O'zbek
Malaka oshirish kurslari tashkil etilmasa, ustama uchun o‘qituvchiga maksimal ball beriladi
16:30 / 30.04.2024
22.18k
Savol
Onlayn malaka oshirish kurslari haligacha boshlanmadi. May oyi keldi. Shu oy oxirigacha biz sertifikat ololmasak ustama olishda muammoga uchrashimiz aniq. Buning yechimi qanday bo‘ladi?
Onlayn malaka oshirish kurslari haligacha boshlanmadi. May oyi keldi. Shu oy oxirigacha biz sertifikat ololmasak ustama olishda muammoga uchrashimiz aniq. Buning yechimi qanday bo‘ladi?
Javob
Maʼlumki, 4–15 dekabr kunlari maktablarda faoliyat ko‘rsatayotgan fan o‘qituvchilarning bilim va ko‘nikmalari diagnostika testidan o‘tkazilgan.
Maʼlumki, 4–15 dekabr kunlari maktablarda faoliyat ko‘rsatayotgan fan o‘qituvchilarning bilim va ko‘nikmalari diagnostika testidan o‘tkazilgan.
Maktabgacha va maktab taʼlimi vazirining 2023-yil 28-dekabrdagi 577-sonli buyrug‘i bilan rahbar va pedagog xodimlarning 2024-yil uchun malaka oshirish kurslarida o‘qitish rejasi tasdiqlangan.
Mazkur buyruq bilan o‘qituvchilarning diagnostika testida yiqqan ballariga ko‘ra malaka oshirish shakli quyidagicha belgilangan:
- 76-100 ball natija ko‘rsatgan pedagoglar birinchi tabaqaga mansub o‘quv dasturi asosida 3 yil ishdan ajralmagan holda (onlayn);
- 56-75 ball natija ko‘rsatgan pedagoglar ikkinchi tabaqaga mansub o‘quv dastur asosida 1 yili ishdan ajralmagan holda (onlayn), 2 yili ishdan ajralgan holda (offlayn), 3 yili esa ishdan ajralmagan holda (onlayn);
- 31-55 ball natija ko‘rsatgan pedagoglar uchinchi tabaqaga mansub o‘quv dasturi asosida 1 yili ishdan ajralgan holda (offlayn), 2 yili ishdan ajralmagan holda (onlayn), 3 yili ishdan ajralgan holda (offlayn);
- 0-30 ball natija ko‘rsatgan pedagoglar to‘rtinchi tabaqaga mansub o‘quv dasturi asosida 3 yil ishdan ajralgan holda (offlayn) malaka oshiradi.
Shu sababli, bu yil onlayn tarzda malaka oshirishi kerak bo‘lgan pedagoglarga offlayn tarzda malaka oshirishiga ruxsat berilmasligi mumkin. Sababi, vazirlikning tegishli buyrug‘i bilan pedagog xodimlarning 2024-yil uchun malaka oshirish kurslarida o‘qitish rejasi tasdiqlanib bo‘lgan.
Malaka oshirish kurslari o‘z vaqtida tashkil etilmasa, o‘qituvchiga ustama uchun necha ball qo‘yiladi?
Maʼlumki, Vazirlar Mahkamasining 2019-yil 30-sentyabrdagi 823-son qarori bilan tasdiqlangan “Umumiy o‘rta taʼlim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida”gi Nizomga 1-ilovaga ko‘ra pedagog o‘z vaqtida malaka oshirish kurslaridan o‘tib, tegishli sertifikatga ega bo‘lsa unga 10 ball, o‘z vaqtida malaka oshirish kurslarida qatnashmagan bo‘lsa ball berilmasligi belgilangan.
Ammo haligacha ayrim fanlar bo‘yicha A.Avloniy nomidagi milliy-tadqiqot instituti tomonidan onlayn malaka oshirish kurslari boshlanmadi. Shu sababli, pedagog xodimlar o‘zlariga bog‘liq bo‘lmagan holda malaka oshirish kurslaridan o‘z vaqtida o‘tib, sertifikat ololmayapti.
Kontent materiallarning kechikkanligi sababli pedagog xodim o‘z vaqtida malaka oshirish kurslaridan o‘tolmasa, bunda ular aybdor hisoblanmaydi.
“Umumiy o‘rta taʼlim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida”gi Nizomning 1-ilovasiga ko‘ra pedagog xodimga bog‘liq bo‘lmagan holda tegishli malaka oshirish kurslari tashkil etilmagan taqdirda, mazkur ko‘rsatkich bo‘yicha o‘qituvchiga maksimal ball beriladi.
Izohlar 1
Izoh qoldirish uchun ro'yxatdan o'ting!
Yangiliklar
20:40 / 29.04.2025
Har ikki yilda ayrim o‘qituvchilarga 40 ming dollardan ziyod pul beriladi
11:40 / 24.04.2025
Gulnora Karimova o‘zlashtirgan pullardan ta’limga ham yo‘naltirilmoqda
18:30 / 23.04.2025
Ikki mingta maktab yuqori yuklama bilan ishlayapti
12:11 / 22.04.2025
Maktab direktori lavozimi uchun 3 ming dollar
Mavzuga doir yangiliklar
Yangiliklar
O‘qituvchilarga 70 foizlik ustama berilishi aniq bo‘ldi
O‘zbekistonning pedagog kadrlarga malaka toifasi berish tizimi Xalqaro ta’lim akkreditatsiya jamiyati (INTEAS) tomonidan xalqaro akkreditatsiyadan o‘tkazildi.
09:50 / 26.04.2025
So'ragan edingiz
Yil o‘rtasida o‘qituvchining ustama foizini kamaytirish to‘g‘rimi?
O‘tgan yili menga 823-qaror bo‘yicha direktor jamg‘armasidan 20% ustama belgilandi, 2025-yil yanvar oyida esa ustamaning 10 foizi asossiz olib tashlandi. Sababini so‘rasam, moliyadan, yuqoridan shunday topshiriq bor degan bahonalarni eshitdim, xolos. Bu qanchalik asosli?
10:00 / 16.04.2025
Yangiliklar
Menejerlik kursida o‘qigan 379 nafar direktor sertifikat ololmadi
Matbuot anjumanida malaka oshirish tizimi, menejerlik o‘quv kurslari, shuningdek, PISA xalqaro tadqiqotiga tayyorgarlik jarayonlari haqida ma’lumotlar berildi.
09:40 / 10.04.2025
Yangiliklar
Pedagoglarga ustama belgilashda inobatga olinadigan tadbirlar ro‘yxatiga qo‘shimcha kiritildi
Аl-Xorazmiy nomidagi aniq va tabiiy fanlar (science) olimpiadasining tabiiy fanlar (fizika, kimyo, biologiya) yo‘nalishida o‘quvchilar natijaga erishgan taqdirda ham pedagog xodimlarga ustama uchun ball bermaslikka to‘g‘ri kelib qolgandi.
13:32 / 25.03.2025
Izohingizni tahrirlang