O'zbek
Qimor o‘ynagan MMTB boshlig‘i va direktorlar jarimga tortildi
Andijon viloyati Ulug‘nor tumanida olti nafar ta’lim sohasi xodimi choyxonada qimor o‘ynab o‘tirgan paytda ushlanib, ma’muriy javobgarlikka tortildi. Bu haqda Daryo.uz nashri xababr berdi.
Sud hujjatlariga ko‘ra, ular orasida tuman Maktabgacha va maktab ta’limi bo‘limi boshlig‘i, uning o‘rinbosari hamda to‘rt nafar maktab direktori bo‘lgan.
Hujjatda qimor o‘yini 2026-yil 14-yanvar kuni Baliqchi tumanidagi “Abduxalil ota” choyxonasida aniqlangani yozilgan. Kimdir ichki ishlar organiga choyxonada qimor o‘ynalayotgani haqida xabar bergan. Keyin IIB xodimi xabar yuzasidan u yerga kelgan. O‘yin davrasidagi 205 ming so‘m, ishtirokchilar yonidagi jami 617 ming so‘m pul va kartalarni dalil sifatida olgan.
Ayblanuvchilar sudda qimor o‘ynamaganini, pul tikmagan holda karta o‘ynaganini aytgan. Stoldagi 205 ming so‘m ovqat uchun yig‘ilgan mablag‘ bo‘lganini bildirgan. Ammo guvohlar ko‘rsatmasi va to‘plangan dalillar asosida sud huquqbuzarlik tasdiqlangan deb topgan.
Natijada sudlanuvchilar Ma’muriy javobgarlik to‘g‘risidagi kodeksning 191-moddasi bo‘yicha aybdor deb topilgan. Sud qarori bilan har bir huquqbuzar bazaviy hisoblash miqdorining uch baravari miqdorida (1 million 236 ming so‘m) jarimaga tortilgan.
Ashyoviy dalil tariqasida olinib, Andijon viloyat IIB depozit hisob raqamida saqlanayotgan 822 ming so‘m puldan 205 ming so‘m qismi davlat foydasiga musodara qilingan.
Izohlar 1
Izoh qoldirish uchun ro'yxatdan o'ting!
Yangiliklar
Attestatsiya to‘lovi 10-martgacha amalga oshiriladi, biroq xatolik chiqsa, pullar qaytarilmaydi
Vazir E’zoza Karimova maktabda dars o‘tdi
Vazirlik malaka toifasi sertifikati muddatlari nega o‘zgarib qolganiga izoh berdi
Vazirlikni sudga bergan tarix fani o'qituvchilari haq bo'lib chiqdi
Mavzuga doir yangiliklar
Yangiliklar
Tekshiruv o‘tkazmaslik evaziga pora so‘ragan MMTB boshlig‘i qo‘lga tushdi
Maktabgacha va maktab ta’limi bo‘limi boshlig‘i o‘z mansab vakolatini suiiste’mol qilib, davlat maktabgacha ta’lim tashkilotlaridan birida tekshiruv o‘tkazmaslik evaziga, uning rahbaridan 4,8 mln so‘m miqdorida pora talab qilgan.
Yangiliklar
Samarqand “oblono” boshlig‘i ishdan olindi
Samarqand viloyati Maktabgacha va maktab ta’limi boshqarmasi rahbari Muzaffar Hamdamov aslida iqtidorli o‘quvchilar yuborilishi kerak bo‘lgan “Alvon yelkanlar” bayramiga o‘z o‘g‘li va jiyanini qo‘shib yuborgani uchun ishdan olindi.
Yangiliklar
Samarqand “oblono” boshlig‘i farzandini xorijga yuborgani uchun 28 mln so‘m mablag‘ budjetga qaytarildi
Samarqand viloyati Maktabgacha va maktab ta’limi boshqarmasi mansabdor shaxslari tomonidan qonunbuzarlikka yo‘l qo‘yilgani o‘z isbotini topdi.
Yangiliklar
Endi pedagoglar bolalarga zo‘ravonlik qilsa, maktab direktori ularni ishdan bo‘shatishi mumkin bo‘ladi
Maktabgacha va maktab ta’limi vaziri bolalarga nisbatan zo‘ravonlikning barcha shakllariga bo‘lgan murosasizlik muhitini shakllantirish, ularning huquqlari, erkinliklari va qonuniy manfaatlarini ishonchli himoya qilish to‘g‘risidagi buyruqni imzolandi.
Izohingizni tahrirlang