Ikkinchi toifaga ega bo‘lgan stajyor-o‘qituvchi kasbiy sertifikat olmasdan ishlashi mumkinmi?
Malaka toifasiga ega bo‘lgan pedagoglarni kasbiy sertifikatlash sinovlariga jalb qilish masalasi bugungi kunning dolzarb masalasidan biriga aylandi. Bundan avvalgi javoblarimizda tegishli qonun hujjatlaridan kelib chiqqan holda, ikkinchi malaka toifasini olgan stajyor-o‘qituvchilar ham kasbiy sertifikat imtihoniga jalb qilinishi haqida ma’lumot bergandik.
Amaldagi me’yoriy hujjatlarda malaka toifaga ega bo‘lgan stajyor-o‘qituvchilarni kasbiy sertifikat imtihoniga jalb qilinmasligi borasida hech qanday band keltirilmagan. Ammo, keyinchalik toifaga ega bo‘lgan stajyor-o‘qituvchining kasbiy sertifikat olmasdan ishlashining qonuniy boshqa yo‘li ham mavjudligi ma’lum bo‘ldi.
Bu borada xalqtaliminfo.uz tahririyati Maktabgacha va maktab ta’limi vazirligining Pedagog kadrlarga malaka toifalarini berish jarayonini tashkil etish boshqarmasi boshlig‘i Sardor Raximboyev bilan suhbatlashdi. Ma’lum bo‘lishicha, aslida ikkinchi toifaga ega bo‘lgan stajyor-o‘qituvchilarni kasbiy sertifikat imtihoniga jalb qilishga ehtiyoj yo‘q.
Chunki, stajyor-o‘qituvchi bilan kasbiy sertifikati mavjud emasligi sababli, mehnat shartnomasi bekor qilingan taqdirda u bilan malaka toifasiga ega bo‘lgan pedagog xodim sifatida qayta mehnat shartnomasi tuzilishi mumkin.
Shuningdek, hozirgi kunga qadar kasbiy sertifikat sinovlarida qatnashib, sertifikat ololmagan, ammo ikkinchi malaka toifasiga ega bo‘lgan o‘qituvchilar o‘z ish faoliyatlarini malaka toifasiga ega bo‘lgan o‘qituvchi sifatida davom ettirishi mumkin.
Ular keyingi ish faoliyati mobaynida ham kasbiy sertifikat sinovlariga jalb qilinmaydi. Chunki, Vazirlar Mahkamasining 2024-yil 2-fevraldagi 87-son qarorida aynan pedagog kasbiga birinchi marta ishga qabul qilingan stajyor-o‘qituvchilar hamda tegishli toifaga ega bo‘lmagan pedagog kadrlar kasbiy sertifikatlash sinovlariga jalb etilishi nazarda tutilgan.
Bunda malaka toifasiga ega bo‘lgan pedagog kadrlarni kasbiy sertifikatlash sinovlariga jalb qilish ko‘zda tutilmagan.
Izohlar 0
Izoh qoldirish uchun ro'yxatdan o'ting!Yangiliklar
Rossiyada o‘quvchi bolg‘a bilan o‘qituvchisi va sinfdoshlariga hujum qildi
“Huquq” fani o‘qituvchilari 2026-yil yakunigacha bepul qayta tayyorlovdan o‘tkaziladi
Vazirlikdagi ayrim rahbar xodimlarining tadbirkorlik qilishi ma’lum bo‘ldi
16-sentyabrdan fan olimpiadalari boshlanadi
Mavzuga doir yangiliklar
CHQBT fani o‘qituvchilariga toifasi uchun haq to‘lab berilmayapti…mi?
2024-yil 15-yanvardan ularga boshqa fan o‘qituvchilari kabi malaka toifasi berish yo‘lga qo‘yilgandi
Ikkinchi marta ham kasbiy sertifikat ololmaganlar taqdiri nima bo‘ladi?
Yetarli ball to‘play olmagan talabgor bilan tuzilgan mehnat shartnomasi bekor qilinadi
CHQBT fani o‘qituvchisiga toifasi bo‘yicha haq to‘lanadimi?
Ularning oyligi malaka toifasiga ega bo‘lgan fan o‘qituvchilarining maoshiga tenglashtiriladi.
“Ish staji hamda malaka toifasiga ega bo‘lgan pedagoglarni kasbiy sertifikat sinovlariga jalb qilish mumkin emas” – Vazirlik
Ayrim direktorlar topshiriqlar ijrosini noto‘g‘ri talqin qilgan
Izohingizni tahrirlang