilotida pedagogik kasbga birinchi marta ishga qabul qilingan oliy ma’lumotli jismoniy shaxslar hamda umumiy oʻrta taʼlim tashkilotlarining tegishli toifaga ega boʻlmagan pedagog kadrlari kasbiy sertifikatlash sinovlariga jalb etiladi.
Kasbiy sertifikatlash sinovlari qay tartibda o‘tkaziladi?
Kasbiy sertifikat olish uchun nazorat sinovi qoida tariqasida, har yili mart — may oylarida o‘tkaziladi. Kasbiy sertifikatlash nazorat sinovi test shaklida, kompyuterda (onlayn platforma) orqali o‘tkaziladi.
Nazorat sinovi 50 ta topshiriqdan iborat bo‘ladi, har bir to‘g‘ri bajarilgan topshiriq 2 ball bilan baholanib, nazorat sinovi uchun jami 100 ball beriladi. Nazorat sinovi natijasi bo‘yicha 56 va undan yuqori ball to‘plagan talabgor nazorat sinovidan o‘tgan hisoblanadi. 56 balldan kam ball yiqqan talabgor nazorat sinovidan o‘tmagan hisoblanadi.
Talabgor kasbiy sertifikat ololmasa nima bo‘ladi?
Birinchi marotaba nazorat sinovida ishtirok etib, undan o‘ta olmagan talabgor uchun navbatdan tashqari nazorat sinovi har yili yangi o‘quv yili boshlangunga qadar tashkil etiladi.
Navbatdan tashqari nazorat sinovida ishtirok etib, yetarli ball to‘play olmagan talabgor bilan tuzilgan mehnat shartnomasi mehnat qonunchiligida belgilangan tartibda bekor qilinadi.
Ish beruvchi esa mehnat shartnomasi bekor qilingan talabgor tugatgan oliy ta’lim tashkilotiga talabgorning kasbiy sertifikatlashdan o‘ta olmaganligi to‘g‘risida reklamatsiya (e’tiroznoma) yuboradi.
Kimlar kasbiy sertifikatlashga jalb etilmaydi?
Magistr darajasiga ega mutaxassislar, fan nomzodi, falsafa doktori Doctor of Philosophy (PhD) yoki fan doktori Doctor of Science (DSc) darajasiga hamda Oliy attestatsiya komissiyasi tomonidan berilgan katta ilmiy xodim, dotsent va professor ilmiy unvoniga ega bo‘lgan pedagog kadrlar kasbiy sertifikatlashga jalb etilmaydi.
Kimlar kasbiy sertifikatlashdan ma’lum muddatga ozod qilib turiladi?
- homilador ayollar, homiladorlik yoki tug‘ish ta’tilida bo‘lgan ayollar, ular ta’tilda bo‘lgan davrda hamda ishga chiqqanidan keyin bir yil davomida;
- pedagogik faoliyat bilan shug‘ullanayotgan uch yoshgacha bolalari bor ayollar (farzandi uch yoshga to‘lgunga qadar);
- uzoq (uch oydan ortiq vaqt mobaynida) davolanayotgan pedagog kadrlar, ular davolanayotgan davrda hamda ishga chiqqanidan keyin olti oy davomida;
- uch oy va undan uzoq muddatga respublika hamda chet el davlatiga o‘qishga, qayta tayyorlash va malaka oshirish kursiga yuborilgan pedagog kadrlar, ular ishga chiqqanidan so‘ng olti oy davomida kasbiy sertifikatlashdan ma’lum muddatga ozod qilib turiladi.
Kasbiy sertifikatlashdan o‘tish uchun qayerga murojaat qilinadi?
Talabgor nazorat sinovida qatnashish uchun davlat xizmatlari markazlariga shaxsan borib yoki YIDXP orqali tegishli so‘rovnomani to‘ldirgan holda ro‘yxatdan o‘tadi.
Nazorat sinovida ishtirok etish uchun ro‘yxatga olish davriyligi kamida bir oy davom etadi. Nazorat sinovida ishtirok etish uchun ro‘yxatga olish sanasi vazirlikning rasmiy veb-sayti orqali e’lon qilinadi.
Nazorat sinovida ishtirok etish uchun ro‘yxatga olish davriyligi kamida bir oy davom etadi. Nazorat sinovida ishtirok etish uchun ro‘yxatga olish sanasi vazirlikning rasmiy veb-sayti orqali e’lon qilinadi.
Kasbiy sertifikatlashdan o‘tish pullikmi?
Birinchi marta kasbiy sertifikat olish bo‘yicha nazorat sinovida ishtirok etish uchun talabgordan to‘lov undirilmaydi. Lekin nazorat sinovida ishtirok etish uchun ro‘yxatdan o‘tib, uzrli sabablarga ko‘ra ishtirok etmagan talabgor nazorat sinovidan o‘tmagan hisoblanadi hamda nazorat sinovida ishtirok etish uchun qaytadan ro‘yxatdan o‘tishi talab etiladi.
Nazorat sinovida qayta ishtirok etish uchun talabgor bazaviy hisoblash miqdorining bir baravari miqdorida ya’ni, 340 ming so‘m to‘lovni amalga oshirishi kerak bo‘ladi.
Ijtimoiy himoya yagona reyestri axborot tizimida ro‘yxatga olingan shaxslarga, shuningdek, I va II guruh nogironligi bo‘lgan shaxslarga to‘lovlar bo‘yicha 50 foiz miqdorida chegirma qo‘llaniladi.
Davlat xizmati ko‘rsatilishi uchun YIDXP orqali ro‘yxatdan o‘tilganda, talabgordan belgilangan to‘lov miqdorining 90 foizi undiriladi.
Uzrli sabablarga ko‘ra nazorat sinovida ishtirok etmagan talabgordan navbatdan tashqari nazorat sinovida ishtirok etish uchun takroran to‘lov undirilmaydi.
Izohlar 27
Izoh qoldirish uchun ro'yxatdan o'ting!
Yangiliklar
18:33 / 09.10.2026
Hokim Erkinjon Turdimov Ta’lim va ilm-fan vaziri etib tayinlandi
15:15 / 08.10.2026
Maktab farroshligi uchun 1500$, bog‘cha tarbiyachiligi uchun 500$ olgan direktorlarga ozodlikni cheklash jazosi tayinlandi
20:52 / 07.10.2026
Ta’lim tizimidagi takrorlanuvchi vazifalar qisqartiriladi, hududiy bo‘g‘inlar mas’uliyati kuchaytiriladi
13:42 / 04.10.2026
Yangi Ta’lim va ilm-fan vazirligining vazifalari va tashkiliy tuzilmasi bir hafta ichida belgilanadi
Mavzuga doir yangiliklar
Bilasizmi?
Kuzgi pedagog kadrlar attestatsiyasi qay tartibda o‘tkaziladi?
Pedagoglar uchun attestatsiya jarayoni qanday tashkil etiladi? Test sinovida nechta va qanday topshiriqlar beriladi, har bir bosqichda pedagoglar qanday baholanadi, testga nimalarni olib kirish mumkin emas, test natijalaridan norozi bo‘lgan pedagog qanday tartibda apellyatsiya berishi mumkin? Quyida pedagoglar uchun eng muhim jihatlarni tushuntiramiz.
12:22 / 26.09.2026
Bilasizmi?
Attestatsiyaga ariza yuborish yakunlanishiga 5 kun qoldi
Xabaringiz bor, 2026-yil 1-avgustdan malaka test sinovlarida ishtirok etish uchun ro‘yxatdan o‘tish va murojaat yuborish boshlangan bo‘lib, murojaat yuborish 2026-yil 1-oktabrga qadar davom etadi.
17:23 / 25.09.2026
Yangiliklar
Vazirlik attestatsiya testlarini yana pullashni boshladimi?
Ayni paytda esa sinov.uz platformasida attestatsiyaga tayyorgarlik uchun mo‘ljallangan testlar yana 25 ming so‘mdan sotuvga qo‘yilgan. Platformada turli fanlar bo‘yicha attestatsiyaga tayyorgarlik testlari mavjud.
13:45 / 16.09.2026
Yangiliklar
Pedagoglarni attestatsiyadan o‘tkazish maqsadida noqonuniy sxema tuzgan shaxslarga sud hukmi o‘qildi
Avvalroq, pedagog xodimlarni attestatsiya hamda kasbiy sertifikatlashdan o‘tkazib qo‘yish maqsadida amalga oshirilgan bir qancha noqonuniy harakatlar fosh bo‘lgani haqida xabar bergadik. Mazkur shaxslarga nisbatan Jinoyat Kodeksining 210-moddasi 2-qismi “g” bandi bilan jinoyat ishi qo‘zg‘atilib, tergov harakatlari boshlangandi.
16:33 / 14.09.2026
Izohingizni tahrirlang