O'zbek
Maktablar uchun eng zaruriy ehtiyojlar ro‘yxati tuzib chiqilganmi?
09:00 / 05.04.2024
910
“OpenBudget” jarayoni juda ko‘p muammolarni ochib berdi aslida. Kuzatgan bo‘lsangiz, bir maktab shunchaki interaktiv doska yoki konditsioner uchun ovoz yig‘di, boshqa bir maktabda esa hatto hojatxona yo‘q, yoki maktab binosi avariya holatida.
Endi tasavvur qiling, eng og‘ir sharoitli maktab ovoz yig‘olmasa, lekin interaktiv doska yoki konditsioner uchun kurashgan maktab g‘olib bo‘lsa, byudjetdan ajratilgan pul to‘g‘ri sarf qilingan bo‘ladimi?
Nahotki, ta’limga mas’ul rahbarlarimiz maktablar uchun eng zaruriy ehtiyojlar ro‘yxatini tuzib chiqmagan? Albatta, maktabga interaktiv doska ham, konditsioner ham, eng zamonaviy jihozlar ham kerak. Lekin respublikada o‘ta og‘ir sharoitli maktablar turganda bu masala o‘z dolzarbligini yo‘qotadi.
2022-yilda sobiq Prezident ta’lim muassasalari agentligiga qarashli ixtisoslashtirilgan maktablarni ta’mirlash uchun bankdan kredit ajratib bo‘lsa-da, bu ishlar o‘z vaqtida amalga oshirilgan. Demak, bizga kerak bo‘lsa shunday imkoniyatni ham topar ekanmiz-ku.
Aslida maktablarni bunday tarzda tabaqalantirish ham noto‘g‘ri. Misol uchun, Prezident maktabi yoki yangidan tashkil etilgan ixtisoslashtirilgan maktablarni qanday ta’mirlanayotganini ko‘rsangiz, beixtiyor Finlyandiyami bu deb yuborasiz.
Bu kabi zamonaviy maktablar kerak emas demoqchi emasmiz. Faqat pullarni eng zaruriy ehtiyojlar uchun ishlatish kerakligini eslatib qo‘ymoqchimiz xolos. Hozirgi kunda maktablar bir-biridan yer bilan osmoncha farq qiladi. Afsuski, bizda tabaqalanish o‘ta kuchli.
Finlyandiyada 1960-yillardayoq tabaqalashgan ta’lim tizimidan voz kechilib, yaxshi sharoitlarda ta’lim olish kamchilik o‘quvchi uchun emas, har bir o‘quvchi uchun umumiy va ochiq qilib, umumta’lim maktablarini rivojlantirishga qaror qabul qilingan.
Bizning amaliyotda esa ko‘proq Prezident, ijod va ixtisoslashtirilgan maktablariga zo‘r imkoniyat va sharoitlar yaratib berilib, umumta’lim maktablariga bunday imkoniyat kamdan-kam beriladi. Ya'ni, oddiy umumta'lim maktablari “OpenBudget”da ovoz yig‘ib, sarson bo‘lishga mahkum.
Izohlar 0
Izoh qoldirish uchun ro'yxatdan o'ting!
Yangiliklar
17:10 / 15.05.2024
Ma’naviyat markazining maktablarda o‘tkazilishi rejalashtirilgan tekshirish ishlari bekor qilindi
16:00 / 16.05.2024
Maktab hududiga kirib qolgan yirtqich ayiq otib o‘ldirildi
08:00 / 15.05.2024
Ma’naviyat markazi maktablarni tekshirmoqchi, savolnomada majburiy obuna ham bor
12:20 / 14.05.2024
O‘qituvchilar malaka oshirish uchun Fransiyaga boradi
Mavzuga doir yangiliklar
Maqola
“OpenBudget” tugamaguncha o‘qituvchida halovat yo‘qmi?
Ayrim hududlarda pedagog xodim va o‘quvchilar ham ovoz yig‘ish ishlariga majburan jalb qilinayotganligi xabarlar tez-tez ijtimoiy tarmoqlarda tarqalib turibdi.
10:40 / 28.03.20241.05k
Eslatma
“Open Budget”ga pedagoglarni majburiy tarzda jalb qilganlarga 34 million so‘mlik jarima qo‘llaniladi
Bu kabi holatlar hatto jinoiy javobgarlikka sabab bo'lishi mumkin.
11:00 / 20.03.2024753
Yangiliklar
“OpenBudget”da 1,5 mingdan ortiq ovoz to‘plagan maktablarni vazirlik saralab beradi
Jihozlash bilan bog‘liq loyihalarni moliyalashtirish uchun ta’lim muassasalariga 164 mlrd 237 mln so‘m qo‘shimcha mablag‘ ajratilgan.
09:00 / 02.03.20241.73k
So'ragan edingiz
“OpenBudget”da 1500 dan ortiq ovoz to‘plagan maktablarga qo‘shimcha mablag‘ ajratiladigan bo‘ldimi?
2023-yilda 1500 ovoz to‘plab, g‘olib bo‘lmagan maktablarning jihozlash bilan bog‘liq loyihalarini moliyalashtirish qo‘shimcha mablag‘ ajratilishi haqida xabar bergandik.
11:20 / 23.02.20241.92k
Izohingizni tahrirlang