Toshkentda Markaziy Osiyo taʼlim forumi ish boshladi
Bugun, 28-oktabr kuni poytaxtdagi “Oʻzbekiston” xalqaro anjumanlar saroyida “Markaziy Osiyo: taʼlim, fan va innovatsiyalarning yangi makoni” mavzusidagi xalqaro forum ish boshladi.
Anjumanda Oʻzbekiston, Qozogʻiston, Qirgʻiziston, Tojikiston va Turkmanistonning taʼlim vazirlari, xorijdagi yetakchi universitetlar rahbarlari, xalqaro tashkilotlar vakillari va soha ekspertlari qatnashmoqda. Maʼlumotiga koʻra, forumda jami 1500 dan ortiq ishtirokchi qatnashmoqda.
Forumning asosiy maqsadi mintaqa davlatlari oʻrtasida taʼlim, ilm-fan va innovatsiyalar sohasidagi hamkorlikni yangi bosqichga olib chiqishdir. Kun tartibida akademik almashinuv, qoʻshma taʼlim dasturlari, diplomlarni oʻzaro tan olish, qoʻshma ilmiy loyihalar va grantlar, taʼlim sifati hamda oliy taʼlim muassasalarining xalqaro reytinglardagi oʻrni kabi masalalar bor.
“Ta’lim faqat tayyor bilim berish bilan cheklanmasligi kerak” — Shavkat Mirziyoyev
Forum ishtirokchilariga Oʻzbekiston Respublikasi Prezidenti Shavkat Mirziyoyevning tabrigi yoʻllandi. Unda davlat rahbari Markaziy Osiyo xalqlari bugun dolzarb muammolarni birgalikda hal etayotganini, mamlakatlar oʻrtasida oʻzaro ishonch va yaxshi qoʻshnichilik muhiti mustahkamlanib borayotganini taʼkidladi.
Tabrikda keltirilishicha, Jahon banki Markaziy Osiyo iqtisodiyoti 2026-yilda 5,8 foizga oʻsishini prognoz qilmoqda. Prezident mintaqaning eng katta boyligi qariyb 85 million aholining asosiy qismini tashkil etuvchi yoshlar ekanini alohida qayd etdi.
“Ana shu ulkan demografik salohiyatni qudratli intellektual kuchga aylantirishda eng samarali yoʻl – sifatli, zamonaviy taʼlim va tarbiyadir”, deyiladi tabrikda.
Prezident yaqinda qabul qilingan Farmon bilan maktabgacha va maktab taʼlimi, kasbiy va oliy taʼlim hamda ilm-fan boshqaruvi yagona tizimga birlashtirilganini eslatib oʻtdi. Bundan maqsad bolaning ilk bilim olishidan tortib yetuk mutaxassis va olim boʻlib yetishishigacha boʻlgan bosqichlarni uzviy bogʻlashdir.
Tabrikda kelgusi oʻn yilda koʻplab kasblarga munosabat oʻzgarishi, yangi mutaxassisliklar paydo boʻlishi ham aytildi. Shu bois taʼlim tizimi faqat tayyor bilim berish bilan cheklanib qolmasdan, yoshlarda mustaqil fikrlash va umr boʻyi oʻrganish koʻnikmasini shakllantirishi kerakligi qayd etildi.
Qizlar, qishloq va chekka hududlardagi bolalar, alohida taʼlimga ehtiyoji bor yoshlar uchun imkoniyatlarni kengaytirish, sunʼiy intellekt va raqamli texnologiyalarni rivojlantirish ham ustuvor vazifalar sirasida tilga olindi.
Prezident suv va energetika xavfsizligi, iqlim oʻzgarishi kabi muammolarni yakka holda hal qilish qiyinligini taʼkidlab, universitetlararo hamkorlik, qoʻshma dasturlar va talaba hamda olimlar almashinuvini kengaytirishga chaqirdi.
“Bizning bu sohadagi strategik maqsadimiz – Markaziy Osiyoni oʻzaro ishonch va doʻstlik diyoriga, ilm-maʼrifat, yuksak texnologiyalar va innovatsiyalar birlashgan umumiy intellektual makonga aylantirishdir”, deyiladi tabrikda.
Forum doirasida yalpi majlis bilan bir qatorda panel sessiyalar va ikki tomonlama uchrashuvlar oʻtkazilmoqda. Muhokamalar natijasida mintaqa taʼlim tizimlarini yaqinlashtirishga qaratilgan amaliy takliflar ishlab chiqilishi kutilmoqda.
Comments 0
Please register to comment!
News
Maktablarda sport to‘garaklari faoliyati kengaytiriladi: iqtidorli o‘quvchilar “Sport akademiyasi” uchun saralanadi
Mahkuma ayollarning farzandlari uchun maxsus bog‘chalar tashkil etiladi
“Xususiy bog‘chalarning nomini o‘zbekchalashtirish kerak” — Sherzodxon Qudratxo‘ja
Alohida ta’lim ehtiyojlari bo‘lgan bolalarni o‘qitadigan xususiy maktablarga subsidiya ajratiladi
News on the topic
News
6 yoshli bolalar maktabga tayyorlov bilan to‘liq qamrab olinadi, 10 ta oliygoh Top-1000 ga kiritiladi — prezident farmoni
Prezident Shavkat Mirziyoyev 2026-yil 10-noyabr kuni “Inson qadrini yuksaltirishga qaratilgan milliy dasturlarni amalga oshirish chora-tadbirlari to‘g‘risida”gi PF–242-son farmonni imzoladi.
News
Buxoroda maktab bitiruvchilarining 50 foizini texnikumlarga jalb qilish rejalashtirilmoqda
Prezident Shavkat Mirziyoyevning Buxoro viloyatiga tashrifi doirasida hudud iqtisodiyotini rivojlantirish va aholi turmush darajasini oshirish masalalariga bag‘ishlangan yig‘ilishda ta’lim sohasidagi ustuvor vazifalar ham belgilandi.
News
“Aravani tortolmagan kadr bizning oramizda bo‘lmaydi” — Erkinjon Turdimov
Yangi tashkil etilgan Ta’lim va ilm-fan vazirligida hududiy rahbarlar va boshqa mas’ul lavozimlardagi kadrlar faoliyati tahlil qilinadi.
Education policy
Ta’lim va ilm-fan vazirligining tashkiliy tuzilmasi tasdiqlandi
Ta’lim va ilm-fan tizimini boshqarishning yangi tartibi belgilandi. Maktabgacha ta’limdan tortib oliy ta’limdan keyingi ta’limgacha bo‘lgan barcha bosqichlarda yagona davlat siyosati yuritiladi.
English
Edit your comment