O'zbek
Ta’lim muassasasiga tijorat kompaniyasi xodimlarini kiritgan direktorlar ishdan olindi
Mahalla raislari ham pul tikib, targ‘ib qilayotgan HNK media kompaniyasi ta’lim muassasalari, xususan, maktablar va bog‘chalarga qadar kirib borgan. Bu haqda Kun.uz nashri ma’lum qildi.
“Faoliyati shubhali bo‘lgan va moliyaviy piramida ekani aniq ko‘rinib turgan HNK kompaniyasi imkon qadar ko‘proq odamni “to‘riga ilintirish” uchun arzimagan “saxiylik” bahonasida hatto ta’lim maskanlariga borib, targ‘ibot ishlarini amalga oshirmoqda. Ta’lim va tarbiya maskanlarining rahbarlari esa bunga ochiqchasiga yo‘l qo‘yib bermoqda”, deyiladi Kun.uz nashri bergan xabarda.
Masalan, HNK vakillari turli hududlardagi maktablarga borib, go‘yoki xayriya tadbiri o‘tkazgan. Lekin shu bahonada o‘quvchilarga kompaniya logotipini ushlatib, targ‘ibot ishlarini olib borgan.
Shundan so‘ng, holatni Bolalar ombudsmani batafsil o‘rganib, holat bo‘yicha rasmiy bayonot berdi.
Aniqlanishicha, holatlardan biri Chust tumanidagi 69-sonli umumiy o‘rta ta’lim maktabida sodir bo‘lgan bo‘lib, Namangan viloyati maktabgacha va maktab ta’limi boshqarmasi tomonidan ta’lim maqsadlariga zid ravishda maktabda ta’lim jarayoni bilan bog‘liq bo‘lmagan tadbirlar tashkil etganligi uchun maktab direktori J.T. ga intizomiy chora qo‘llanilib, u lavozimidan ozod etildi.
Shuningdek, yana bir holat Surxondaryo viloyati Qiziriq tumanidagi 11-sonli maktabgacha ta’lim tashkilotida ham yo‘l qo‘yilgan bo‘lib, Surxondaryo viloyati maktabgacha va maktab ta’limi boshqarmasi tomonidan bunga yo‘l qo‘ygan maktabgacha ta’lim tashkiloti mudirasi v.v.b. A.Z. ga ham tegishli intizomiy chora ko‘rilib, u vazifasidan ozod etildi.
“Maktab va maktabgacha ta’lim tashkilotlarida turli media tijorat kompaniyalari targ‘ibotining o‘tkazilishi ta’lim muassasalarning maqsad va vazifalariga nomuvofiq bo‘lishi bilan birgalikda, qonunchilik talablariga ham ziddir.
Ta’lim bilan bog‘liq bo‘lmagan har qanday tashviqot tadbirlariga bolalarni jalb etilishiga nisbatan qat’iy murosasiz bo‘lish va bunday nomaqbul holatlarga yo‘l qo‘ygan mansabdor shaxslarga nisbatan tegishli qonuniy choralar ko‘rish shartligi yuzasidan Bolalar ombudsmani MMTVga tegishli xulosa kiritdi”, deyiladi Bolalar ombudsmani bergan rasmiy bayonotda.
Izohlar 0
Izoh qoldirish uchun ro'yxatdan o'ting!
Yangiliklar
Sertifikatga ega bo‘lmagan xorijiy til o‘qituvchilariga ogohlantirish berish boshlandi
Endi ayrim maktab bitiruvchilariga shahodatnomaga qo‘shimcha kasb-hunar bo‘yicha sertifikat ham beriladi
Ta’limdagi o‘zgarishlar O‘zbekistonning xalqaro reytingdagi o‘rniga ijobiy ta’sir ko‘rsatgani qayd etildi
Endi o‘quvchilar har yili chuqurlashtirilgan tibbiy ko‘rikdan o‘tkaziladi
Mavzuga doir yangiliklar
Yangiliklar
O‘qituvchilar vazirlikni 6 marta sudga bergani ma’lum bo‘ldi
2025-yil aprel-may oylaridagi attestatsiya imtihoni bo‘yicha vazirlik jami 6 marta sudga berilgan bo‘lib, 1 ta sud ishida vazirlik yutqazgani, 4 tasida esa yutib chiqqani ma’lum bo‘ldi.
Yangiliklar
Maktab yerini sotmoqchi bo‘lgan tuman hokimi qo‘lga olindi
Jizzax viloyati Sharof Rashidov tumani hokimi Mahmud Xolbo‘tayev maktab uchun ajratilgan yerga ko‘p qavatli uy qurilishiga ruxsat berish evaziga tadbirkordan 10 ming AQSh dollari pora olayotganda DXX xodimlari tomonidan qo‘lga olindi.
Yangiliklar
Bir guruh o‘qituvchilar vazirlikni sudga berdi
Bir guruh o‘qituvchilar tomonidan Maktabgacha va maktab ta’limi vazirligiga attestatsiya imtihonlarini qayta o‘tkazish majburiyatini yuklash, ma’naviy ziyon va vakil xarajatlarini undirish yuzasidan sudga da’vo arizasi kiritildi.
Yangiliklar
May oyidan boshlab farzandi maktabga bormaydigan oilalarning “bola puli” miqdori kamaytiriladi
2025-yil 1-maydan boshlab respublikaning barcha hududlarida kambag‘al oilalarga ko‘mak choralari ijtimoiy shartnoma asosida berilishi belgilangan.
Izohingizni tahrirlang