O'zbek
Direktor o‘rinbosarlari pedagoglar farzandlari uchun 30 foizlik chegirmadan foydalana olmaydimi?
Savol
Maktabda ma’naviy-ma’rifiy ishlar bo‘yicha direktor o‘rinbosari lavozimida ishlayman. Oliygohda o‘qiyotgan farzandimga 30 foizlik kontrakt chegirmasi uchun ariza yuborgandim.
Lekin kontrakt.edu.uz platformasidan rad etilganligi haqida xabar keldi. Men pedagog xodimlar farzandlari uchun beriladigan kontrakt toʻlovini 30 foizlik imtiyozdan foydalana olmaymanmi?
Javob
Ma’lumki, Vazirlar Mahkamasining 2026-yil 17-sentabrdagi “Davlat oliy ta’lim tashkilotlariga o‘qishga kirgan pedagoglar farzandlarining to‘lov-kontrakt summasiga chegirma berish tartibini joriy etish to‘g‘risida”gi qarori bilan pedagogik faoliyat bilan shug‘ullanuvchi ota yoki onaning farzandi bo‘lgan, davlat oliy ta’lim tashkilotiga bazaviy to‘lov-kontrakt asosida talabalikka tavsiya etilgan abituriyent yoki tahsil olayotgan talabalar to‘lov-kontrakt summasi uchun 30 foiz miqdorida chegirma berish tartibi yo‘lga qo‘yilgan.
Mazkur imtiyozdan taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida Pedagogik faoliyat bilan bogʻliq lavozimlar roʻyxatiga kiritilgan lavozimlarda kasbiy faoliyatni amalga oshiruvchi jismoniy shaxslar foydalana oladi.
Pedagogik faoliyat bilan bog‘liq lavozimlarning tasdiqlangan ro‘yxati Maktabgacha va maktab ta’limi vazirligi hamda Oliy ta’lim, fan va innovatsiyalar vazirligining 2026-yil 9-iyunda davlat ro‘yxatidan o‘tkazilgan 3849-sonli qarori bilan tasdiqlangan.
Ro‘yxatning 9-bob, 436-pozitsiyasida umumiy oʻrta taʼlim tashkilotlari direktori va oʻrinbosarlari (xoʻjalik ishlari bundan mustasno) lavozimlari ham keltirilgan.
Shu sababli, mazkur imtiyozdan ma’naviy-ma’rifiy ishlar bo‘yicha direktor o‘rinbosarlari ham foydalanishi mumkin. Platforma orqali rad javobi kelganligining sababi kontrakt.edu.uz axborot tizimida vazirlik va idoralar o‘rtasida ota-onaning pedagogik faoliyatini avtomatik aniqlash bo‘yicha maʼlumotlar bazalarini integratsiya qilishda texnik nosozlik yuzaga kelgan bo‘lishi mumkin.
Mazkur holat yuzasidan Ta’lim va ilm-fan vazirligi ishonch telefonlari orqali mas’ullar bilan bog‘lanib, texnik xatolikni bartaraf etilishni so‘rab murojaat qilishingizni tavsiya qilamiz.
TIFV ishonch raqami: 1006
Murojaatlar bilan ishlash bo‘limi: (55) 520-08-08 (201)
Sobiq MMTV: (71) 202-09-09
Izohlar 2
Izoh qoldirish uchun ro'yxatdan o'ting!
Yangiliklar
Boshlang‘ich sinf o‘qituvchilari milliy sertifikat imtihonida nega 90 ta test topshiradi?
Buxoroda maktab bitiruvchilarining 50 foizini texnikumlarga jalb qilish rejalashtirilmoqda
Maktab va texnikumlarda nemis tilidan dars berish uchun xorijdan 500 nafar “til egasi” olib kelinadi
Prezident qarori bilan tashkil etilgan Psixologiya ilmiy-tadqiqot institutiga rahbar tayinlandi
Mavzuga doir yangiliklar
Yangiliklar
Maqsad pedagoglarga imtiyoz bermaslikmi? Pedagoglar farzandiga 30 foizlik chegirma berish atrofidagi savollar
Pedagog xodimlarning davlat oliygohida tahsil oladigan farzandlari 30 foizlik kontrakt chgirmasi uchun kontrakt.edu.uz axborot tizimi orqali ariza yuborganda, ularning ota yoki onasi pedagog xodim emasligi tufayli, rad javobi berilmoqda.
So'ragan edingiz
Xususiy maktabda ishlaydigan pedagoglarning oliygohda o‘qiydigan farzandiga ham 30 foizlik chegirma beriladimi?
Ushbu chegirmadan davlat oliy ta’lim tashkilotida (xorijiy hamkor oliy ta’lim tashkilotlarining qo‘shma ta’lim dasturlari asosida va fakultetlarida ta’lim olayotgan talabalardan tashqari) bazaviy to‘lov-kontrakt asosida bakalavriat bosqichi kunduzgi ta’lim shakliga talabalikka tavsiya etilgan abituriyent yoki tahsil olayotgan talabalar foydalana oladi.
So'ragan edingiz
Pedagoglar farzandlari uchun 30 foizlik kontrakt chegirmasi: undan qanday foydalanish mumkin?
Texnik ishlar yakunlanib, 2026-yil 14-oktabrdan boshlab pedagoglar farzandlari uchun 30 foizlik kontrakt chegirmasi uchun arizalar qabuliga start berildi.
So'ragan edingiz
Bog‘chalardagi tarbiyachi yordamchilari farzandlariga ham 30 foizlik kontrakt chegirmasi beriladimi?
Mazkur imtiyoz Adliya vazirligi tomonidan 2026-yil 9-iyul bilan ro‘yxatdan o‘tkazilgan 3849-raqami qo‘shma qarorda belgilangan Pedagogik faoliyat bilan bog‘liq lavozimlar ro‘yxatidagi xodimlarning farzandlariga nisbatan tatbiq etilishi belgilangan.
Izohingizni tahrirlang