O'zbek
Ma’naviyat markazi maktablarni tekshirmoqchi, savolnomada majburiy obuna ham bor
08:00 / 15.05.2024
3.45k
Yaqindagina ma’naviy-ma’rifiy ishlar bo‘yicha direktor o‘rinbosarlari uchun tashkil qilingan seminarda surxondaryolik direktor o‘rinbosari “ma’naviyatchilar”ning ko‘p vaqti qog‘ozbozlik bilan o‘tib ketayotganini aytib, vazir Hilola Umarovadan bunga amaliy yordam berishini so‘ragandi.
Shundan so‘ng xalqtaliminfo.uz saytida direktor o‘rinbosarlarini ortiqcha hisobot va qog‘ozbozlikdan qutqarish kerakligi haqida maqola ham e’lon qiligandi.
Xorazmlik direktor o‘rinbosarlarining xalqtaliminfo.uz tahririyatiga ma’lum qilishicha, hokim o‘rinbosari boshchiligidagi ishchi guruh Respublika Ma’naviyat va ma’rifat markazi Yangibozor tuman bo‘linmasi bilan birgalikda maktablarda tekshiruv o‘tkazishni reja qilmoqda.
“O‘quv yilining tugashiga ham 10 kun qoldi. O‘zi yaqindagina (bir oy ham bo‘lmadi) tuman prokuraturasi maktabda Davlat tili to‘g‘risidagi qonun ijrosi bo‘yicha o‘rganish o‘tkazdi.
Hattoki, maktab direktori va o‘rinbosarlari ish rejasi bo‘yicha hujjatlarimizni prokuraturaga chuqur o‘rganish uchun olib ketilib, qaytarib berilgani yo‘q. Ammo endi tuman hokimligi ma’naviyat bo‘limi tashabbusi bilan o‘rganish o‘tkazishmoqchi ekan”, deydi murojaatchi.
Umumta’lim maktablarida amalga oshirilayotgan ishlar natijadorligini o‘rganib borish ham yaxshidir, ammo Yangibozor tumani ma’naviyat markazi tomonidan yuborilgan savolnomada pedagoglarni majburiy obunaga jalb qilishga doir, qonunchilikka zid bo‘lgan bandlarni ham ko‘rish mumkin.
Savolnomada Respublika Ma’naviyat va ma’rifat kengashi nashrlari – “Tafakkur”, “Ma’naviy hayot”, “Jahon adabiyoti”, “Sharq yulduzi” jurnallariga obuna holati va barcha sonlarining maktabga yetib kelishi, shuningdek “Yangi O‘zbekiston”, “Xalq so‘zi”, “Jadid” kabi gazetalarga obuna holati o‘rganilishi ham qayd etilgan.
Respublika Ma’naviyat va ma’rifat markazi Yangibozor tuman bo‘linmasi rahbari imzolagan hujjat bilan tasdiqlangan savolnomada yana bir qancha g‘ayritabiiy jumalalar ham mavjud.
Maktablarda Jaloliddin Manguberdi va Amir Temur xonalari mavjudligi, bezatilish ahvoli, Ma’naviyat va ma’rifat markazi tuman bo‘linmasi telegram kanaliga maktab pedagoglari va o‘quvchilarning a’zo bo‘lganligi va ijtimoiy tarmoqlarda sahifalari mavjudligi, qachon tashkil etilgan, nimalar yoritilgan va kuzatuvchilari soni qancha ekanligi haqidagi savolnomalar shular jumlasidandir.
Holat yuzasidan Respublika Ma’naviyat va ma’rifat kengashi hamda Maktabgacha va maktab ta'limi vazirligidan rasmiy munosabat kutib qolamiz.
Eslatib o‘tamiz, O‘zbekiston Respublikasi Prezidentining 2018-yil 14-avgustdagi PQ-3907-sonli qaroriga muvofiq xalq ta’limi xodimlarini bosma nashrlarga majburan obuna bo‘lishini tashkil etish taqiqlangan.
Eslatib o‘tamiz, O‘zbekiston Respublikasi Prezidentining 2018-yil 14-avgustdagi PQ-3907-sonli qaroriga muvofiq xalq ta’limi xodimlarini bosma nashrlarga majburan obuna bo‘lishini tashkil etish taqiqlangan.
Izohlar 0
Izoh qoldirish uchun ro'yxatdan o'ting!
Yangiliklar
01:44 / 22.12.2024
2025-yil 1-yanvardan ona tili va tarix o‘qituvchilariga milliy sertifikat uchun 50% ustama beriladi
11:04 / 19.12.2024
Maktabda qimor o‘yini tashkil qilgan direktor ishdan olindi
12:27 / 18.12.2024
Endilikda maktablar “Mening maktabim” loyihasida ovoz berish yo‘li orqali jihozlanadi
13:12 / 17.12.2024
Maktab va bog‘chalarda Yangi yil bayramini o‘tkazishga oid rasmiy ko‘rsatma berildi
Mavzuga doir yangiliklar
Taklif
O‘qituvchi cho‘ntagidagi pullar hisobiga kun ko‘rayotgan “gazeta va jurnallar” faoliyati taftish qilinishi kerak
Qo‘pol qonunbuzilishlariga yo‘l qo‘yilgan taqdirda tahririyat faoliyatini to‘xtatish lozim
10:13 / 01.11.2024
Yangiliklar
Prezident qarori bilan o‘qituvchilarga ustama to‘lab berishdagi muammolar ijobiy hal etildi
Pedagoglarga iyun-avgust oylarida ustama to'lab berish muammoga aylangandi
15:39 / 15.10.2024
Yangiliklar
"O'qituvchilardan ushlab qolingan pullar qaytarib beriladi" — kasaba uyushmasi
Buxgalter o‘zboshimchalik bilan o‘qituvchilarning oylik maoshidan ushlab qolgandi
18:03 / 03.10.2024
Yangiliklar
Qashqadaryolik o'qituvchilarning oylik maoshidan millionlab pullar o'zboshimchalik bilan ushlab qolinmoqda
Shahrisabz shahrining qolgan barcha ta'lim muassasalarida ham xuddi shu ahvol
09:00 / 28.09.2024
Izohingizni tahrirlang