Bu yil umumta’lim maktablarini 399 ming 499 nafar bitiruvchilar tamomladi

13:00 / 28.05.2024 1.65k

Maktabgacha va maktab ta’limi vazirligi matbuot xizmatining xalqtaliminfo.uz tahririyatiga taqdim etgan ma’lumotlariga ko‘ra, 2024-yilda Maktabgacha va maktab ta’limi vazirligi tizimidagi 10 182 ta davlat umumta’lim maktablarini 399 ming 499 nafar 11-sinf bitiruvchilari tamomlagan.

Statistika agentligi taqdim etgan ma’lumotlarga e’tibor qaratadigan bo‘lsak, 11-sinfni respublika bo‘yicha jami 414,6 ming nafar o‘quvchi tamomlaganini ko‘rishimiz mumkin.

Chunki, Statistika agentligi ma’lumotlarida boshqa vazirlik va tashkilotlar tasarrufidagi ta’lim muassasalari (Mudofaa vazirligining “Temuriylar maktabi”, Madaniyat vazirligining “Успенский” maktabi, Badiiy akademiyaning K.Behzod nomidagi maktab, Sport va Madaniyat vazirliklarining maktablari va boshqalar) hamda nodavlat ta’lim muassasalari bitiruvchilari ham kiritilgan.

Ma’lumotlarga ko‘ra, 2023/2024-o‘quv yilida umumiy o‘rta ta’lim maktablarida 25 ming 259 nafar o‘quvchiga a’lo darajali shahodatnoma berilgan. Maktabning 14 ming 778 nafar iqtidorli bitiruvchisi oltin va kumush medallar bilan taqdirlangan. (shundan 12620 nafari oltin va 2158 nafari kumush medal).