70 foizlik ustama berish tartibi qachon joriy qilinadi?
Savol
Navbatdagi attestatsiyaga ro‘yxatdan o‘tish jarayoni boshlandi. Prezident farmonida 70 foizlik ustama 2025-yil 1-yanvardan joriy etilishi ko‘zda tutilgandi. Lekin vazirlik jim.
Men oliy toifaman, agar 70 foizlik ustaman aniq bo‘lganda, navbatdan tashqari attestatsiyaga topshirardim. Lekin hozircha aniq bir javob yo‘q. Iltimos, shu masalaga oydinlik kiritib beringlar.
Javob
O‘zbekiston Respublikasi Prezidentining 2023-yil 26-maydagi PF-79-son Farmonining 3-v-bandida 2025-yil 1-yanvarga qadar malaka toifalarini berish tizimini vakolatli xorijiy tashkilotlarning akkreditatsiyasidan o‘tkazish orqali pedagog kadrlarga xalqaro standartlar asosida malaka sertifikatini berish amaliyoti yo‘lga qo‘yilishi belgilangan.
Bunda, xalqaro standartlar asosida malaka sertifikatini olgan pedagog kadrlarga tarif stavkalarining amaldagi miqdorlariga nisbatan 70 foiz miqdorida qo‘shimcha haq to‘lanishi nazarda tutilgan.
Hozirda Maktabgacha va maktab ta’limi vazirligi tomonidan xalqaro tashkilotlar bilan hamkorlik ishlari boshlangan. Tizim xalqaro akkreditatsiyadan o‘tganidan keyin ushbu talablar asosida 86 ballik natija bilan malaka sertifikatini olgan pedagoglar 70 foizlik ustama olishlari mumkin bo‘ladi.
Xalqaro akkreditatsiya nima?
Xalqaro akkreditatsiya – bu pedagog kadrlarga malaka toifasi berish tizimining xalqaro miqyosda tan olingan tashkilotlar tomonidan tekshirilishi va ular belgilagan standartlarga mos ekanligini tasdiqlash jarayonidir.
Bunda pedagog kadrlarga malaka toifasi berish tizimi hamda attestatsiyadan o‘tganlik uchun malaka toifasi sertifikatini berish mexanizmlari xalqaro mezonlarga muvofiqligi bo‘yicha ekspertizadan o‘tadi va tasdiqlanadi. Bu esa o‘ziga xos murakkab jarayon hisoblanadi.
Ya’ni, ushbu jarayonda xorijiy tashkilotlar O‘zbekistonning pedagog kadrlarga malaka toifasi berish tizimini tekshiradi va uni xalqaro talablar bilan solishtiradi. Jarayon ijobiy yakunlanganidan so‘ng, tizim xalqaro akkreditatsiyadan o‘tgan hisoblanadi.
Ushbu tartib aynan qachondan boshlab joriy qilinishi mumkin?
Yuqorida ta’kidlab o‘tganimizdek, ushbu tartib joriy qilinishi uchun pedagog kadrlarga malaka toifasi berish tizimi xalqaro akkreditatsiyadan o‘tishi lozim.
Tizim xalqaro akkreditatsiyadan aynan qachon o‘tishini esa hozircha hech kim aniq aytolmaydi, hatto Maktabgacha va maktab ta’limi vazirligining o‘zi ham.
Pedagoglar navbatdan tashqari attestatsiyaga hujjat topshirsa, puliga kuyib qolmaydimi?
Vazirlar Mahkamasining 2021-yil 17-sentyabrdagi 572-son qarori bilan tasdiqlangan nizomning 21-bandida pedagog kadrlarni navbatdan tashqari attestatsiyadan o‘tkazish bo‘yicha davlat xizmatini ko‘rsatganlik uchun bazaviy hisoblash miqdorining bir baravari miqdorida (340 ming so‘m) yig‘im undirilishi nazarda tutilgan.
Agar pedagog xodimlar bahorgi attestatsiyada 70 foizlik ustama berish tartibi joriy qilinishi mumkinligini taxmin qilgan holda, navbatdan tashqari attestatsiyaga ariza yuborib, to‘lovni amalga oshirsa-yu, ammo 70 fozilik ustama berish tartibi bahorgi attestatsiyadan boshlab amaliyotga joriy qilinmasa, amalga oshirilgan to‘lovlar pedagog xodimlarga qaytarilmaydi.
Shu sababli, pedagog xodimlarga yuqoridagi holatlarni inobatga olib, harakat qilishlarini maslahat beramiz.
Izohlar 13
Izoh qoldirish uchun ro'yxatdan o'ting!
Yangiliklar
Maktab darsliklari yangi alifboga o‘tkaziladi: o‘quvchilar imlosini baholashda yengillik berilishi mumkin
Milliy sertifikat: natijalar bugun chiqadi, yangi imtihonga ro‘yxatga olish ertadan boshlanadi
Dars soatlari elektron platforma orqali taqsimlanadi. Pedagoglar bundan nima kutmoqda?
Maktab bitiruvchilari uchun yagona davlat imtihoni joriy qilinishi mumkin
Mavzuga doir yangiliklar
Yangiliklar
Musiqa fani o‘qituvchilariga 20 foizgacha oylik ustama to‘lanadi
Umumiy o‘rta ta’lim maktablarida faoliyat yuritayotgan musiqa fani o‘qituvchilari uchun yangi rag‘batlantirish tartibi joriy etildi. Endilikda ularga o‘quvchilarining cholg‘u asboblarini ijro etish darajasidan kelib chiqib, har oyda 5 foizdan 20 foizgacha ustama to‘lanadi.
Yangiliklar
Matematika va fizika o‘qituvchilari attestatsiya testlaridan norozi
2026-yilgi kuzgi attestatsiya sinovlarida matematika va fizika fanlari bo‘yicha berilgan test topshiriqlarining murakkabligi, ularni bajarish uchun ajratilgan vaqt hamda o‘qituvchilar to‘playotgan ballar ijtimoiy tarmoqlarda muhokamalarga sabab bo‘lmoqda.
Yangiliklar
Maktablarda dars soatlarini taqsimlash va direktor jamg‘armasidan ustama belgilash tartibi avtomatlashtiriladi
Abdulla Avloniy nomidagi Pedagogik mahorat milliy institutida umumta’lim maktablarida dars soatlarini taqsimlash hamda direktor jamg‘armasi faoliyatiga oid me’yoriy hujjatlarni takomillashtirish masalalari muhokama qilindi.
So'ragan edingiz
Attestatsiya vaqtida kompyuter ishlamay qolsa nima qilish kerak?
Attestatsiya jarayonida test topshirayotgan paytimda kompyuter ishlamay qolsa yoki texnik nosozlik sababli testni davom ettira olmasam, bu holatda testni qayta topshirishim mumkinmi?
O'zbek
Izohingizni tahrirlang