O'zbek
Attestatsiya test sinovlarida ishtirok etadigan pedagoglar diqqatiga
Juda ko‘p hollarda attestatsiya test sinovlarida ishtirok etgan pedagoglar ularning pedagogik mahorati va psixologik tayyorgarligi noto‘g‘ri baholanganligi, o‘quv fani bo‘yicha test yoki malaka sinovi materiallarida xato va kamchiliklar mavjudligi bois, apellyatsiya komissiyasiga yozma ravishda ariza (shikoyat) berishadi.
Ammo ko‘pchilik, apellyatsiya berish tartibini yaxshi tushunmaganligi bois turli xil xato va kamchiliklarga yo‘l qo‘shishadi, bu esa pedagoglar zarariga ishlashi mumkin.
Shu sababli, attestatsiya natijalaridan norozi bo‘lgan pedagoglar uchun quyidagi ma’lumotlarni eslatib o‘tamiz:
Pedagog xodim attestatsiyada ishtirok etib, ammo natijalaridan norozi bo‘lsa, natijalar e’lon qilingan kundan boshlab 10 kun mobaynida apellyatsiya komissiyasiga yozma ravishda ariza (shikoyat) berishi lozim.
Bunda Apellyatsiya komissiyasiga murojaat qilish yozma ravishda yoki pedkadr.uzedu.uz orqali pedagoglarning shaxsiy kabinetidan elektron tarzda amalga oshiriladi.
Ariza (shikoyat) ro‘yxatga olingan kundan boshlab 10 kun muddatda, qo‘shimcha o‘rganishlar talab etilganda esa malaka toifasi sertifikatlari shakllantirilgunga qadar ko‘rib chiqiladi.
Murojaat etuvchi pedagog kadrlar apellyatsiya komissiyasi tomonidan murojaati ko‘rib chiqilishi jarayonida bevosita yoki masofadan turib onlayn tarzda ishtirok etishi mumkin.
- Bu muhim: Shikoyat arizasi yo‘llagan pedagog xodim arizani aynan uning ishtirokida ko‘rib chiqilishini xohlasa, shikoyat arizasida ‘‘murojaat aynan mening ishtirokimda ko‘rib chiqilsin’’, degan mazmunda qo‘shimcha kiritishi lozim.
Chunki, attestatsiya bo‘yicha bo‘lib o‘tgan sud majlislarida vazirlik mas’ullari pedagog kadrlar tomonidan yuborilgan shikoyat arizasida aynan shunday mazmunda murojaat yozib qoldirmaganligi uchun apellyatsiya shikoyat arizalari pedagog xodimlar ishtirokisiz ko‘rib chiqilganligini ma’lum qilgan.
Bunda agar pedagog kadr to‘g‘ri baholangan bo‘lsa, o‘quv fani bo‘yicha test va malaka sinovi materiallarida xato va kamchiliklar, shuningdek, sinovlarni o‘tkazish jarayonida tashkiliy-texnik jihatdan kamchiliklar aniqlanmagan taqdirda, attestatsiya natijalarini o‘zgartirishsiz qoldiriladi.
Aksincha, pedagog kadrning pedagogik mahorati va psixologik tayyorgarligi noto‘g‘ri baholangan bo‘lsa, o‘quv fani bo‘yicha test yoki malaka sinovi materiallarida xato va kamchiliklar mavjudligi aniqlangan taqdirda, attestatsiya natijalari o‘zgartirib beriladi.
O‘quv fani bo‘yicha test yoki malaka sinovlarini o‘tkazish jarayonida tashkiliy-texnik jihatdan kamchiliklar mavjudligi aniqlangan taqdirda, test sinovlarining qaytadan o‘tkaziladi.
Eslatib o‘tamiz, vazirlikning buyrug‘i (qarori) yoki apellyatsiya komissiyasi qarori yuzasidan pedagog kadrlar qonunchilik hujjatlarida belgilangan tartibda sudga shikoyat qilishi mumkin.
Izohlar 5
Izoh qoldirish uchun ro'yxatdan o'ting!
Yangiliklar
O‘qituvchilar majburiy tibbiy ko‘rikdan bepul o‘tadi — vazirlik topshiriq berdi
Bu yil 1696 nafar o‘qituvchiga qariyb 7 mln 500 ming so‘mlik vazir ustamasi beriladigan bo‘ldi
Ayrim davlat maktablarida oyiga 29 mln so‘mlik pullik sinf ochilmoqda
Maktablarda yangi o‘quv yili 2-sentyabrdan boshlanadi
Mavzuga doir yangiliklar
Yangiliklar
Nogironligi bo‘lgan pedagoglarga attestatsiya va milliy sertifikat imtihonlarida qo‘shimcha vaqt beriladi
2027/2028-o‘quv yilidan boshlab nogironligi bo‘lgan pedagoglarga attestatsiya va milliy sertifikat imtihonlarini topshirishda belgilangan vaqt me’yorining 50 foizi miqdorida qo‘shimcha vaqt olish imkoniyati beriladi.
Yangiliklar
Endilikda attestatsiyadan o‘tmasdan turib, ikkinchi va birinchi malaka toifasini olishi mumkin bo‘ladi
Vazirlar Mahkamasining 2026-yil 29-iyuldagi 411-son qarori bilan kiritilgan o‘zgartirishlarga ko‘ra, endilikda pedagoglarning oliy ma’lumot darajasi va o‘qishdagi natijalariga qarab ularga malaka toifalari beriladi.
So'ragan edingiz
Muntazam attestatsiyadan o‘tolmagan o‘qituvchini ishdan bo‘shatish mumkinmi?
Murojaat mualliflarining aytishicha, bunday xodimlar turli sabablar, jumladan, tanish-bilish yoki yaqinlarining mansabidan foydalangan holda hanuz ishda qolmoqda. Navbatdagi murojaatda ham o‘quvchilarning bilim darajasi keskin pasayib ketgan, attestatsiyadan yillar davomida o‘ta olmayotgan o‘qituvchi bilan mehnat shartnomasini qonuniy asosda bekor qilish mumkinmi, degan savol o‘rtaga tashlangan.
Ta'lim siyosati
Bo‘lajak pedagoglar bilimini ikki marta baholashdan mantiq bormi?
O‘qituvchi malaka toifasi olishi uchun test topshiradi, vazir jamg‘armasi ustamasi uchun test topshiradi, qo‘shimcha ustamalar uchun test topshiradi. Endi esa navbat hali oliygohni tamomlamagan bo‘lajak pedagoglarga keldi.
Izohingizni tahrirlang