Maktabgacha va maktab ta’limi vazirligi huzuridagi oliygohlarga rektorlar tayinlandi

O‘zbekiston Respublikasi Vazirlar Mahkamasining  tegishli qarori bilan:

Maqsudjon Yuldashev

Maqsudjon Yuldashev Jizzax davlat pedagogika universiteti rektori lavozimiga tayinlandi.

U bunga qadar Maktabgacha va maktab ta’limi vazirligi Pedagog kadrlarni tayyorlash va kasbiy rivojlantirish boshqarmasi boshlig‘i vazifasida ishlab kelayotgan edi.

Maqsudjon Yuldashev 2012-2016-yillarda A.Avloniy nomidagi xalq ta’limi pedagog xodimlarini qayta tayyorlash va malakasini oshirish Markaziy instituti rektori, 2016-2017-yillarda vazirlikning ta’lim muassasalari faoliyatini tashkil etish bosh boshqarmasi boshlig‘i,  2018-2021-yillarda Maktabgacha ta’lim vaziri o‘rinbosari, 2021-2024-yillarda Toshkent davlat iqtisodiyot universiteti moliya va iqtisod ishlari bo‘yicha prorektori kabi turli mas’ul lavozimlarda ishlagan.

Ulug‘bek Tashkenbayev Toshkent shahridagi “A.I. Gersen nomidagi Rossiya davlat pedagogika universiteti” Federal davlat budjeti oliy ta’lim muassasasi filialining ijrochi direktori etib tayinlandi.

U.Tashkenbayev O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi boshlig‘i, Oliy va o‘rta maxsus ta’lim vazirining birinchi o‘rinbosari, Guliston davlat universiteti rektori, Samarqand davlat universiteti rektori kabi lavozimlarda faoliyat olib borgan.

Tayinlovga qadar Tashkenbayev Ulug‘bek Negmatovich Maktabgacha va maktab ta’limi vaziri maslahatchisi lavozimida ishlab kelayotgan edi.

Saidov Mash’al Samadovich – Shahrisabz davlat pedagogika instituti rektori etib tayinlandi. U tayinlovga qadar Al-Faraganus universitetida Menejment va marketing kafedrasi mudiri lavozimida faoliyat yuritgan.

Urakov Sherzod Raxmonovich – Kattaqo‘rg‘on davlat pedagogika instituti rektori lavozimiga tayinlandi. Bungacha u Samarqand davlat universitetining Kattaqo‘rg‘on filiali direktori edi.