2026-yilda xorijdan keladigan o‘qituvchilar uchun 700 mlrd ajratiladi
“2026-yil uchun O‘zbekiston Respublikasining Davlat budjeti to‘g‘risida”gi qonun loyihasida kelgusi yil uchun 1 500 nafar xorijiy til o‘qituvchilari — “til egalari”ni jalb qilish uchun 700 mlrd so‘m mablag‘ ajratish nazarda tutilmoqda.
Bunda “til egalari”ni jalb qilish xarajatlari 2026-yilda 2,8 karra oshirilishi reja qilinganligini ko‘rish mumkin. 2025-yilda buning uchun Davlat budjetidan 210 mlrd so‘m mablag‘ yo‘naltirilgandi.
“Til egalari”ni ta’lim jarayoniga jalb qilish O‘zbekistonning 2030-yilgacha bo‘lgan davlat strategiyasida belgilangan bo‘lib, unga muvofiq, ta’lim tashkilotlariga har yili 500 nafar “til egalari” bo‘lgan xorijiy mutaxassislarni jalb etish nazarda tutilgan.
Taxminiy hisob-kitoblarga ko‘ra hozirgi kunda xorijiy til sifatida maktablarda eng ko‘p o‘qitilayotgan fan ingliz tili fani hisoblanadi.
2023-yildan boshlab ta’lim muassasalariga jami 500 nafardan ziyod xorijlik pedagoglar “til egalari” sifatida ingliz, nemis, fransuz tillaridan dars berish uchun jalb qilina boshlagan. 2024-yildan boshlab esa yana 1 500 ta “til egalari” olib kelinishi reja qilingandi.
Ular yuqori sinf o‘quvchilariga Buyuk Britaniyaning “Cambridge University Press”, Fransiyaning “Didiyer”, Germaniya Federativ Respublikasi “KLETT” nashriyotining darslik va dasturlari asosida dars o‘tishi belgilangan.
Sobiq Maktabgacha va maktab ta’limi vaziri Hilola Umarovaning “Yangi O‘zbekiston” gazetasining 2025-yil 9-yanvar 5-sonida chop etilgan maqolasida “til egalari” islohoti nima uchun amalga oshirilganini aytib o‘tgandi.
Unga ko‘ra, Buyuk Britaniya ham ta’lim sifatini oshirish uchun 2023-yilda 100 mingdan ortiq xorijlik o‘qituvchini jalb qilgan. Xuddi shunday tajriba Xitoyda ham yo‘lga qo‘yilgan bo‘lib, har yili 400 minggacha chet tili o‘qituvchisi olib kelinadi.
O‘tgan yillar davomida "til egalari" faoliyat yuritgan 500 ta maktab o‘quvchilarining til bilish darajasi hududlar bo‘yicha o‘rtacha 5 foizdan 15 foizgacha oshgan.
“Til egalari” bir haftada 20 soatlik dars bilan birga uch marta qo‘shimcha to‘garak mashg‘ulotlari o‘tadi hamda mahalliy o‘qituvchilarimiz uchun treninglar tashkil etadi.
Izohlar 2
Izoh qoldirish uchun ro'yxatdan o'ting!
Yangiliklar
Maktab darsliklari yangi alifboga o‘tkaziladi: o‘quvchilar imlosini baholashda yengillik berilishi mumkin
Fan olimpiadasi g‘oliblariga 17 mlrd so‘mdan ortiq mukofot puli topshirildi
Milliy sertifikat: natijalar bugun chiqadi, yangi imtihonga ro‘yxatga olish ertadan boshlanadi
Dars soatlari elektron platforma orqali taqsimlanadi. Pedagoglar bundan nima kutmoqda?
Mavzuga doir yangiliklar
Yangiliklar
Maktab va texnikumlarda nemis tilidan dars berish uchun xorijdan 500 nafar “til egasi” olib kelinadi
Kelasi yildan maktab va texnikumlarda nemis tilidan dars berish uchun 500 nafar til egasini jalb qilish topshirildi. Bundan tashqari, oliy ta’lim muassasalarida nemis tili o‘qituvchilarini tayyorlash bo‘yicha davlat buyurtmasini kelasi o‘quv yilidan boshlab ikki baravar oshirish vazifasi qo‘yildi.
Yangiliklar
2026-yil sentyabrga qadar maktablarga 2000 nafar “til egalari” jalb qilinadi
Xorijlik chet tili fani o‘qituvchilarini turarjoy bilan bog‘liq xarajatlari mahalliy budjet mablag‘lari hisobidan qoplab beriladi.
Yangiliklar
2026-yilda xorijlik pedagoglar soni 2000 nafarga yetkazilib, turar joy bilan ta’minlanadi
Xorijdan kelgan mutaxassislar turarjoylarga joylashtiriladi va zarur sharoitlar bilan ta’minlanadi. Turarjoy uchun ijara to‘lovlari esa mahalliy budjetdan ajratilgan mablag‘lar doirasida har oy kechiktirmasdan amalga oshirib boriladi.
Yangiliklar
Hilola Umarova nima uchun xorijdan “til egalari” olib kelinganini izohladi
Uning aytishicha, bunday amaliyotdan aksariyat davlatlar faol foydalanadi
O'zbek
Izohingizni tahrirlang