Top.Mail.Ru
May oyiga qadar maktabga birinchi marta ishga kirgan stajyor-oʻqituvchilar kasbiy sertifikatlash sinovlariga jalb etiladi
uz O'zbek
ru O'zbek ru English ru Русский

chiqish

May oyiga qadar maktabga birinchi marta ishga kirgan stajyor-oʻqituvchilar kasbiy sertifikatlash sinovlariga jalb etiladi

17:00 / 02.04.2024 4.89k
Maktabgacha va maktab ta’limi vazirining 2024-yil 22-fevraldagi 51-son buyrug‘iga ko‘ra ta’lim tashkilotlarida pedagog kasbiga birinchi marta ishga qabul qilingan stajyor-o‘qituvchilar kasbiy sertifikatlash sinovlariga jalb qilinadi.

Talabgor nazorat sinovida qatnashish uchun so‘rovnomani davlat xizmatlari markazlariga shaxsan borib yoki YAIDXP (my.gov.uz)da to‘ldirgan holda ro‘yxatdan o‘tadi. Ta’lim muassasalari rahbarlari davlat umumiy o‘rta ta’lim tashkilotida pedagogik kasbga birinchi marta ishga qabul qilingan oliy ma’lumotli pedagog kadrlarni o‘z vaqtida kasbiy sertifikatlash va nazorat sinovlariga jalb etish choralarini ko‘radi.

Nazorat sinovlari matematika, fizika, kimyo, biologiya, informatika va axborot texnologiyalari fanlari va pedagogik mahorat uchun 120 daqiqa hamda gumanitar fanlari va pedagogik mahorat uchun 90 daqiqa vaqt beriladi.

Hukumatning “Davlat umumiy o‘rta ta’lim tashkilotlari pedagog kadrlarini kasbiy sertifikatlash bo‘yicha davlat xizmatlarini ko‘rsatishning ma’muriy reglamenti”ga ko‘ra, pedagogik kasbga birinchi marta ishga qabul qilinadigan oliy ma’lumotli talabgorlar stajyor-o‘qituvchi sifatida faoliyat yuritadi va ular ishga qabul qilingan vaqtdan boshlab 1 yil muddat davomida kasbiy sertifikatga ega bo‘lishi talab etiladi.

Kasbiy sertifikatlash jarayoniga talabgor o‘z muddatida jalb etilishi uchun u faoliyat ko‘rsatayotgan davlat umumiy o‘rta ta’lim tashkilotining rahbari mas’ul hisoblanadi. Birinchi marta kasbiy sertifikat olish bo‘yicha nazorat sinovida ishtirok etish uchun talabgordan to‘lov undirilmaydi.

Nazorat sinovi natijasi bo‘yicha 56 va undan yuqori ball to‘plagan talabgor nazorat sinovidan o‘tgan hisoblanadi va elektron shakldagi sertifikat uning shaxsiy kabinetiga yuboriladi. Navbatdan tashqari nazorat sinovida ishtirok etib, yetarli ball to‘play olmagan talabgor bilan tuzilgan mehnat shartnomasi mehnat qonunchiligida belgilangan tartibda bekor qilinadi.

Izohlar 2

Izohingizni tahrirlang

Ko'proq ko'rish
Izoh qoldirish uchun ro'yxatdan o'ting!

Maqola muallifi

Xalq ta'limi Info

Xalq ta'limi Info

Tahririyat

Teglar

  • Attestatsiya
  • Kasbiy sertifikat

Ulashish

line

Ijtimoiy tarmoqlar

Telegram You Tube Facebook Twitter
line

Yangiliklar

Barchasi
Endi o‘quvchilar olgan sertifikatlar yakuniy imtihonlarda ham tan olinadi
14:18 / 15.09.2025

Endi o‘quvchilar olgan sertifikatlar yakuniy imtihonlarda ham tan olinadi

Yangi o‘quv yilidan yagona davlat imtihonlari joriy qilinadi
14:08 / 15.09.2025

Yangi o‘quv yilidan yagona davlat imtihonlari joriy qilinadi

O‘qituvchilarni 1-oktyabr munosabati bilan mukofotlash to‘g‘risida ko‘rsatma berildi
22:28 / 13.09.2025

O‘qituvchilarni 1-oktyabr munosabati bilan mukofotlash to‘g‘risida ko‘rsatma berildi

Prezident 100 nafarga yaqin pedagog va murabbiylarni mukofotladi
23:45 / 11.09.2025

Prezident 100 nafarga yaqin pedagog va murabbiylarni mukofotladi

line

Mavzuga doir yangiliklar

Yangiliklar

O‘qituvchilar attestatsiya sud ishida vazirlikka yutqazdi

Sud attestatsiya natijalaridan norozi bo‘lgan ona tili va adabiyot fani o‘qituvchilarining da’vo arizasini asossiz deb topib, Maktabgacha va maktab ta’limi vazirligi foydasiga qaror chiqardi.

00:30 / 09.09.2025
Yangiliklar

Attestatsiya ishi bo‘yicha uchinchi sud majlisi bo‘lib o‘tdi

Maktabgacha va maktab ta’limi vazirligiga attestatsiya imtihonlarini qayta o‘tkazish majburiyatini yuklash, ma’naviy ziyon va vakil xarajatlarini undirish yuzasidan sudga kiritgan da’vo arizasi bo‘yicha sud ishi davom etmoqda.

15:01 / 05.09.2025
Attestatsiya

Bu yil 202 ming nafardan ortiq pedagoglar attestatsiyada ishtirok etadi

Attestatsiyaga 243 ming 541 nafar pedagoglar onlayn ariza topshirib, ularning 202 ming nafardan ortig‘i ishtirok etishi kutilmoqda.

13:00 / 02.04.2024
Yangiliklar

Attestatsiyadan norozi bo‘lgan o‘qituvchilar ishi sudda ko‘rib chiqildi

Da’vogarning aytishicha, ular imtihon jarayonida test savollarni ishlab bo‘lganidan so‘ng qaysi savolga to‘g‘ri yoki noto‘g‘ri javob berganini bila olmagan, shuningdek ularga yetarli sharoitlar yaratib berilmagan.

11:26 / 27.08.2025